Аԥсны Жәлар рартистка Циала Чкадуаԥҳа

Чкадуаԥҳа ансамбль "Абаза" раԥхьатәи Аԥсны анҭыҵ ақәгыларазы: ахәаԥшцәа ҵәыуон

90
Аҳәынҭқарратә ахәыҷтәы акәашаратә ансамбль "Абаза" асахьаркыратә напхгаҩы, Аԥсны Жәлар рартистка Циала Чкадуаԥҳа арадио Sputnik Аԥсны аҟны илҳәеит ансамбль 25-шықәса ахыҵразы имҩаԥырго аконцерт иалахәхо, иара убас илгәалалыршәеит Аԥсны анҭыҵ ансамбль раԥхьатәи ақәгылара.
"Ҳазлацәажәаша ҳамоуп": Чкадуаԥҳа ансамбль "Абаза" иазкны

"Ансамбль раԥхьатәи акәашаҩцәа хәыҷқәа даҽакала иҟан, ртемперамент, рхымҩаԥгашьа иаҳа аԥсуара иазааигәан, иҟарҵоз ахәыҷы гәык-ԥсыкала инарыгӡон. Дара алахәхараны иҟоуп ҳаиубилеитә концерт. Раԥхьатәи ҳакәашаҩцәа рыбжьара иҟоуп Аԥсны ирдыруа ауаа, дара рыла иааҳартуеит ҳконцерт. Усҟантәи ргәыҳаҵҳаҵра иахьагьы иахьрымоу сеигәырӷьоит", - лҳәеит Чкадуаԥҳа.

Лара илгәалалыршәеит 1996 шықәсазы "Абаза" Аԥсны анҭыҵ имҩаԥнагаз раԥхьатәи аконцерт, шаҟа иуадаҩыз усҟан лареи ахореографцәа Алықьса  Аршбеи Леонид Какачиеи ахәыҷқәа рыманы Раменск ақалақь ахь рцара.

Аҳәынҭқарратә ахәыҷтәы акәашаратә ансамбль "Абаза" 25 шықәса ахыҵит. Уи аҳаҭыр азы ахәаша, жәабран 22 рзы Аԥснытәи аҳәынҭқарратә филармониаҟны асааҭ 16 рзы имҩаԥгахоит аконцерт.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

90
Владимир Зантария

Занҭариа еиҭеиҳәеит аԥсуа ԥҳәыс дҳаразкуа аҟазшьақәа ртәы

30
(ирҿыцуп 10:34 08.03.2021)
Иахьатәи ауаажәларратә ԥсҭазаараҿы аԥҳәыс иаанылкало аҭыԥ атәы арадио Sputnik аефир аҿы дазааҭгылеит апоет, апублицист Владимир Занҭариа.
Занҭариа: аԥсуа ԥҳәыс дҳаразкуа ҟазшьақәа ируакын лыԥшӡара, лыхшыҩ аҵарра, лҟәыӷара

"Аԥсуа идоуҳатә ԥсҭазарааҿы аԥҳәыс лроль даара иҳаракын, аамсҭашәара аҵан, ауаҩра ацын. Уи ҳлитературагьы, ҳфольклоргьы, ҳҟазарагьы иӷәӷәаны ирныԥшит. Иахьагьы, аԥсуа ԥҳәыс ауаажәларратә ԥсҭазаара дыӷәӷәаны далагылоуп, уи ус машәыршәа иҟамлеит. Аԥсуа ԥҳәыс дҳаразкуа лҟазшьақәа ируакын лыԥшӡара, лыхшыҩ аҵарра, лҟәыӷара. Уи шьақәзырӷәӷәо аҿырԥштәқәа рацәаны иҟоуп ҳҭоурых аҿы", - иҳәеит апоет.

Аԥҳәыси ахаҵеи реизыҟазаашьа атәы далацәажәауа Занҭариа иазгәеиҭеит, уи аҭҵаамҭақәа рзукыр шыҟало.

"Аԥҳәыс лҭеиҭыԥши лыҩныҵҟатәи лбеиареи реинраалара ауп еиҳарак ахаҵа дхызхуа. Зны-зынла дыссирны, дышәҭыкакаҷны дыҟаӡам, аха дыгәнаалоуп, акалашәа ухылхуеит, акалашәа улаԥш дыҵашәоит", - иҳәеит Занҭариа.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

Иара убас шәаԥхьар ҟалоит:

30

Аҩӡба ахысратә клуб азы: аԥсшьаҩцәа рыҩныҵҟагьы акыр азҿлымҳара амоуп

201
Аҟәа араион аҿы иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik аефир аҿы иҳәеит апандемиа аамҭаз аклуб аусура атәы, насгьы уи азҿлымҳара ахьынӡамоу аҭыԥантәи ауааԥсыра рҟынтә еиԥш аԥсшьаҩцәа рыбжьарагьы.
Раионк аԥсҭазаараҟынтә: Аҩӡба ахысратә клуб ахь иҟоу азҿлымҳара иазкны

