Ҳагба: ҳаешьаратә жәларқәеи ҳареи ҳаибаркны ҳазмоу анҳхашҭ, аӡәаӡәала ҳаиӡӡаауеит

74
Аԥсныи Адыгатәылеи зҽаԥсазтәыз артист Кьасоу Ҳагба арадио Sputnik аҟны иҳәеит аԥсуааи ҳаешьаратә жәларқәеи иахьа ҳаиқәзырхо ҳаӡәыкны ҳаҟазаареи, ҳбызшәа амырӡреи роуп ҳәа.

Аԥсуа ҳәынҭқарратә драматә театр актиорцәа Кьасоу Ҳагба, Ҭемраз Чамагәуа, Роза Дбар "Адыгатәи ареспублика зҽаԥсазтәыз артист" ҳәа ахьӡқәа ранашьан атеатралтә ҟазара аҿиараҟны рлагалазы, ажьырныҳәа 30 рзы аспектакль "Кавказтәи амелтә гежь" аԥхьарабара Маиҟәаԥ ианымҩаԥыс ашьҭахь. Ақәыргыламҭаҟны х-бызшәакны ицәажәон: аԥсуа, абаза, адыга бызшәақәа рыла.

Адыгатәи Амилаҭҭә театр иҳаҩсыз ашықәс цәыббрамзазы Аԥсуа драматә театр асценаҟны ахәаԥшцәа иднарбахьан атеатр анапхгҩаы, арежиссиор Ҟасеи Хачегогу иқәыргыламҭа "Кавказтәи амелтә гежь". Уи аҟны ихәмаруан  аԥсуа актиорцәагьы.

"Ҳазлацәажәаша ҳамоуп": Ҳагба ақәыргыламҭа "Кавказтәи амелтә гежь" иазкны

"Ҳаешьаратә жәларқәеи ҳареи иахьа бызшәала ҳзеилибакаауам, уи зхы иазырхәо рацәоуп. Ҟасеи ари апроект аныҟаиҵоз аԥсуаа ҳалархәны иҟаиҵеит, аԥхьаҟа  аҟабардацәа, анаҩс ачерқьесцәа, иара убас  ауааԥсаа алархәны иҟаиҵар иҭахуп. Иара хықәкыс иҟаиҵо - Кавказ адыгцәа, аибаркыра агьежь ҳажәларқәа доуҳала ргәы шьҭызхуаз ашәарҭараан, культны, ныҳәараны ирымаз, абри ҳаидызкыло ауп ҳәа. Аспектакль аҟны ус еиԥш ажәақәагьы ыҟоуп ҳаиқәзырхо ҳаӡәыкны ҳаҟазаара ауп ҳәа. Ҳаибаркыра аннымха, абри анапыргьежьраан "уцәгьа-мыцәгьа згааит" ҳәа зҵазкуа, ашыла аазышьҭуаз алу агежьра аума,  зқьышқәсала ҳдоуҳа еиқәзырхаз абарҭ аҷыдарақәа анаҳхашҭ, аӡәаӡәала досу ҳниаӡӡаауеит, ҳбызшәагьы ҟалом. Убри аҟынтә абри апроект иалагӡаны иара аԥсуаа адыга бызшәа дирҵеит, даргьы ирҵеит, х-бызшәакны ҳахәмаруан. Ҳажәларқәа зҭаху иззааигәоу наганы идирбар иҭахуп, ҳықәкыс иамоуп абызшәа аҭагылазаашьа аиӷьтәра. Адыга театр урыс бызшәала ихәмаруа ианалага уи милаҭтә театрӡам, иԥсит, убас ауп аԥсуаа ҳҟынгьы, абызшәа проблема дууп. Мчыла аԥсуа абызшәа зурҵаз имҳәар иаҳа еиӷьуп, ус адоуҳатә бызшәа зеиқәхаӡом", - ҳәа азгәеиҭеит Ҳагба.

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

74

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

19
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

19

Кәыҵниаԥҳа Аԥсны ахада имҩаԥигаз атәылауаа рыдкыларазы: атрадициа бзиа хацыркуп

13
(ирҿыцуп 17:54 28.05.2020)
Аԥсны аҳәынҭқарра ахада ипресс-маӡаныҟәгаҩ Марианна Кәыҵниаԥҳа арадио Sputnik аефир аҟны еиҭалҳәеит Аԥсны ахада Аслан Бжьаниа атәылауаа раԥхьаӡа акәны рыдкылара шымҩаԥигаз, изнеиз ауаа ргәы иҵхоз азҵаарақәа зызкыз.

Аҧсны Аҳәынҭқарра Ахада Аслан Бжьаниа раԥхьаӡа акәны лаҵара 26 рзы идикылеит рхатәы зҵаарақәа рыӡбаразы изнеиз атәылауаа.

Кәыҵниаԥҳа Аԥсны ахада имҩаԥигаз атәылауаа рыдкыларазы: атрадициа бзиа еиҭахацыркуп

"Аԥсны аҳәынҭқарра ахада Аслан Бжьаниа еиҭа ихациркит 2005 шықәса раахыс традициа бзианы иҟаз ауааԥсыра рхатә зҵаарақәа инарыдҳәаланы рыдкылара. Иааиз ауаа рхыԥхьаӡара 15-ҩык инарзынаԥшуан. Дара уи аԥхьа аҳәынҭқарра ахада иадминистрациа аусмҩаԥгарҭаҟны арзаҳалқәа нрыжьхьан. Аиԥылараҟны аҳәарақәа раӷьырак абзазаратә проблемақәа, аҟазацәа ҿарацәа усурҭа ҭыԥла реиқәыршәара ирызкын. Иҟан ауаажәларратә ҵакы змаз азҵаарақәагьы. Даагозар, Пицундантәи аҳақьым ахәышәтәырҭа аиҭашьақәыргылареи финансла ацхыраара аҭареи рызҵаарақәа шьҭихит. Аԥсны ахада зегьы зҿлымҳарала дырзыӡырҩит. Зҵаарақәак рыӡбаразы иаразнак еиуеиԥшым усбарҭақәак рнапхгаҩцәа адҵақәа риҭеит, егьырҭ зыӡбаразы аамҭа аҭаху азҵаарақәа рзы ацхыраара шыҟаиҵо иҳәеит. Ас еиԥш ауааԥсыра рыдкылара лассы-ласс имҩаԥгалахоит ҳәарада, аха лымкаала ианымҩаԥгахо, насгьы шаҟантә мызкы иалагӡаны макьаназы ишьақәыргылам. Иааиуа амшқәа рзы иӡбахоит, насгьы ажәлар еилыркаауазар акәхап. Аҳәынҭқарра ахада иахь азҵаарақәа змоу арзаҳалқәа аусмҩаԥгарҭаҟны иаанрыжьуеит, рыпроблематика уаҟа еилдыргоит, уи ашьҭахь аҳәынҭқарра ахада идикылоит", - лҳәеит Кәыҵниаԥҳа.

Шәазыӡырҩы аудио. Инеиҵыху анҵамҭа шәазыӡырҩыр шәылшоит арадио Sputnik Аԥсны аефир.

Иара убас шәаԥхьар ҟалоит:

13