Шьараф Маршьан

Маршьан еиҭеиҳәеит Голантәи аҳаракырақәа рҿы иашьа иԥа абираҟ зышьҭихыз

70
(ирҿыцуп 17:11 31.03.2019)
Шьамтәыла ииз ҳџьынџьуаҩ Шьараф Маршьан Sputnik иеиҭаз аинтервиу аҟны еиҭеиҳәеит Голантәи аҳаракырақәа иахьрыҵаркуа иҟаз аԥсуа қыҭа Мумсие игәыбылра заду.
Маршьан еиҭеиҳәеит Голантәи аҳаракырақәа рҿы иашьа иԥа абираҟ зышьҭихуаз

"Аҩажәатәи ашәышықәса алагамҭазы 1901-1902 шықәсқәа рзы Голантәи аҳаракырақәа рахь нхара ииасыз Маршьанаа рҟынтәи ҳҭаацәа заҵәык ракәын. Аԥсуаагьы ҳаҟан, аха аҟабардақәа, аедыгьаа рацәан. Голантәи аҳаракырақәа рыҟны жәаҩа қыҭа рҟынтәи жәеиза ачерқьезцәа ахьынхоз акәын, акы - аԥсуаа. Аԥсуа қыҭа Мумсие ахьӡын, уа акәын иахьынхоз аԥсуа цқьақәа 70 ҭаацәара. Израиль аннеи, уаҟа инхоз зегьы ықәҵит. Аибашьра анцоз, Израильнтәи ианхысуаз ҳа ҳахь икаҳауан, убас акәын Шьамтәылантәи ианхысуазгьы. Дара-дара еибашьуан, инҵәоз ҳауаажәлар ракәын. Еиҳабык дҩагыланы шәымцан ҳәа зҳәоз дҟамлеит. Аибашьра еилгар, ҳхынҳәып ҳәа зегьы ааныжьны ицеит. Аха иахьагьы аӡәгьы дзыхнымҳәит. Дамаскҟа ҳаннеи, аԥсуаа  зегьы џьарак ҳзеицнымхаӡеит, ҳаԥсаҟьаны ҳҟалеит. Кутсеиа ҳәа  иахьашьҭоу анеирагьы анхарагьы ахьыцәгьаз аҭыԥ иакәшәеит аиҳараҩык. Ауриацәа рҳәаақәа ииаганы ианыҟарҵа, ажәытә ҳабацәа ахьииз ақыҭақәа харантәи акәын ҳашрыхәаԥшуаз, ҳгәы ҵәыуон.  Уалид иԥа Анзор (Шьамтәыла аибашьраан иҭахаз Шьараф Маршьан иашьа Уалид иԥа - аред.) убасҟак деилҟьан, ҽнак, аӡәгьы иамҳәаӡакәа, арра маҵзура ахьихигоз Шьамтәыла абираҟ аашьҭыхны, излаҟеиҵаз сыздыруам, аха Мумсие ҳәа изышьҭаз аԥсуа қыҭа аҟынӡа днеины, абираҟ шьҭихит. Иаб ҭелла дизасны иеиҳәеит шәахьииз ақыҭаны сыҟоуп ҳәа. Уа дгәарҭеит, цәгьала дхынҳәит, аха ус еиԥш аҭоурыхгьы ыҟан. Угәы унархьуеит иахьа Америка ахада Израиль шәара ишәтәуп урҭ адгьылҵакырақәа ҳәа аҳәамҭа аныҟаиҵо", - азгәеиҭоит Маршьан.

Инеиҵыху аиҿцәажәра шәазыӡырҩыр шәылшоит арадио Sputnik Аԥсны аефир аҟны.

