Шоҭа Арсҭаа

Шоҭа Арсҭаа: аԥсшәа аҿиара иаԥырхагоу аԥсуаа роуп

226
(ирҿыцуп 14:45 09.03.2019)
Зыԥсҭазаара зегьы зхатәы бызшәа аҭҵаара иазызкыз, академик, абызшәадырҩы Шьоҭа Арсҭаа хәажәкыра 10 рзы ихыҵит 90 шықәса.  Арадио Sputnik Аԥсны аефир аҿы Шоҭа Арсҭаа еиҭеиҳәеит аԥсуа бызшәа иахьатәи аҭагылазаашьеи уи аныӡаара амҩахь иназгази ртәы.
Ҳазлацәажәаша ҳамоуп: Шоҭа Арсҭаа ахатәы бызшәа иазкны

"Аԥсшәа адунеи ианыӡааран иҟоу абызшәақәа рыгәҭа игылоуп. Ҳбызшәа зқьы шықәсала еилшәарада иааиуан, аха иаакылырҟьаны изықәшәеи? Иаԥырхагои ҳәа уҵаауазар, аԥсуаа ҳауп, ҳара ҳада иаԥырхагоу ҳәа аӡәгьы дыҟаӡам. Аконституциаҿы иарбоуп аԥсуа бызшәа ҳәынҭқарратә бызшәоуп ҳәа, ус ианыҟамла иӡуан. Ус анакәха, аҳәынҭқарра аҩнуҵҟа аусқәа зегьы аԥсышәала имҩаԥысыр акәын. Уи атәы изныкымкәа иаҳҳәахьеит, аха акгьы алымҵит. Аҳәынҭқарраҿы аус зуа ауаа ирҭахым аҳәынҭқарратә усқәа ԥсышәала рымҩаԥгара, ирҭахым зынӡа. Аҵара аганахьалагьы ус, 80% аҵара ус урысшәала имҩаԥысуеит. Уи абызшәа аԥсра ӷәӷәала иацхраауа акәны иҟоуп. Убри анаҩс, анацәеи абацәеи рхәыҷқәа рхатәы бызшәа рыдмырҵозар, усҟан аҿар аԥсшәа рзымдыруа иҟалоит. Аҩны ианырымҵа ишыхәыҷу нахыс, нас 5-6 шықәса анырхыҵлак даара иуадаҩхоит. Ахәыҷбаҳчеи ашколқәеи рҿы ахәыҷқәа абызшәа ддырҵоит ҳәа аҳәара уадаҩуп, уаҟа иддырҵо аҩреи аԥхьареи ауп. Иахьа аԥсуа школқәа рҿы аԥсуаа рхәычқәа 10 нызқьҩык аҵара рҵоит, аурыс школқәа рҿы - 5299-ҩык. Урҭ рхәыҷқәа аԥсшәа иазҟазаны иҟалараны иҟам, насгьы дара ирхылҵуа ахәыҷқәа абызшәа ддырҵараны иҟаӡам", - ҳәа азгәеиҭеит Арсҭаа.       

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

226
Заур Кишмария

Қьышьмариа Тҟәарчалтәи атеатр иазкны: аџьа иалҵыз ауп

8
(ирҿыцуп 19:59 15.07.2020)
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik аефир аҿы атәыла акультура аминистри атеатр аусзуҩцәа реиԥылара ахҳәаа азыҟаиҵеит.
Раионк аԥсҭазаараҟынтә: Кьышьмариа Тҟәарчалтәи атеатр иазкны

"Атеатр иахьа еиҭашьақәнаргыло аспекталькқәа ртәы еиҭаҳҳәеит, еиҭа ус еиԥш алшара ҳауа-иаҳмауа ҳәа сымҵааӡеит, избанзар аҳәынҭқарра зҭагылоу аҭагылазаашьа атәы аадыруеит. Иҳамоу алшарақәа еицырхырааны иҭҳажьуеит ҳәа ахҳәаа ҟасҵеит. Аиԥылара аибадырратә ҟазшьа аман, аха аминистр аус шутәу инықәшьны иаҳирдырит, аҳәынҭқарра рԥара аус муӡакәа аӡәгьы иоур шыҟамло атәы, уи уажәраанӡагьы ҳара иаадыруан", - ҳәа иҳәеит Қьышьмариа.

Тҟәарчалтәи атеатр аус ауан, аринахысгьы аус аулоит, избанзар иара аџьа иалҵыз театруп, аусзуҩцәа ирылҵыз театруп ҳәа азгәеиҭеит Қьышьмариа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

8

Амедиаҳәшьа: ачымазара уаналагылоу еилукаауеит аҳәаа аартра азҵаара ахәаԥшра шахәҭам

12
Гәдоуҭатәи ахәышәтәырҭа амедиаҳәшьа еиҳабы Ииа Гәымԥҳа-Барзаниа арадио Sputnik Аԥсны аефир аҿы еиҭалҳәеит акоронавирус зцәа иалаз аҵыхәтәантәи ачымазаҩцәа ахәышәтәырҭаҟынтәи ианылырҩаа ашьҭахь ахәышәтәырҭа аусура шеиҿкаау, насгьы аҳәаа аартра азҵааразы лгәаанагара.

Гәдоуҭатәи ахәышәтәырҭаҟны иаанханы иҟаз, акоронавирус зцәа иалаз акурсантцәа ҩыџьа ргәы бзиаханы рыҩныҟа иоушьҭуп. Иахьазы Аԥсны иахьаҵанакуа акоронавирус зцәа иалоу ҳәа уаҩ дшьақәыргылам.

Гәдоуҭатәи ахәышәтәырҭа амедиаҳәшьа еиҳабы лажәақәа рыла, ахәышәтәырҭа аусура иацнаҵоит. Ачымазаҩцәа аус рыдызулоз акарантин ахь ишьҭуп, егьырҭ доусы раамҭа иақәшәаны иҭыҵуеит, арыцқьаратә усурақәа мҩаԥыргоит ҳәа азгәалҭеит Ииа Гәымԥҳа-Барзаниа.

Амедицинатә усзуҩ иара убасгьы аҳәаа аартра азҵааразы лгәаанагара лҳәеит.

 

Амедиаҳәшьа: ачымазара уаналагылоу еилукаауеит аҳәаа аартра азҵаара ахәаԥшра шахәҭам

"Аҳәаа аартра ацәшәара амоуп, Шәача иҟоу баны аҳәаа артра ахәҭаӡам ҳәа исыԥхьаӡоит. Зегьы иаҳбоит амассатә информациатә хархәагақәа иркьыԥхьуа. Иахеи-уахеи ажәлар арахь идәықәлар, аҭагылазаашьа шәарҭахоит. Иахьа Аԥсны цқьоуп, ажәлар зхысхьоу рацәоуп, абыржә еиҭа ак ҳаласыр, ҳзеиҿкаахаӡом ҳәа сгәы иаанагоит. Избази ҳазҭагылази, ҳазҿызи саназхәыцлак уи шиашам збоит. Уара уаналагылоу еилукаауеит аҳәаа аартра азҵаара ахәаԥшра шахәҭам, аха уи сара сгәаанагароуп. Ҳара, Гәдоуҭатәи ахәышәтәырҭа аусзуҩцәа, ари аус ишахәҭаз ҳазнеит, ашәарҭадаратә уснагӡатәқәа зегьы наҳагӡон, уи ауп аҳақьымцәа рыбжьара аӡәгьы ачымазара изимыхьыз", - ҳәа еиҭалҳәеит амедиаҳәшьа.

 

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12