Эсма Квициния

Кәыҵниаԥҳа: ԥсшьара иаҳго ахәыҷқәа рҟынтә иҟоуп Аԥсны анҭыҵ имцац

14
(ирҿыцуп 13:31 17.04.2018)
Аҳҭнықалақь аҿари аспорти рызҵаарақәа рзы аилак апроект аҳәаакәа ирҭагӡаны, Аҟәа ақалақь аҿы инхо ахәыҷы рацәа змоу ф-ҭаацәарак Лоо арлахҿыхратә комплекс аҿы рыԥсы ршьеит. Абри атәы Sputnik Аԥсны арадио иалҭаз аинтервиу аҿы илҳәеит Аҟәа аҿари аспорти рызҵаарақәа рзы аилак ахаҭарнак Есма Кәыҵниаԥҳа.

"Ари апроект мҩаԥаагоижьҭе быжьшықәса ҵуеит, иара ахшаара рацәа змоу аҭаацәара ҿарацәа ирзырхоуп. Хҩык инариеҳаны ахәыҷкәа змоу Аҟәа ақалақь аҿы инхо ф-ҭаацәарак есышықәса Лоо иҳашьҭуеит, рыԥсы ршьарцаз. Знык ицахьоу ахәыҷқәа ари ахҭыс даара иазыԥшуп, ҳанырбалак еснагь иҳазҵаауеит, еиҭа ҳанбацо ҳәа. Иҟоуп аҭаацәарақәа зхыҷқәа зманы Аԥсны анҭыҵ имцац. Дара амҩаҿы рхымҩаԥгашьа уанахәаԥшуа, угәы иамыхәарц залшом. Ирбо зегьы ҿыцбараха ирбоит, рыччабжь ҳахнахуеит. Абас еиԥш ахәыҷкәа ргәалаҟазаара анаҳбалак, ҳапроект ахықәкы нагӡоуп ҳәа иҳаԥхьаӡоит", — азгәалҭеит Кәыҵниаԥҳа арадио Sputnik Аԥсны аефир аҟны.

14