Руслан Когония

Коӷониа: Аԥсны аинвалидцәа рзы иаԥҵоу аҭагылазаашьақәа маҷуп

271
(ирҿыцуп 11:30 20.02.2019)
Аҟәа асасааирҭа "Комфорт" аиҳабы Руслан Коӷониа арадио Sputnik Аԥсны аефир аҿы еиҭеиҳәеит зылшарақәа ԥку ауаа рзы иахьа Аԥсны иаԥҵоу аҭагылазаашьақәа шмаҷу.
"Хра злоу ахҭысқәа": Коӷониа зылшарақәа ԥку рзы ақалақь арманшәалара иазкны

"Асасааирҭа анеиҿаҳкаауаз ҳазхәыцуан, инеиуазаалакгьы изы иманшәалан иҟаларцаз. Иахьа Аԥсны аинвалидцәа рзы иаԥҵоу аҭагылазаашьақәа маҷуп, иара илшоит даҽа тәылак ахь ԥсшьара ҳәа ацара, ус еиԥш Аԥсныҟагьы иаауа иалагеит. Ас еиԥш атурист изы ирманшәалатәуп асасааирҭақәа, днеир ахьалшо аҭыԥқәа. Ҳара иҟаҳҵеит иахьынӡазалшоз ирманшәалны. Дахьышьҭало, иҽахьикәабо, иманшәаланы ауада дыҩнало дыҩныҵуа, ашәқәа рыҭбаара маҷны акәымкәа. Аиааира амш азы Аԥсныҟа иааз асасцәа ҳсасааирҭаҿы зыԥсы зшьоз иргәаԥхеит, ианцоз ас еиԥш аинвалидцәа рзы аҭыԥ ахьеиҿкаау ргәы ишаахәаз атәы рҳәеит, ҽазны ишаауа атәы азгәарҭеит", - ҳәа еиҭеиҳәеит Коӷониа.   

Инеиҵыху аицәажәара шәазыӡырҩыр шәылшоит арадио Sputnik Аԥсны аефир аҿы.

271

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

3
(ирҿыцуп 11:58 06.07.2020)
Аҟәатәи ахәыҷбаҳча "Алашара" аиҳабы Мадина Ҭыжәԥҳа арадио Sputnik Аԥсны аефир аҿы еиҭалҳәеит акарантинтә аамҭа ашьҭахь ахәыҷбаҳчақәа русура аиҭахацыркра шеиҿкаахо атәы.

Ԥхынгәы 6 рзы акарантинтә аамҭа ашьҭахь ҿыц Аԥсны ахәычбаҳчақәа зегьы русура еиҭахацыркхеит.

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

"Аҵара аусбарҭа иҭнажьыз аԥҟарақәа ртәы ахәыҷбаҳчақәа рнапхгаҩцәа ҳаизганы иҳаилыркаан. Уи анаҩс ааӡаҩцәеи аҭаацәеи ирызнаҳгеит. Иага иуадаҩзаргьы, ҳрықәныҟәароуп арҭ аԥҟарақәа, урҭ зызку ҳхәыҷқәа рыхьчароуп. Актәи ихадоу аԥҟара - ахәыҷқәа адәаҿы иҳадаҳкылоит, урҭ рҭаацәа ахәыҷбаҳча аҩнуҵҟа рыҟазаара зынӡаск азин ыҟаӡам. Амш ицәгьа, ибзиа аҭагылазаашьа ҳхы нақәыршәаны ахәыҷқәа ҳадаҳкылалоит. Аҩбатәи – ахәыҷқәа иааиуа зегьы ргәы бзиазароуп. Амедиаҳәшьа дрылаланы зегьы ршоура гәалҭоит. Иара уи адагьы ахәыҷбаҳча аусзуҩцәагьы зегьы ргәы бзиазароуп, урҭгьы ршоура гәаҭаны убас ахәыҷбаҳча ҳаҩналоит…", - ҳәа еиҭалҳәеит Ҭыжәԥҳа.

