Заур Шалашава

Шьалашьаа "25 шьаҿа" иазкны: аинвестициақәа рызҵаара ахылаԥшра ӷәӷәа аҭахуп

10
(ирҿыцуп 15:28 04.06.2018)
Аекономикеи азини ринститут аиҳабы, аекономикатә ҭҵаарадыррақәа рдоктор Заур Шьалашьаа Sputnik аефир аҟны иазгәеиҭеит Аԥсны аекономикатә ҿиара апрограммаҟны иарбоу шьаҿақәак рынагӡара шхацырку.
"Хра злоу ахҭысқәа": Шьалашьаа аекономикатә программа иазкны

"Аԥхьа иргыланы исҳәар сҭахуп апрограммаҟны иану ашьаҿақәа рҟынтәи излагахьоу ыҟоуп Аԥсны. Уи ашәахтәқәа, абизнес маҷ ирызку ҩба –хԥа азакәан апроектқәа еиқәдыршәахьеит аекономика аминистрраҟны. Еиҳарак сзықәгәыӷуа, уа иану ашьаҿақәа ҩажәи хәба рҟынтәи ҩажәа рҟынӡа Аԥсны ахада апарламент ахь аҵыхәтәантәи инашьҭымҭаҟны иарбоуп. Уажәшьҭа иаҭаху анагӡароуп, уи зуалу ачынуаа роуп. Апрограмма иагу атәы ҳҳәозар, аҩныҵҟатәи аресурсқәа рыӡбахә маҷны иҳәоуп", — ҳәа азгәеиҭеит Шьалашьаа.

Аҵарауаҩ игәаанагарала аинвестициақәа рызҵаара ҳауаажәлар агәҭынчымра рызҭо, ахылаԥшра, аус зыдулара аҭаху иреиуоп.

Аҟәа имҩаԥгаз раԥхьатәи амилаҭтә форум "Аԥсны астратегиа 2025" аекономика аизҳара иазкын. Афорум ажәахә хаданы иҟан Аԥсны аекономикатә ҿиара апрограмма "25 шьаҿа Аԥсны аекономика аҿиаразы 2025 шықәсанӡа".

10

Ҳагба: ҳбызшәеи ҳаԥсуареи еиқәхар ҳҭахызар- ақыҭа ҭаҳгароуп

3
(ирҿыцуп 14:00 07.08.2020)
Аҳәынҭқарратәи ауаажәларратәи усзуҩ Валери Ҳагба иира мшы азы арадио Sputnik Аԥсны аефир аҟны иҳәеит 80 шықәса ихыҵра дшазыҟоу, Аԥсны Аџьынџьтәылатә еибашьраан хьыӡшьарақәас имаз, иара убасгьы дазааҭгылеит аԥсуа қыҭа иахьатәи абзазшьа атәы.
Ҳагба: ақыҭа ҭаҳгароуп ҳбызшәеи ҳаԥсуареи еиқәхар ҳҭахызар

Аҳәынҭқарратәи ауаажәларратәи усзуҩ, Аԥсны Жәлар рфорум "Аидгылара" Гәдоуҭатәи аҟәша ахантәаҩыс иҟаз, бџьарлеи техникалеи аиқәыршәаразы атәылахьчара аминистр ихаҭыԥуаҩс иҟаз, аинрал-маиор, Аԥсны афырхаҵа, Аҷандара абыргцәа рхеилак ахантәаҩы Валери Езыгә-иԥа Ҳагба иахьа 80 шықәса ихыҵит.

Валери Ҳагба азиндырҩы изанааҭ ала Харьковтәи аиуристтә факультет далгеит. Аус иуан Аԥсны апрокуратура аҟны 1990 шықәсанӡа. Аԥсны Аџьынџьтәылатә еибашьра ҟалаанӡа Гәдоуҭа араион ашәахтә инспекциа анапхгаҩыс дыҟан. Активла далахәын амилаҭ-хақәиҭратә қәԥара. Аԥсны Аџьынџьтәылатә еибашьра аԥхьатәи амшқәа рзы илагала рацәоуп аԥсуа ар реиҿкаара аус аҟны. 1998 шықәсазы Гал Лаҵарамзазтәи операциаҟны илагалазы аинрал –маиор ҳәа ахьӡ ианашьан. 2006 шықәсазы атәылахьчара аминистр ихаҭыԥуаҩ иҭыԥ ааныжьны ԥхьатәара дцеит.

"Ижәдыруеит 80 шықәса маҷӡам. Сара есқьынагьы аусура саҿын иахьцазгьы сымбаӡеит (ашықәсқәа- ред.). Сшыхәыҷыз саб идунеи иԥсахит. Ҩышықәсеи бжаки схыҵуан ҳан хәҩык ахәыҷқәа лнапаҟны ҳанаанха, аиҵбы хымз ракәын ихыҵуаз. Усҟан аԥсҭазаара мчын, аколхоз ыҟан, сан зегьынџьара дахьӡар акәын. Сабду амҳаџьырра ицаны иаахьаз усҟан шәышықәса дырҭысхьан…Саншьцәа Гәлиаа рҟны, Ешыра схәыҷра ашықәсқәа схызгеит", - иҳәеит Ҳагба.

