Джамбул Жордания

Жорданиа "Ҳаџьы-Мураҭ" азы: адунеи иакәыршазар цәгьам ҳәа ахәшьара арҭеит

64
(ирҿыцуп 15:03 02.04.2019)
Фазиль Исканедр ихьӡ зху Аурыс драматә театр актиор, арежиссиор Џьамбул Жорданиа арадио Sputnik аҟны еиҭеиҳәеит Саранск имҩаԥысуаз Жәларбжьаратәи атеатртә фестиваль аҟны аспектакль "Ҳаџьы- Мураҭ" шрыдыркылаз.
Жорданиа "Ҳаџьы-Мураҭ" азы: адунеи зегь иакәыршазар цәгьам ҳәа ахәшьара арҭеит

Мордовиа аҳҭнықалақь Саранск хәажәкыра 29 инаркны мшаԥы 4-нӡа имҩаԥысуеит аурыс драматә театрқәа а-ХIV-тәи Жәларбжьаратәи рфестиваль. Уи аартын Искандер ихьӡ зху Аурыс драматә театр аспектакль "Ҳаџьы- Мураҭ" ала.

"Аспектакль  еиҳараӡак пластикатә бызшәала еиҿкаауп, убри аҟынтәи ашәарагьы ыҟан ишԥарыдыркыло ҳәа. Насгьы аповест аҟны ахы инаркны аҵыхәанӡа аҭоурых шаҳәо  еиԥш ус иубо иҟаӡам. Еиҳаркгьы ауаҩы иҩныҵҟатәи ихьаа, ихәыцрақәа аарԥшыртә еиҿкаауп аспектакль. Ҳәарада, афестиваль шрыдыркылоз ҳаздыруамызт. Шьҭа 14 шықәса ҵуеит Мордовиа аҳәаанырцә иҟоу урысшәала ицәажәо атеатрқәа еибабарц абас еиԥш афестиваль еиҿыркаауеижьҭеи. Даара аҵакы змоу усмҩаԥгатәуп, иалахәын Латвиа, Казахстан, убасгьы Венгриа, Германиа рҟынтәи атеатрқәа, аха ҳара урҭ ҳақәымшәаӡеит, избанзар афестиваль аартны адырҩаҽны аҩныҟа ҳдәықәлеит. Ахәаԥшцәа ахы инаркны аҵыхәанӡа рыԥсы ӡаны итәан. Ақәыргыламҭа ахыркәшамҭаз, убас еиԥш иҟоуп аԥса адашьма ианықәркшо, убраанӡа иргәаԥхо иргәамԥхо ҳзеилкаауамызт, убасҟан ирзымчҳакәа анапеинҟьара ӷәӷәа ҟарҵеит. Аспектакль ахыркәшамҭаз игыланы зегьы рнапы еинырҟьон. Афестиваль аиҿкааҩцәа ирҳәеит 14 шықәса уи мҩаԥыргоижьҭеи ауаа гыланы убас рнапы еинырҟьо иҟамлацызт ҳәа. Москвантәи иҟан даара пату зқәу ԥшьҩык атеатртә критикцәа, урҭ, ҳәарада, иҳарҳәеит ҳагхақәагьы, аха иазгәарҭеит ас еиԥш аспектакль ауаа идырбалатәуп Урыстәыла ахыи-аҵыхәеи акәымкәа, адунеи зегьы иакәыршазар цәгьаӡам ҳәа", - иҳәеит Жорданиа.

Шәазыӡырҩла арадио Sputnik Аԥсны аефир.

64

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6