Кама Хораа

Хорааԥҳа: абзиабара ачҳара ду ацзароуп

261
Аҭаацәараҟны аҳәоуеиқәшәареи аизыҟазаашьа бзиақәеи рыҿиара маӡас иаҵоу атәы арадио Sputnik аҟны далацәажәеит ан, анду Кама Хорааԥҳа.

Бзиа еибабо, урҭ хылаԥшра рызҭо Аԥшьа Валентин имш азгәарҭоит адунеи аҳәынҭқаррақәа жәпакы рҟны жәабран 14 рзы. Ари аныҳәа аҩажәатәи ашәышықәса 90-тәи ашықәсқәа рзы Мраҭашәарантәи ҳтәылахь иааз ауп, еиҳаракгьы уи азҿлымҳара азҭо аҿарацәа роуп уҳәар алшоит.

"Абзиабара ачҳара ду ацзароуп. Абзиабара мшьыцроуп, аиқәшаҳаҭра ацзароуп, уацклаԥшыроуп, уи шьақәырӷәӷәатәуп. Сара саныҩеидас, санҭыԥҳаха нахыс сан аҭаацәаратә ԥсҭазаара сазыҟалҵон, сахьнанаго схы шымҩаԥызгаша, анхәа, абхәа, абхәында, аинхәыԥҳацәа ушрықәшәаша атәы сабжьылгон. Аҭаацәаратә ԥсҭазаара уазыҟаҵазароуп. Уи уаналала, кашырроуп, хазынароуп, уадаҩра ыҟаӡам, бзиа избо арԥыс иааигәа сыҟоуп ҳәа ахжьара аҭахым. Аԥҳәыс ахьаҵра, ахьаршшара лылазароуп, дтатазароуп, уԥшәма хәыҷык дхәыцыртә еиԥш аамҭагьы иҭатәуп", - лҳәеит Хорааԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

261