Иахьа аԥсуа қыҭа аԥсҭазаашьа далацәажәо иазгәеиҭеит, урҭ ацхыраара анрыҭамха, абызшәеи амилаҭтә леишәеи шыӡуа.

"Ақыҭақәа анҭаҳамга ҳаԥсуарагьы, ҳбызшәагьы ҳцәыӡуеит. Абызшәа ануцәыӡ уаԥсыуоуп ҳәа ухы злоуԥхьаӡои. Египет (Мысра) ҩышә нызқьҩык рҟынӡа ыҟоуп Абаза ҳәа рыжәлоуп, аха аԥсшәа рыздырӡом. Уи аԥсуара иахәарҭахозар, шәышықәса ахы-аҵыхәала убас ҳнанагоит", - иҳәеит Ҳагба.

Шәазыӡырҩы аудио. Иаҳа инеиҵыху Иаҳа инеиҵыху анҵамҭа шәаҳа шәылшоит арадио Sputnik Аԥсны аефир аҿы.

3
Астамур Мамед-оглы

Мамед-оглы аицлабра "Swim Sukhum" азы: хәыҷгьы дугьы иргәаԥхоит

13
(ирҿыцуп 10:21 07.08.2020)
Аклуб "Аспорт Аԥсны" ахаҭарнак Асҭамыр Мамед-оглы арадио Sputnik Аԥсны аефир аҿы иҳәеит аспортсменцәа рыбжьара есышықәсатәи аицлабра "Swim Sukhum" азҿлымҳара бзиа шамоу атәы.
Мамед-оглы аицлабра "Swim Sukhum" азы: хәыҷгьы дугьы иргәаԥхоит

Аицлабра "Swim Sukhum" Аҟәа имҩаԥысраны иҟоуп асабша, нанҳәа 8 рзы.

"Ҵыԥх 1000 метрак аҿы зхы алазырхәыз сынтәа 2700 метра иӡысуеит. Уи иаанаго ауаа аицлабрақәа рҽазыҟарҵо иалагеит. Сынтәа ибзианы иаҳзымҩаԥгар, ҳаԥхьаҟа адистанциа хә-километрак аҟынӡа иҟаҳҵар ҳҭахуп. Уажәазы зегьы иреиҳау 2700 метроуп. Зҽанызҵо ауаа рхыԥхьаӡара иаҳа-иаҳа иацлоит, аиашазы, усҟак ҟалоит ҳәа ҳаҟаӡамызт. Ахәыҷқәагьы рхыԥхьаӡара иаҳа-иаҳа иацлоит. Даара иргәапҳоит аицлабра. Амшын аҟәараҿы ҳанхоит, аӡсашьа узымдыруазар, иԥхашьароуп ҳәа сыԥхьаӡоит. Аицлабрақәа раан аӡсаҩцәа зегьы ахылаԥшра рымазаауеит, аиқәырхаҩцәа аҳақьымцәеи амшын аҟәареи, иара аӡаҟныи иҟалоит", - еиҭеиҳәеит Мамед-оглы.

Аицлабра "Swim Sukhum" Аԥсны хышықәсоуп имҩаԥысуеижьҭеи, иара еиднакылоит ҩ-спортхкык: аҩреи аӡсареи.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

13
Пограничный пункт Ингур в Гальском районе Абхазии

Ҩымш рыла 500-ҩык инарзынаԥшуа ауаа Аԥсныҟа ихынҳәит

3
(ирҿыцуп 14:18 07.08.2020)
Агуманитартә коридор аартуп нанҳәа 5-9 асааҭ 9:00 - 19:00 рзы аамҭала Қырҭтәыла иҟаз Аԥсны атәылауаа хынҳәырц азы.

АҞӘА, нанҳәа 7 - Sputnik. Қырҭтәылантәи Аԥсныҟа ихынҳәит 476-ҩык инареиҳаны агәаҭара-аушьҭратә ҭыԥ "Егры" аҟны иаартыз агуманитартә коридор ала, абри атәы Sputnik имҩаԥысыз апресс-конференциаҿ еиҭеиҳәеит Аҳәынҭқарратә шәарҭадаратә маҵзура аҳәаахьчаратә отриад аиҳабы ихаҭыԥуаҩ Рудольф Цыба.

Цыба, иажәақәа рыла нанҳәа 5 рзы Аԥсныҟа иааиит 188-ҩык, нанҳәа 6 рзы – 288-ҩык.

Агуманитартә коридор аус ауеит нанҳәа 5 - 9 рыбжьара асааҭ 9:00 инаркны 19:00 сааҭ рҟынӡа.

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аҳәаа иахысуа зегьы ргәабзиара аҭагылазаашьа амедико-санитартә хылаԥшра арҭоит.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала 1269-ҩык инареиҳаны ауаа хынҳәит.

3