Адамыр Смыр

Смыр: агәам-сам казыжьуа аиҳарак аԥсуаа ҳауп

56
(ирҿыцуп 16:29 10.06.2018)
Ҳтәыла асанитартә ҭагылазаашьа аиӷьтәразы иҟаҵатәузеи, абри азы игәаанагара иҳәеит арадио Sputnik Аԥсны аҿы ицо есымчыбжьатәи адырраҭара "Коӷониаԥҳа лымҩаду" аҟны Риҵатәи аҳәарԥсарра абна хылаԥшҩы хада Адамыр Смыр.

"Коӷониаԥҳа лымҩаду": Смыр асанитартә ҭагылазаашьа иазкны
"Ҳара ҳоуп агәам-сам казыжьуа. Аԥсшьаҩцәа џьара ицозар, ргәам еизганы ирыман илбааргоит. Убас еиԥш изыҟалеи атурист ихы иишан имҩаԥиго, ҳара ҽакала ҳхы мҩааԥааго. Риҵа амилаҭтә парк аҟны еидаҳкыло агәам-сам зегьы, шықәсык ахы-аҵыхәыла хәнызқь м3 рҟынӡа инаӡоит, Гагра иҟоу агәам аус адуларатә зауад ахь инаҳгоит.  Сгәы иаанагоит, аҭагылазаашьа аиӷьтәразы, аԥсуаа аԥсуара ишаҵанакуа ала урызнеир, иаҳа иамаԥхьашьына агәам-сам карыжьларым", — ҳәа азгәеиҭеит Смыр арадио Sputnik Аԥсны аефир аҟны.

56

Ажьиԥҳа еиҭалҳәеит Гагра араион азы аҵарашықәс зеиԥшраз, уи ахарҭәаашьа шылбо

0
(ирҿыцуп 19:21 04.06.2020)
Гагара араион аҵара аҟәша аиҳабы Мадина Ажьиԥҳа арадио Sputnik арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит сынтәа шаҟаҩы аушьҭымҭацәа рымоу, онлаин аҵара дшазыҟоу, актәи акласс аҵаҩцәа зхысуаз апрограмма инагӡаны рызнагаразы мҩас илбо атәы.
Раионк аԥсҭазаараҟынтә: Ажьиԥҳа апандемиа аан аҵаратә процесс иазкны

Гагра араион аҟны сынтәа ашколқәа роушьҭымҭацәа 256-ҩык ыҟоуп, урҭ рахьынтә ҩыџьа хьтәы медалла рҵара хдыркәшоит ҳәа изықәгәыӷуа роуп.

Шәазыӡырҩы аудио.

Иара убас шәаԥхьар ҟалоит:

 

0

Кәыбраа: ари ашықәс даара иуадаҩу шықәсуп аекономиказы, уи еилыркаауазароуп зегьы

11
(ирҿыцуп 15:36 04.06.2020)
ААУ амилаҭтә економика акафедра аиҳабы, адоцент Беслан Кәыбраа арадио Sputnik Аԥсны аефир аҿы еиҭеиҳәеит аекономикатә кризис иаҳа иамарины алҵразы иҟаҵатәу.
Хра злоу ахҭысқәа: Кәыбраа аекономикатә кризис иазкны

"Аҭагылазаашьа зынӡаск имариаӡам, уи ажәларгьы еилыркаар ҳҭахуп. Иаҭахуп ахеиҷаҳареи аҟәышреи. Актәи, зегь реиҳа ихадоу азҵаара - аҭагылазаашьа зеиԥшразаалакгьы, аус зуа ауаа ауалафахәы роуа иҟаҵалатәуп. Уи аҳәынҭқарра ахахьы иагароуп, уи иалнаршароуп. Ари ашықәс даара иуадаҩу шықәсуп, ҳӷыҵысны ҳанцалак ауп, ҳаԥхьаҟатәи аплан ахь ҳаниасша. Ара цәыӡда хысшьа ыҟаӡам, убри аҟнытә ихадароу ауалафахәоуп. Иахәҭам ахарџьқәа рныхра аанкылатәуп, иркьаҿтәуп. Абуиџьеҭ аганахьала асеквестирование ҳәа изышьҭоу ҟаҵатәыс ирықәшәоит ҳәа агәаанагара сымоуп. Зда ԥсыхәа ыҟам ахарџьқәа зегьы закәанла ихьчоуп, урҭ ирныԥшӡом уи, аха иҟоуп закәанла ихьчамгьы, иаҳҳәап, аконференциақәа, аконцертқәа рымҩаԥгара, ачынуаа Аԥсны анҭыҵ рныҟәарақәа уҳәа, урҭ зегьы ркьаҿтәхоит", - ҳәа иҳәеит Кәыбраа.

ААУ амилаҭтә економика акафедра аиҳабы иажәақәа рыла, Аԥсны аекономика иацхраатәуп, аԥхьа иргыланы ашәахтәқәа рганахьала ирԥсыҽтәуп ақәыӷәӷәара

"Аизгақәа маҷхоит хымԥада, усҟан, аха абиуџьеҭгьы зламаҷхо ала урҭ хеибарҭәаауеит. Ашәахәтәқәа реизгараҿы ақәыӷәӷәара ҳарԥсыҽуазар, аҭакԥхықәра еиҳа иҳарӷәӷәароуп. Анаплакҩы ианаамҭоу имшәар ашәахтә, усҟан ахараԥса идҵазароуп. Акризис ашьҭахь иаҳа-иаҳа ирацәахароуп ашәахтәқәа зшәо. Ҭоурыхла уи ус иҟоуп. Ажәлар кны иҟоуп, уажәы аԥкра аамҭа иҭагылоуп, аха азин анроулак аусура еиҳаны ицоит", - ҳәа азгәеиҭеит Кәыбраа.

Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

11