Микрофон  - Sputnik Аҧсны
Арадио

Гарцкьиа: сынтәа ирацәаҩны аԥсшьаҩцәа раара ҳазыԥшуп, рыдкылара ҳҽазыҟаҳҵароуп

© Sputnik Томас ТхайцукАвтондил Гарцкия.
Автондил Гарцкия. - Sputnik Аҧсны
Анапаҵаҩра
Аԥсны акурортқәеи атуризми рзы аминистр Автандил Гарцкьиа арадио Sputnik аефир аҟны иҳәеит Москва имҩаԥысуаз Жәларбжьаратәи атуристтә цәыргақәҵа MITT аҟны аиқәшаҳаҭрақәа жәпакы рнапы шрыҵарҩыз, иара убас хара имгакәа Аԥсны ишаҭаауа атуристтә агентцәа.
Гарцкьиа: сынтәа ирацәаҩны аԥсшьаҩцәа раара ҳазыԥшуп, рыдкылара ҳҽазыҟаҳҵароуп

"Сынтәа ацәыргақәҵаҟны аиқәшаҳаҭрақәа ҳабжьаҳҵеит, даара ирацәаҩны аԥсшьаҩцәа ҳзаауеит, избанзар аԥсшьаразы аршаҳаҭгақәа маҷымкәа иҭииуп, ҳҽазыҟаҳҵароуп. Уажәы ҩымчыбжьа – хымчабжьа рышьҭахь Аԥсныҟа атуристтә агентцәа ҳзаауеит. Ҳаԥсшьарҭақәа, апаркқәа, амҩақәа, аӡҭаларҭақәа уҳәа ицқьаны идҳарбароу иаауа агентцәа. Сынтәа акурорттә аамҭа иаҳа еиӷьхап ҳәа агәыӷра ыҟоуп, избанзар Москва ацәыргақәҵаҟны атуристтә агентцәа рацәаны иҳазнеит, Аԥсны рбар рҭахуп, анаҩс аԥсшьаҩцәа рдәықәҵаразы. Уажәы иаҳзаауа иҿыцу атуроператорцәа роуп, дара арахь раара ахарџь ҳхахьы иаҳгоит. Сынтәа ауаа еиҳаны иҟалоит ҳәа заҳҳәо, ҵыԥх уажәааны аҭиирақәа ыҟамызт", - ҳәа азгәеиҭеит аминистр.

Автандил Гарцкьиа иазгәеиҭеит сынтәа акыр еиҿкааны Аԥсны ахаҭарнакцәа Жәларбжьаатәи атуристтә цәыргақәҵа рхы шаладырхәыз, ари аус хадаратәла атурфирмақәа рҟны аус зуа аҿар шадԥхьалаз.

MITT- адунеи аҟны аԥыжәара змоу хә-цәыргақәҵак рхыԥхьаӡараҟны иҟоу Урыстәыла атуристтә цәыргақәҵоуп. Аԥсны ари ацәыргақәҵаҟны иӡырыргеит Акурортқәеи атуризми рзы аминистрреи, "Атуризм азы Аԥснытәи аидгылеи", Ахәаахәҭра –ааглыхратә палатеи. Аԥсны ахаҭарнакцәа ԥшьышықәса ҵуеит ари ацәыргақәҵа рхы аладырхәуеижьҭеи.

26 –тәи Москватәи жәларбжьаратәи  атуристтә цәыргақәҵа хәажәкыра 12 инаркны 14-нӡа имҩаԥысуеит ацәыргақәҵатә комплекс хада "Експоцентр" аҟны.

Шәазыӡырҩы аудио. Иаҳа инеиҵыху аицәажәара шәаҳар шәылшоит арадио Sputnik Аԥсны аефир аҟны.

 

Ажәабжьқәа зегьы
0