Сергей Начкебия

Наҷҟьебиа: иахьагьы игәхьаазгоит аҳаирплан аҟынтәи аԥара

16
Аԥснынтә раԥхьаӡа аҳаиртә десант ахь аррамаҵзура рхыргарц ишыргаз, насгьы аныҳәамш аҽны аӡы алаԥалара дшазыҟоу атәы арадио Sputnik аефир аҟны еиҭеиҳәеит Аԥсны адесантуаа реидгыла ахантәаҩы ихаҭыԥуаҩ Сергеи Наҷҟьебиа. Нанҳәа 2 аҳаиртә-десанттә мчқәа ирымшуп.

"Аҳаиртә десант аветеранцәа 37-ҩык ҳаҟоуп. 2008 шықәсазы Гиви Адлеибеи Амиран Кәарҷиеи еидыркылеит аҳаиртә десант ар ҷыда рхеилак. Иахьа жәашықәса ахыҵуеит, ныҳәа дууп, аҩызцәа ирыдысныҳәалоит. Аԥснынтәи раԥхьаӡа аҳаиртә десантахь арра ҳнарԥхьеит 1971 шықәсазы. Аԥсуаа ҩыџьа ҳакәын иҟаз Зурик Дбари сареи, егьырҭ атәым милаҭ рхаҭарнакцәа ракәын. Арра ҳаргеит, ҳанаалеит, пату ҳақәын. Иахьагьы сгәы хыҭхыҭуеит аҳауа ишалоу санахәаԥшуа.  Уажәыгьы сыԥандаз аҳаирплан аҟынтәи ҳәа сгәы иаанагоит. Иахьа Урыстәыла иҟарҵаз ауп акәымзар, адесантуаа рымш аҽны аӡы иалаԥало, ижәны ирҳәо рзымдыруа уи аҩыза атрадициа адесантуаа иртәӡам", — ихәеит Наҷҟьебиа

16