Руслан Хашиг

Ҳашыг: Владислав Арӡынба еснагь ахьӡи ахьымӡӷи дрызхәыцуан

9
(ирҿыцуп 16:34 14.05.2018)
Ҳаамҭазтәи аԥсуа ҳәынҭқарра ашьаҭаркҩы Владислав Арӡынба игәалашәараҿы дшаанхаз арадио Sputnik аефир аҟны еиҭеиҳәеит Аԥсны ажурналистцәа реидгыла ахантәаҩы, раԥхьатәи ахада ипресс-маӡаныҟәгаҩс аус зуаз Руслан Ҳашыг.
"Хра злоу ахҭысқәа": Руслан Ҳашыг Аԥсны раԥхьатәи ахада Владислав Арӡынба изкны

"Владислав Григори –иԥа иҟаиҵоз зегьы шьаҭас иаман аԥсуара, аԥсуа гәыцә, иарабанзаалак ахҭыс ԥсуаҵас амҩаԥгара, ҳажәлар рҟны ирҳәало ахьӡи ахьымӡӷи иара изы ихадаран иусураҿы, иԥсҭазаараҿы. Шәазхәыц, ареспубликақәа зегьы рнаԥхгаҩцәа, Урыстәыла аҳәынҭқарра ахада инапы аҵаиҩҩит, Қырҭтәыла аделегациа ахада Шеварнаӡе инапы аҵаиҩҩит аиқәшаҳаҭра (цәыббра 3, 1992-зтәи Москватәи аиқәшаҳаҭра аредак.), зегьы ирҳәон Владислав Григори-иԥа инапы аҵеиҩҩырц, алшара ҳнаҭоит Аԥсны ацхыраара азыҟаҵара, ицо аибашьра аанкылара, даҽа ҩаӡарак ахь анагара ҳәа. Ельцин иаартны иҳәеит иазхоуп, ӡәыр инапы аҵеимыҩҩыр иҭахызар, уи иара иҭакԥхықәраҿы иҟазааит, анаҩс иҟаларц зылшо азы  ихы авба аиҭааит ҳәа. Адунеи аҿы аурыс ҳәынҭқар ииҳәоз, имҩаԥигарц илшоз, иахылҿиаар иҟалоз ибзиаӡаны еиликаауан Владислав Григори-иԥа. Аха еиҭа аԥсшьара рылаҳәаны, ажәақәа ԥшааны, аицәажәарақәа ирылахәыз рахь ааԥхьара ҟаиҵеит, иамуазар архәҭақәа ралгара снапы аҵазҩҩуеит, аха акызаҵәык, сара сақәшаҳаҭхом Аԥсны ахьчара, ҳажәлар рыхьчара инеиз ауаа, урҭ рахьынтә иҭахахьоу ыҟоуп, сыламыс иаҵанакуам, сыжәлар рыхьӡалагьы схы исзаҭәашьом урҭ ауаа рықәыӡбара. Абри апункт сшақәшаҳаҭым ҷыдала азгәаҭа анысҵоит ҳәа иҳәеит. Иара изы убысҟак ахьӡи ахьымӡӷи ҳаракын. Шәааи, ус ҳхаҿы иааҳгап, ганкахьала абри ақәыӷәӷәара изыҟарҵоз дазхәыцны инапы аҵаиҩҩызҭгьы, измырҽеизҭгьы, анаҩс ҳажәлар рзы, иахьатәи амш азы закәытә хьанҭараны инхоз. Ельцин инапы зҵаиҩҩхьаз адокумент аредакциа азыруит. Абри аҩыза аҩаӡара змоу аполитикатә еиҿцәажәарақәа рҟны, аҳәынҭқар инапы анаҵаиҩҩлак ашьҭахь аредакциа азыруа исмаҳацт. Убри аҟынтәи ҳиааирақәа убра ирылагеит", —ҳәа азгәеиҭеит Ҳашыг Sputnik Аԥсны аефир аҟны.

9
Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

12
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

11
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

11