Азамаҭ Багаҭелиа

Багаҭелиа: аицлабрақәа Аԥсныҟа иаауа аԥсшьаҩцәа рхыԥхьаӡара еиздырҳауеит

92
(ирҿыцуп 12:05 17.02.2019)
Акурорт Пицунда аофициалтә хаҭарнак Азамаҭ Багаҭелиа арадио Sputnik аҟны еиҭеиҳәеит аԥсшьаҩцәа рзы еиҿыркааз афотоконкурс раԥхьатәи алҵшәақәа ртәы.
Багаҭелиа: аицлабрақәа Аԥсныҟа иаауа аԥсшьаҩцәа рхыԥхьаӡара еиздырҳауеит

"Иреиӷьу ҭаацәала аԥсшьара" ҳәа аицлабра актәи ахәҭа мҩаԥаагеит. Уи ирацәаҩны ауаа рхы аладырхәит, рфотосахьақәа рсоциалтә даҟьақәа рҟны иркьыԥхьуан. Аинтернет система ҳхы иархәаны ираҳҭаз аномерқәа рыла аицлабра мҩаԥаагеит, актәи ахәҭаҟны иалкаан аномер 127. Аиааира лгеит Елена Карпова Владимиртәи аобласт аҟынтәи, лҭаацәеи лареи жәамш амалаҳәа аԥхын Аԥсны рыԥсы ршьартә алшара рымоуп. Аиааира згаз ажәабжь анлаҳҳәа, ҩымш илызхаҵомызт", - иҳәеит Багаҭелиа.

Иара адырра ҟаиҵеит иааиуа амчыбжь азы аицлабра даҽа ҩ-хәҭак мҩаԥыргарц ргәы ишҭоу. Агәыӷра ааирԥшит егьырҭ аԥсшьарҭа ҩнқәагьы дара ирҿыԥшны, аԥшьаҩцәа рзы аицлабрақәа еиҿыркаап, уи иабзоураны Аԥсныҟа аара згәаԥхо рхыԥхьаӡара иацлап ҳәа.

Пицунда акурорт аҟны "Иреиӷьу ҭаацәала аԥсшьара" захьӡыз афотоеицлабра рылаҳәан. Уи мҩаԥысуан ԥхынгәы 27 инаркны абҵара 30-нӡа. Аицлабра зхы алазырхәыз атуристцәа акурорт иахьаҵанакуа рфотосахьа ҟаҵаны асоциалтә ҳа Instagram аҟны иҭаргалон.

Шәазыӡырҩла арадио Sputnik Аԥсны аефир.

92
Абессалом Кварчия

Кәарҷиа: алхыҩ иазыҟаҵара хьысҳауп

4
Ауаажәларратә палата алахәыла Абессалом Кәарҷиа арадио Sputnik аефир аҟны игәаанагара иҳәеит алхыҩ изы иахьынӡахәарҭоу адепутатрахь акандидатцәа телехәаԥшрала рықәгылара.

Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Бзыԥтәи алхратә ҭыԥ хада № 10 ала – Ҭамаз Леибеи, Ҭемыр Беиеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Алхратә комиссиа хада имҩаԥнагаз аҵәҭаԥсарала адепутатрахь акандидатцәа Аԥсуа телехәаԥшраҟны аефиртә аамҭа рызшоуп. Бзыԥтәи алхратә ҭыԥ хада №10 ала адепутатрахь акандидатцәа Ҭамаз Леибеи, Ҭемыр Беиеи аефир аҟны иҟалоит уаха, ԥхынгәы 6 рзы.

 

Кәарҷиа ателедебатқәа рзы: заанаҵы ибжьы зиҭо здыруа алхыҩ изы иҵакыдоуп

"Ауаҩы уала-ҭахыла, мамзаргьы аиҳабыра идгылоума, ицхраауама, ҳара даҳтәума, егьырҭ дыртәума ҳәа ихәыцны далзхуа изы егьа теледебат ҟауҵаргьы, иара изы зегь дара роуп. Уи ателехәаԥшраҟны иибо спектакльк еиԥш дазыӡырҩуеит, аха игәы иҭеикыз, изиҭараны дыҟоу ибжьы ииҭоит. Ибжьы зиҭо ззымдыруа аӡәыр дыҟазар, Апарламент ахь днеир абри ихаҿсахьа зеиԥшрахои ҳәа ихәыцуа ауаҩы изы ибзиоуп, ихадоуп телехәаԥшрала иибо, аха иҟоуп ауаҩы иаразнакгьы иеилкаара анымариам. Убри аганахьала сгәаанагарала Алхратә комиссиа хада ахымҩаԥгашьа хәыҷык ихьысҳауп ҳәа ажәлар разыҟаҵаразы. Дара ирҳәароуп алхрақәа шус хадоу, абжьыҭара уала-ҭахыла акәымкәа ишазнеитәу ауаа азыҟаҵалатәуп есымша. Ауаа иахьа хәыҷык иҟьалашәа иҟоуп, рыбжьы зырҭара дрыздыруам, џьоукы-џьоук хьаасгьы ирымам, "иаҳнаҭеи Апарламент" зҳәогьы ыҟоуп. Абжьыҭарахь имнеиз ауаа рхыԥхьаӡара анырацәахалак, уи иаанагоит урҭ разыҟаҵара зыхәҭаз ауаа ажәлар рҟынӡа ишахәҭаз ирызнамгаӡеит ҳәа", - азгәеиҭеит Кәарҷиа.

