Микрофон  - Sputnik Аҧсны
Арадио

Париж инхо Ашәԥҳа: ауахәама амца дырцәаанӡа, ауаа Анцәа иҳәон

© Foto / Facebook/Alina AshubaАлина Ашәԥҳа
Алина Ашәԥҳа - Sputnik Аҧсны
Анапаҵаҩра
Акыршықәса Париж инхо Алина Ашәԥҳа арадио Sputnik Аԥсны иалҭаз аинтервиу аҿы илҳәеит Нотр-Дам-де-Пари амцакра уа инхо зегьы рзы ишгәыҭшьаагахаз.

Парижтәи Анцәа иан луахәама амца акит ашәахьа ахәылбыҽха. Уа ареставрациатә усурақәа мҩаԥысуан.

Париж инхо Ашәԥҳа: ауахәама амца дырцәаанӡа, ауаа Анцәа иҳәон

"Амца ырцәоуп, зынӡа имблит ауахәама, аха амца дырцәаанӡа Париж иқәынхо ауаа зегьы аныха иакәшаны игыланы Анцәа иҳәон. Ашпиль ҳәа изышьҭоу, ахыб хада иахагылаз анкаҳаз, ажәлар қьызқьызуан, убри каҳар ҳәа ишәаны авертолиот ала амца арцәара изалагомызт, уи уашәшәырын.  Даара игәыҭшьааган ари ахҭыс. Иахьагьы афранцызцәа уа еизаны иадгылоуп, аусурахь имцазгьы дыҟоуп, аманифестациақәа ҟарҵоит ҳацхраароуп ҳәа, шьоукы иаҭахым аиҭашьақәыргылара, ари иазхәыцтәуп, иҟалап Анцәа игәы нҳархазар ҳәа азгәарҭоит. Ари ауахәама аҭоурых ду аҵоуп. Уа аҳцәа агәыргьын рхарҵон, ареволиуциақәа рацәаны иахнагеит, аибашьрақәа рацәаны иахнагеит, уажәы машәырла иаалырҟьаны иблит. Избан? Иара еснагь ирыхьчон, иҩналоз идәылҵуаз гәарҭон, ак ахьыр ҳәа ишәон. Аӡәгьы игәы иаанагомызт ас еиԥш иалахьынҵахап ҳәа", - азгәалҭеит Ашәԥҳа.       

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0