Пасхалов Калдахәаратәи ашкол-интеранат аҟны агәаҭарақәа ирызкны

70
(ирҿыцуп 16:01 18.04.2019)
Калдахәаратәи ашкол-интеранат аҟны аҵареи ааӡареи апроцесс амҩаԥысшьазы агәаҭара мҩаԥысуеит Аԥсны аҵареи аҭҵаарадырреи рминистр идҵала ҳәа азгәеиҭеит арадио Sputnik аҟны ашкол – интернат аиҳабы Дмитри Пасхалов.
Пасхалов Калдахәаратәи ашкол-интеранат аҟны агәаҭарақәа ирызкны: гәахәала иҳадаҳкылоит

"Аминистрра аплан инақәыршәаны агәаҭарақәа мҩаԥысуеит. Ҳара уи ҳазхиоуп. Ашкол аҟны арҵаҩцәа, ааӡаҩцәа зегьы ыҟоуп. Уажәыцәҟьа игәарҭо аҵаратә процесс ауп. Ииашаны ахәыҷқәа амаҭәарқәа рызнагашьа хықәкыс ирымоуп, дара ахәыҷқәагьы аҵара шрыдыркыло еилыркаауеит. Егьи амчыбжь азы ааӡаратә процесс гәарҭоит атематикатә план инақәыршәаны. Ҳара уи гәахәараны иҳадаҳкылоит, избанзар иҳарҳәо рацәоуп. Ишыжәдыруа еиԥш аҭҵаарадырра есымша ԥхьаҟа ицоит, аҿыц лагалақәа ҟарҵолит. Урҭқәа гәахәала иҳадаҳкылоит аиҭакрақәа ҳхәоит ҳәа агәаанагара сымоуп", - иҳәеит Пасхалов.

Шәазыӡырҩла арадио Sputnik Аԥсны аефир.

70

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

16
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

16