Кәарцхьиаԥҳа: Аҟәатәи агәамеизакырҭа анаркхалак 40 –ҩык инарзынаԥшуа усурҭада иаанхоит

26
Аҟәа, Алашарбага аҳабла агәамеизакырҭаҟны аҵыхәтәантәи аамҭазы имҩаԥгаз аусурақәа ртәы еиҭалҳәеит аҭыԥаҟны иҟаз Sputnik акорреспондент Сариа Кәарцхьиаԥҳа.

"Агәамеизакырҭаҟны ҿыцны ажра ду ҟаҵаны агәам ҭарыжьуеит. Уи иҵегьы аус адулатәхоит. Уажәазы иҟаҵоу ажра хымз-ԥшьымз раҟара иазхоит. Анаҩс агәамеизакырҭа ҿыц аҭаххоит. Аҭыжаара аура 150 метра рҟынӡа ыҟоуп, аҵаулара 6-7 метра ыҟоуп. Инарго агәам еилызхуа ауаа ыҟоуп, аихаҷа-маҷа ирҭиир иҟало алырхуеит. Уаҟа 40-ҩык инарзынаԥшуа ауаа аус руеит, ирҭаху амаҭәахәқәа алырхуеит амашьына неины еиҟаранатәаанӡа. Уи ашьҭахь иганы ирҭиуеит аиха ахьрыдыркыло аҭыԥ аҟны. Агәамеизакырҭа аҭыԥ аҟны ауадаҩра цәырҵаанӡа дара мышкы зықьмааҭ инацны идырҳауан. Уажәы амашьына агәам еизҟәаҿны иҟанаҵаанӡа иаҳа имаҷны иалыргоит амаҭәахә. Ишдыру еиԥш урҭ ауаа уаҟа акыраамҭа аус рызуам, Гәылрыԥшь араион ахь ииаргараны иҟоуп агәамеизакырҭа. Ҩынҩажәаҩык инарзынаԥшуа усурҭада иаанхар алшоит усҟан", - лҳәеит Кәарҵхьиаԥҳа.

Иҳаҩсыз ашықәс ԥхынҷкәынмзазы Аҟәа, Алашарбага аҳабла инхо ауаа азҵаара шьҭырхит уаҟа агәамеизакырҭа аркызарц. Ауаа имҩаԥыргаз  аизарақәа рнаҩс Аԥсны ахада ԥхынҷкәын 4 рзы ақәҵара ҭижьит Аҟәа агәамсам ақәгара апроблема ӡбазарц.

Инеиҵыху аицәажәара  шәазыӡырҩыр шәылшоит арадио Sputnik Аԥсны аефир аҟны.

 

26