Микрофон  - Sputnik Аҧсны
Арадио

Кәакәасқьыр ацәыргақәҵа MITT азы: алҵшәа бзиаӡахоит ишаҳҳәо еиԥш аԥсшьаҩцәа ҳарԥылар

© Foto / предоставлено Русланом КокоскирАԥсны амилаҭтә туристтә еилахәра "Турист" аиҳабы ихаҭыԥуаҩ Руслан Кәакәасқьыр
Аԥсны амилаҭтә туристтә еилахәра Турист аиҳабы ихаҭыԥуаҩ Руслан Кәакәасқьыр - Sputnik Аҧсны
Анапаҵаҩра
Аԥсны амилаҭтә туристтә еилахәыра "Турист" аиҳабы ихаҭыԥуаҩ Руслан Кәакәасқьыр арадио Sputnik аефир аҟны иҳәеит ацәыргақәҵа MITT 2019 алахәхара аҵакыи, аиҿкаашьеи ртәы.
Кәакәасқьыр ацәыргақәҵа MITT азы: алҵшәа бзиаӡахоит ишаҳҳәо еиԥш аԥсшьаҩцәа ҳарԥылар

"Аԥсны акурорти атуризми иаҳзеиҿнакааз аҭыԥ аҟны ҳаизаны ҳаҟоуп Аԥсны аус зуа атуроператорцәа, асасааирҭақәа змоу. Сгәаанагарала ацәыргақәҵа ибзианы ҳхы алаҳархәуеит, есышықәса иацаҳҵоит. Иаҳҳәап, ҳара хаҭарнакра ззаҳуа аилахәра аума, егьырҭ ракәзаргьы иаразнак алҵшәа рмоургьы, ацәыргақәҵа иалахәу зегьы идҳарбоит Аԥсынра ԥсшьара ишцатәу. Хықәкыс иҳамоу иҳазнеиуа аԥсшьаҩцәа рхыԥхьаӡара аизырҳара ауп. Аԥсныҟа ианҳазнеилак, ҳхымҩаԥгашьа иҵегьы ирԥшӡаны ҳарԥылартә иаҳзеиҿкаар бзиан. Ара ҳанрацәажәо ҳшышәԥыло ҳәа ҳаҽхәаны ираҳҳәоит. Аиашазы даара еиҿкааны иҳамоуп астенд, аха абра ираҳҳәо аасҭа еиӷьны Аԥсны ҳанырԥылалак ауп алҵшәа анбзиаӡахо иахьатәи ҳус", - ҳәа азгәеиҭеит Кәакәасқьыр.

Иара иҳәеит ацәыргақәҵаҟны ишрыдыргало аекотуризм, ақыҭаҟны аԥсшьара иадҳәалоу ахырхарҭагьы.

MITT- адунеи аҟны аԥыжәара змоу хә-цәыргақәҵак рхыԥхьаӡараҟны иҟоу Урыстәыла атуристтә цәыргақәҵоуп. Есышықәса уи рхы аладырхәуеит 200 ҳәынҭқарра инареиҳаны.

Шәазыӡырҩы аудио. Иаҳа инеиҵыху анҵамҭа арадио Sputnik  Аԥсны аефир аҟны.

Ажәабжьқәа зегьы
0