Тимур Туйба

Ҭыҩба ансамбль "Абжьыуаа" афестиваль аҟны рықәгылара иазкны: иҳаракын

9
(ирҿыцуп 12:43 02.02.2018)
Очамчыратәи ахәыҷтәы ансамбль "Абжьыуаа" Жәларбжьаратәи ахореографиатә фестиваль-еиндаҭлара "Звездный микс" иалахәын, уаҟа иранашьан актәи аҭыԥқәа ҩбеи Гран-прии, абри атәы Sputnik арадиостудиаҟны иҳәеит ансамбль асахьаркыратә напхгаҩы Ҭимур Ҭыҩба.

"Москватәи афестиваль аҟны ансамбль инанагӡеит акәашарақәа хԥа: аԥсуа кәашара, ауаԥс кәашара, Кавказтәи ажәларқәа рыкәашарақәа рпопурри. Москваҟа ицеит 35-ҩык ахәыҷқәа, аҳәынҭқарра ацхыраара ҳарҭеит. Акырӡа иҳаракны ҳрыдыркылеит, ахәыҷқәагьы рхы бзианы иаадырԥшит", — иҳәеит Ҭыҩба.
Шәазыӡырҩла арадио Sputnik Аԥсны ишиашоу ицо аефир, асааҭ 18:00 рзы.

9