 

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

16
(ирҿыцуп 11:58 06.07.2020)
Аҟәатәи ахәыҷбаҳча "Алашара" аиҳабы Мадина Ҭыжәԥҳа арадио Sputnik Аԥсны аефир аҿы еиҭалҳәеит акарантинтә аамҭа ашьҭахь ахәыҷбаҳчақәа русура аиҭахацыркра шеиҿкаахо атәы.

Ԥхынгәы 6 рзы акарантинтә аамҭа ашьҭахь ҿыц Аԥсны ахәычбаҳчақәа зегьы русура еиҭахацыркхеит.

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

"Аҵара аусбарҭа иҭнажьыз аԥҟарақәа ртәы ахәыҷбаҳчақәа рнапхгаҩцәа ҳаизганы иҳаилыркаан. Уи анаҩс ааӡаҩцәеи аҭаацәеи ирызнаҳгеит. Иага иуадаҩзаргьы, ҳрықәныҟәароуп арҭ аԥҟарақәа, урҭ зызку ҳхәыҷқәа рыхьчароуп. Актәи ихадоу аԥҟара - ахәыҷқәа адәаҿы иҳадаҳкылоит, урҭ рҭаацәа ахәыҷбаҳча аҩнуҵҟа рыҟазаара зынӡаск азин ыҟаӡам. Амш ицәгьа, ибзиа аҭагылазаашьа ҳхы нақәыршәаны ахәыҷқәа ҳадаҳкылалоит. Аҩбатәи – ахәыҷқәа иааиуа зегьы ргәы бзиазароуп. Амедиаҳәшьа дрылаланы зегьы ршоура гәалҭоит. Иара уи адагьы ахәыҷбаҳча аусзуҩцәагьы зегьы ргәы бзиазароуп, урҭгьы ршоура гәаҭаны убас ахәыҷбаҳча ҳаҩналоит…", - ҳәа еиҭалҳәеит Ҭыжәԥҳа.

Ахәыҷбаҳчақәа русура аиҭахацыркра ныҳәак иаҳзаҩызоуп ҳәа азгәалҭеит Ҭыжәԥҳа арадиоефир аҿы.
"Хымз рыҩнуҵҟа ахәыҷбаҳча ҭаууа иҟан, ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан. Иахьатәи амш ҳа ҳзы ныҳәа дууп", - ҳәа лҳәеит Ҭыжәԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

16

Амҩаду Џьубга Шәача аура 119 километра иҟоуп

0
Иахьазы аус зуа амҩаду акыр иҭәуп, ашоурақәа раан амашьынақәа реишьагыла акыр километр инаӡоит.

АҞӘА, ԥхынгәы 6 - Sputnik. Амҩаду ҿыц Џьубга – Шәача аура 119 километра иҟоуп ҳәа аанацҳауеит Краснодартәи атәылаҿацә ахадара.

"Ари амҩа ашьҭаҵара Шәачеиԥш Амшын еиқәа арегион зегьы аҿиара иацхраауеит. Амҩаду ҿыц Џьубга – Шәача аура 119 километра иҟоуп. Иара аиланхарҭақәа ирхыган имҩангоуп. Уи акраҵанакуеит, аиҳарак Тҟәаԥстәи араион азы. Уа амҩақәа машьынала иҭәуп", - ҳәа иҳәеит атәылаҿацә агубернатор Вениамин Кондратьев.

Ари амҩа Шәачеиԥш Амшынеиқәа арегион зегьы аҿиара иацхраауеит ҳәа иҳәеит иара.

Иахьазы аус зуа амҩацәаҳәа Џьубга – Шәача Шәача егьырҭ Урыстәыла арегионқәа ирыдызҳәало мҩа заҵәыкны иҟоуп. Ҩ-цәаҳәакны ишьақәгылоуп. Аԥхынразы акыр ауадаҩрақәа аиуеит атранспорт арацәаразы.

Иара убас шәаԥхьар ҟалоит:

0