Беслан Дбар

Дбар: Иорданиатәи ҳџьынџьуаа Аԥсны инхар зҭаху ыҟоуп

17
(ирҿыцуп 20:24 08.06.2018)
Арепатриациазы аминистр Беслан Дбар Sputnik аефир аҟны иазгәеиҭеит Иорданиа инхо аԥсуа хылҵшьҭрақәа рҟынтәи зҭоурыхтә ԥсадгьыл ахь нхара иаар зҭаху шыҟоу.

"Иааидкыланы иуҳәозар, 130-ҩык рҟынӡа, уаагьы зҽеидкыланы инхо, абжьаратә қәра 35 инаркны 40-50 шықәса рҟынӡа зхыҵуа иаар рҭахуп. Ҳабацәа урҭ уа иаанхоит, арахь иааҳгаргьы мыцхәы излашәыхәо ыҟам рҳәеит. Насгьы ҳара ҳфонд аганахьала акгьы иаҳәар рҭахӡам. Дара рхатә харџь ала инхар рҭахуп. Амала иаразнак ирҳәеит ҳхәыҷкәа инаҳго абызшәа дырҵара уҳәа реиԥш иҟоу азҵаарақәа рҟны ауадаҩрақәа ҳауама ҳәа. Сгәы иаанагоит ари аԥхын  нҵәаанӡа анхара азҵаара аӡбаразы нап зыркхо аусқәа ҟалоит", — иҳәеит Дбар.

17