Леонид Чамагәуа

Чамагәуа: ҳхы аиқәырхара ҳнапаҿы иҟоуп

87
(ирҿыцуп 13:00 23.03.2019)
Хәажәкыра 23 1993 шықәса рзы Аԥсны иаԥҵан арепатриациазы аҳәынҭқарратә еилакы аҳәаанырцәтәи аԥсуа диаспареи ҳҳәынҭқарреи реизыҟазаашьақәа рырҿиаразы. Аԥсны Жәлар Реизара адепутат Леонид Чамагәуа арадио Sputnik аҟны еиҭеиҳәеит Аԥсны адемографиатә ҭагылазаашьа аиӷьтәразы Арепатриациа аминистрра лшарас иаҭатәу ҳәа ииԥхьаӡо атәы.
Чамагәуа: ҳхы аиқәырхара ҳнапаҿы иҟоуп

"Иахьа иҳамоу Арепатриациазы аминистрра аҳәаақәа иҵегьы ирҭбаатәуп. Арепатриациа ахаҭа Аԥсны иашьагәыҭу аԥсуа жәлар ҳхыԥхьаӡара еиҳахарц азы иаҭахуп. Ҳазҭагылоу аамҭазы, аиаша ҳҳәозар, ииаӡаауа ажәларқәа рхыԥхьаӡара ҳалоуп. Ххы аиқәырхара ҳнапаҟны ауп иахьыҟоу. Изааӡарызеи, егьырҭ атәылақәа рҟынтәи зҭоурыхтә ԥсадгьыл ахь нхара иаауа маҷуп. Ҳхыԥхьаӡара иҵегьы еизҳар ҳҭахызар, иара аминистрра арепатриациа мацара акәымкәа, иааизакны ҳдемографиагьы иазкны алшара роуа иҟаҵатәуп. Ҳауаажәлар арепатриантцәа рнаҩсгьы, араҟа инхо ҩныда иҟоу, ахәыҷы рацәа змоу аҭаацәарақәа убра рыхәҭаа ҟало, аҩнуҵҟатәи адемографиа ҳзацхраар, иахьатәи аамҭазы иаҳа алҵшәа ҟалон", - иҳәеит Чамагәуа.

Арепатриациазы аҳәынҭқарратә еилакы министрраны иҟаҵан 2018 шықәса лаҵарамза 4 рзы.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

87

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

16
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

16
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

13
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

13