70

Бигәаа еиҭеиҳәеит сынтәа Гал араион аҟны ацитрус шәырқәа рҽаҩра зеиԥшроу

2
(ирҿыцуп 17:09 30.11.2020)
Гал араион ақыҭанхамҩа аҟәша аиҳабы Беслан Бигәаа арадио Sputnik арубрика "Раионк аԥсҭазаараҟынтә" аҿы еиҭеиҳәеит ацитрустә шәырқәа рҽаҩра ахаҭабзиара зеиԥшроу атәы сынтәа.
Раионк аԥсҭазаараҟынтә: Бигәаа Гал араион аҟны ацитрус шәырқәа рҽаҩра атәы

"Абыржәы хымш-ԥшьымш раԥхьа ауп амандарина аҽаҩра аингалара ианалага, иҟалап ҩышәҟа тонна ҿырххьазар. Сынтәа аҽаҩра хар амам араион аҟны, ҵыԥх аасҭа еиӷьуп. Ауаа изхәышәтәыз рмандарина цқьоуп, иҩежьуп. Нхыҵ-Кавказынтә машьынала иаалоит, амандарина змоу ирацәажәаны иргоит. Иҟоуп анхацәа рҟны рхаҭа иҿыхны ианыргогьы. Қьырала игоу асовнхарақәагьы ирымоуп дара раахәаҩцәа. Ишыздыруа ала амандарина ҿызхуа хԥа-ԥшьба мааҭ рзыршәоит кьылак азы", - иҳәеит Бигәаа.

Иара иажәақәа рыла, араион аҟны сынтәа аҭагылазаашьа ҵыԥх аасҭа еиӷьуп амармалташьтә пты аганахьала. Араион аҟны 350 кьыла инарзынаԥшуа апты еизганы ирбылхьеит. Ақыҭанхамҩа аминистрра анхацәа кьылак еизырго апты азы 1000 мааҭ рзыршәоит.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

2

Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

36
(ирҿыцуп 14:07 30.11.2020)
Ҟабарда-Балкариа имҩаԥысуа жәларбжьаратәи атеатртә фестиваль ахь ирго ақәыргыламҭазы аӡбамҭа шрыдыркылази, уи алахәхара аҵаки ртәы арадио Sputnik аефир аҟны еиҭалҳәеит Ауаажәларратә еимадарақәа рзы Аԥсуа ҳәынҭқарратә драматә театр аиҳабы ихаҭыԥуаҩ Шьарида Ҭыжәԥҳа.
Ҭыжәԥҳа Аԥсуа театр Нальчик имҩаԥысуа афестиваль алахәхаразы: итрадициахеит

Самсон Ҷанба ихьӡ зху Аԥсуа драматә театр Жәларбжьаратәи атеатртә фестиваль "Южная сцена-100", иалахәхараны иҟоуп. Афестиваль мҩаԥысуеит Ҟабарда-Балкариа ареспубликаҿы ԥхынҷкәын 3 инаркны 7-нӡа. Нальчиктәи афестиваль аҿы италиатәи адраматург Едуардо де Филиппо ипиеса иалху, арежиссер Бенар Ақаҩба иқәыргыламҭа аспектакль "Цилиндр" днарбоит. Ари ақәыргыламҭа аԥхьарбара мҩаԥысит ԥхынгәымзазы.

"Афестиваль ахь иаҳгар ҳҭахын "Ромеои Џьулеттеи", иара ақәыргыламҭа ҿыцуп, ахәаԥшцәа бзиа ирбоит, аха иалахәу рацәоуп, ачымазара (COVID-19- аред. ) иахҟьаны иаҳзеиқәмыршәаӡеит, ирлас иузымӡбо еиуеиԥшым азҵаарақәа цәырҵит. Акультура аминистрреи атеатр анапхгареи иазхәыцит иаҳгаша аспектакль, иалаҳхит "Цилиндр". Ақәыргыламҭа ҿыцуп, иалахәу актиорцәагьы рызхара имхәмарӡацт, избанзар акарантин иахҟьаны атеатр адыркуан, иаадыртуан, Аԥсны ҩынтә рыда иқәыргыламызт. Сынтәа афестиваль ахь ҳамцар ҟаломызт, избанзар шьҭа итрадициоуп", - лҳәеит Ҭыжәԥҳа.

2019 шықәсазы Самсон Ҷанба ихьӡ зху Аԥсуа ҳәынҭқарратә драматә театр Жәларбжьаратәи атеатртә фестиваль "Южная сцена-100" иалахәын аспектакль "Ажәҩан аҟәара" аманы. Атеатр атруппа "Иреиӷьу актиортә еилазаара" ҳәа адиплом анашьан.

Иара убас шәаԥхьар ҟалоит:

36