Алхас Тания

Ҭаниа аӷацәа ирымхыз рапхьатәи атанк иазкны: аибашьра иасимволуп

71
Аԥсны Аџьынџьтәылатә еибашьраан Ацҳа Ҟаԥшь аҟны аӷацәа ирымхыз атанк гәыԥҩык арԥарцәа ишышьақәдыргылаз, нас аус шадыруыз атәы арадио Sputnik Аԥсны амҩаԥгаҩ Алхас Манаргиа изеиҭеиҳәеит Алхас Ҭаниа.

"Атанк иахьгылаз иамырхқәаз рацәахеит, аамҭагьы иара атәы ҟанаҵеит. Ҳахьцалакгьы аҷкәынцәеи сареи убри ҳазхәыцуан, иагу-иабзоу аҟаҵаразы ҳахьыҟазаалакгьы амаҭәахәқәа ааҳгон.  Ирацәаҩуп уи ашьақәыргылараҿы иҳацхрааз. Иҟоуп атәым ҳәнҭқаррантәи иааргаз амаҭәахәқәагьы. Уажәы Т-45 еиҭашьақәыргылоуп, иныҟәартә иҟоуп, уи моу, иагьхысуеит. Ари атанк аиҭашьақәыргылара ҳара иаҳуалԥшьаны иҳаԥхьаӡоит, ҳаибашьцәа иргаз раԥхьатәи аӷа еибашьыгатә машьына, аибашьра иасимволны иԥхьаӡоуп", — иҳәеит Ҭаниа арадио Sputnik Аԥсны аефир аҿы.

71