Инал Хашиг

Ҳашыг ашьапылампыл азы Аԥсны ачемпионат иазкны: ас хара ҳзымцар ҟалап

18
(ирҿыцуп 14:44 20.11.2018)
Ажурналист, ашьапылампылтә хҳәааҟаҵаҩ Инал Ҳашыг арадио Sputnik Аԥсны аефир аҿы еиҭеиҳәеит Аԥсны ашьапылампылтә ачемпионат азы игәаанагара.

"Аибашьра ашьҭахьтәи аамҭазы аԥарагьы ыҟамыз, ашьапылампыл асыҩцәа рымаҭәа еиҿкааны ирымамызт, ампылқәагьы маҷын, аха уезгьы ачемпионат мҩаԥыргон. Шықәсыбжак ачемпионат ҳзаламго, ас еиԥш ахаан ҳамнеиӡацызт. Уи иҽеим ҿырԥшуп ҳара ҳзы. Абҵарамзазы уи ахацыркра, иаанагоит — аӡын ауп абжеиҳан ахәмаррақәа зегьы анымҩаԥгахо. Ауаҩы ахәмаррақәа ирыҵоу аԥшӡара зегьы ибар иҭахуп, уажәы ахәмарыҩцәа аҳәынҵәа иаганы, ҳастадионқәа рҭагылазаашьа зеиԥшроу ала уахьтәо ыҟамкәа, ас еиԥш ачемпионат амҩаԥгара ҳахькылнаго сыздыруам", — ҳәа азгәеиҭеит Ҳашыг.

Аиҿцәажәара инарҭбаан шәазыӡырҩыр ҟалоит арадио Sputnik Аԥсны ишиашоу ицо аефир аҟны, асааҭ 18:00 рзы.

18