"Ҳаклуб иамоуп алшарақәа иҟоу аԥкрақәа инарықәыршәаны аусура. Арахь иааиуа рхыԥхьаӡара рацәоуп, Аԥсны инхо реиԥш, иара убас ҳаклуб акыр азҿлымҳара амоуп аԥсшьаҩцәа рыҩныҵҟагьы. Аӡыргара ыҟоуп атәыла анҭыҵгьы. Аимадарақәа ҳамоуп аԥсшьара еиҿызкаауа аекскурсиатә фирмақәеи ҳареи, убри аҟнытә иаҭаауа аԥсшьаҩцәа рхыԥхьаӡарагьы маҷӡам. Аӡынтәи аамҭаз аклуб аҭааҩцәа маҷхеит, аха зынӡа усурада ҳаанхаӡом. Арахь иааиуеит "ахысыҩцәа" еиуеиԥшым акатегориала, иҟоуп абџьар ибзианы зхы иазырхо реиԥш, раԥхьаӡа акәны знапаҟны изкуагьы", - ҳәа еиҭеиҳәеит Аҩӡба.

Иаҳа инеиҵыху аиҿцәажәара шәызыӡырҩыр шәылшоит аудио аҿы.

201

Аԥсны АШәМ аҟны ирҳәеит Ахра Аҩӡба иахь аҳақьымцәа шынарышьҭыз

4
(ирҿыцуп 16:25 08.03.2021)
Амҽыша, хәажәкыра 7 рзы Аԥсны ахада уаанӡатәи ицхырааҩ Ахра Аҩӡбеи хәҩык иҩызцәеи рус рыӡбон Аҟәатәи ақалақьтә ӡбарҭа аӡбаҩцәа.

АҞӘА, хәажәкыра 8 - Sputnik, Бадри Есиава. Аԥсны АШәМ аиҳабыра амедицинатә гәаҭара дахысырц аҳақьымцәа изынарышьҭит Ахра Аҩӡба, абри атәы Sputnik иазеиҭеиҳәеит АШәМ ахантәаҩы Роберт Киут.

Аԥсны ахада уаанӡатәи ицхырааҩ Ахра Аҩӡба даанкылан хәажәкыра 4 рзы, уи аахыижьҭеи акрыфареи акрыжәреи мап рцәикит. Хәажәкыра 8 аҽны, асааҭ 13:30 рзы Ахра Аҩӡба иԥҳәыс Иулиа Аҩӡба аҳәамҭа ҟалҵеит аҳақьымцәа иара иахь инарышьҭуам ҳәа. Иара убас илҳәеит, аӡбаҩцәа ирыҭан 2015 шықәсазы Аҩӡба ахәра ӷәӷәа шиоуз атәы шьақәзырӷәӷәо аилыркаа, уи инақәыршәаны иара иԥсы ахьынӡаҭоу акәармалашьҭыга (капельница-аред.) изыҟаҵалатәуп. Ихәышәтәразы ахәшәқәа аахәоуп, аҳақьымцәа арыҭара ҳазыхиоуп ҳәа лҳәеит лара.

Аԥсны АШәМ аиҳабыраҟны ари аҳәамҭа ҵаҵӷәыдоуп рҳәеит.

"Иацы Ахра Аҩӡба идукат азин лыҭан аҳақьымцәа аалгарц, аха аӡәгьы дмааит. Ааԥхьара раҳҭеит ҳара ҳҳақьымцәа, дара агәаҭарақәа ирҿуп", - иҳәеит Роберт Киут асааҭ 14:00 рзы.

Аамҭақәак рышьҭахь Ахра Аҩӡба иуацәа руаӡәк ишьақәирӷәӷәеит аҳақьымцәа дышгәарҭаз азы.

Агәыԥ "Пятнашка" акомандир, Аԥсны ахада уаанӡатәи ицхырааҩ Ахра Аҩӡбеи иҩызцәа хәҩыки аанкылан хәажәкыра 4 рзы. Аԥсны ААР АШәМ аусзуҩцәа иҩны аҩныҵҟа аԥшаарақәа мҩаԥыргеит, иаадырԥшит абџьари аџьаԥҳани.

Ахра Аҩӡба дзыхьчоз Галеха Гасанов, Аслан Гуатижев, Андреи Локтионов, Станислав Культа рганахьала аӡбамҭа аднакылеит Аҟәатәи ақалақьтә ӡбарҭа- мызкы ҭакрала ирхыргарц.

4
Атемақәа:
Ахра Аҩӡба иаанкылара