Ахәыҷбаҳчақәа русура аиҭахацыркра ныҳәак иаҳзаҩызоуп ҳәа азгәалҭеит Ҭыжәԥҳа арадиоефир аҿы.
"Хымз рыҩнуҵҟа ахәыҷбаҳча ҭаууа иҟан, ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан. Иахьатәи амш ҳа ҳзы ныҳәа дууп", - ҳәа лҳәеит Ҭыжәԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

3

Ешыра ақыҭа ахада: Шыцкәара ауаа ирыхәарҭан иҟаз амҩа ибганы ишыҟаз иаанхеит

11
Аҟәа араион ақыҭа Ешыра ахада Ҭамара Аҩӡԥҳа-Езыгәбаиа арадио Sputnik Аԥсны аефир аҿы еиҭалҳәеит ақыҭаҿы иҟоу ауадаҩрақәа ртәы.

Раионк аԥсҭазаараҟынтә: Ешыра ақыҭа иамоу ауадаҩрақәа ртәы

"Сынтәа ашкол иалгеит 9-ҩык ахәыҷқәа, иара убри алагьы иубоит ақыҭа шмаҷхаз, ауаа зегьы еиханы ақалақь ахь ицоит. Хәажәкырамзазы ақәаршҩы иахҟьаны Аладатәи Ешыра ибгаз амҩа аҟаҵара макьана нап аркым. Аҟәа аус зуа ауаа иакәшан ицоит, уи иакәыршан игоу амҩагьы ԥхасҭахо иалагеит. Шыцкәара амҩа ибгаз иааны аӡәгьы дагьамыхәаԥшыц, аҽны ианыҟаз ада. Макьана Аҟәа араион ахадагьы дшьақәырӷәӷәам, уи аныҟалалалк ашьҭахь, азҵаара ӡбахап ҳәа ҳгәыӷуеит. Иара уи адагьы, Шыцкәара аевкалипт дуқәа гылоуп аҩнқәа рааигәара. Знык ашәҟәы ҳашьҭхьеит иԥырҟартә еиԥш, аха убригьы аӡбаразы ԥсыхәак амаиуит", - ҳәа еиҭалҳәеит Ешыра ақыҭа ахада.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

11

Ацәыӡқәа рацәахоит: Украина Арра-мшынтә мчқәа рхада Урыстәыла дабашьыр иҭахуп

1
(ирҿыцуп 13:46 06.07.2020)
Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи аканал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

АҞӘА, ԥхынгәы 6 - Sputnik. Украина Арра-Мшынтә мчрақәа Урыстәыла абашьра рҽаздырхиоит ҳәа иҳәеит афлот адҵаҟаҵаҩ аконтр-адмирал Алексеи Неижпапа, агазеҭ "Думская" аинтервиу аҭо.

Иара иажәақәа рыла, Украина иагәҭакуп Ҟрым архынҳәра, убри азы аибашьрагьы аҽазнархиоит.

"Ацәыӡқәа ҟалашт аруаа рыбжьареиԥш, аҭынч уааԥсыра рыбжьарагьы", - ҳәа Неижпапа иажәақәа аанагоит РИА Новости.

Иара ишиҳәаз ала, Киев аурыс ар Херсонтәи аобласт иажәлозар ҳәа иԥшуп аӡы Ҟрымҟа инарышьҭырц.

"Ҳаруаа хиоуп. Апланқәа зегь сзаартуам, аха аракетатә комплекс "Нептун" Украинантә Севастопольнӡа инаӡоит", - иҳәеит Неижпапа.

Украина 85% рҟынӡа ӡыла Ҟрым еиқәнаршәон, Днепр аҟынтәи игоу Аҩада-Ҟрымтәи канал ала. Аха Ҟрым Урыстәыла ианалала ашьҭахь ареспубликахь ганкахьала аӡынашьҭра аанкылан.

Украинатәи аполитикцәа аӡы адгьылбжьахахь анашьҭра мап ацәыркуеит, аха иааҟәымҵӡакәа ирҳәоит аурысқәа Аҩада-Ҟрымтәи аканал "рнапахьы иааргар" рҭахуп ҳәа, аха убри аан ареспубликаҿы аӡыржәтә ахыҵхырҭақәа ыҟоуп.

1