Даур Дзидзария

Ӡиӡариа: аныҳәеи агәалашәаратә мши ирызку апрограмма Гәдоуҭа аус адырулоит

18
Гәдоуҭа араион ахада ихаҭыԥуаҩ Даур Ӡиӡариа арадио Sputnik Аԥсны аефир аҟны иҳәеит Аиааира амш, иара убас уи аԥхьа иҟоу арыцхәқәа разгәаҭаразы араион аҟны акомиссиа шеиҿкаау.

"Араион ахада инапынҵала акомиссиа аԥҵоуп. Уи аҟәшақәа реиҳабацәа зегьы алахәуп. Аиааира амш, уи аԥхьагьы иҟоу арыцхәқәа, аныҳәақәа разӷәаҭаразы анапынҵақәа рыҭоуп, ирылшо азгәаҭаны апрограмма еиқәдыршәарц, анаҩс урҭ зегьы зеиԥш программаны иҟаҵахоит. Иара убас ақыҭақәа рхадацәа рыла даҽа комиссиак аԥҵоуп, уи аибашьраан иҭахаз рбаҟақәа рҭагылазаашьа гәазҭо ауп. Есԥшьаша ҳаизоит, иҟаҵатәу азгәаҳҭоит, ҳҽазыҟаҳҵоит. Араион аҟны Аиааира амш ианазгәаҳҭо арыцхә макьана ишьақәыргылам, агәаанагара ыҟоуп сентиабр 27 иақәшәар ҟалоит ҳәа.  Уи аҽны ауп Гәдоуҭа- ақалақь афырхаҵа ҳәа ахьӡ анаиу. Аха уи макьана иӡбаӡам, ҳҳәынҭкарраҟны аныҳәатә усмҩаԥгатәқәа шеиҿкаахо анеилаҳкаалак аҿҳәара аҳҭоит", — иҳәеит Ӡиӡариа.

18