Рамина Псания

Пасаниаԥҳа: акоррупциа аҳәынҭқарра ааха ду анаҭоит

277
(ирҿыцуп 18:46 09.09.2018)
Азиндырҩы, адукат Рамина Пасаниаԥҳа арадио Sputnik Аԥсны аефир аҟны ицо адырраҭара "Коӷониаԥҳа лымҩаду" аҿы еиҭалҳәеит адунеи аҿы акоррупциа ишаҿагыло атәы.

"Адунеи зегьы аҿы акоррупциа иаҿагылоит ҳәа иаҿуп ауаажәларра, избанзар уи даара аҳәынҭқарра ааха ду азҭо ҳәа иԥхьаӡоуп. Португалиа, Нидерланды, Бельгиа уҳәа ирымоуп адекларациа. Ачынуаа иадырбоит рмазара ахьынтәиааргаз. Иҟоуп атәылақәа, адекларациа зегьы ахьхадырҭәаар акәу, уи ачынуаҩ имацара иакәым, дарбанзаалакгьы имазара дуузар ахныҟәгага маҷ аасҭа уи зегьы иадырбар ауп. Убыс иаҿагылоит атәылақәа рҿы. Иаҳҳәап Гонконг акәзар, акоррупциа иаҿагыло азакәан рыдыркылеижьҭеи, ачынуаҩ иԥсҭазаара аҩаӡареи, имали, иуалафахәыи еиқәымшәозар, иара ахара идҵахоит", — ҳәа азгәалҭеит Пасаниаԥҳа. 

277