Афон Ҿыцтәи аҳаԥы аиҳабы Мирон Чалмаз

Чалмаз Афон Ҿыцтәи аҳаԥазы: аиҭашьақәыргыларатә усурақәа аԥсшьаҩцәа ирԥырхагахом

15
(ирҿыцуп 18:01 26.04.2019)
Афон Ҿыцтәи аҳаԥы аиҳабы Мирон Чалмаз арадио Sputnik Аԥсны иаиҭаз аинтервиу аҿы еиҭеиҳәеит иааиуа акурортә аамҭа иахьынӡазыхиоу.

"Уажәы аремонтә усурақәа ҳарҿуп, ахыбра иацаҳҵар ҳҭахуп: ауаа ахьеизо аҭыԥ еиҳа иҳарманшәалоит, акасса даҽаџьара ииагахоит. Арҭ аусурақәа аҳаԥахьы аԥсшьаҩы иаҭаара арманшәалоит. Ас еиԥш ҳгәы иҭеижьҭеи акрааҵуан, аха ари аус мариамызт, аҽеиқәыршәареи аџьабааи аҭахуп. Лаҵарамза алагамҭаз ҳалгар ҳҭахын, аха ҳахьымӡар ҳәа сшәоит, аусурақәа ҳасасцәа ирԥырхагахартә еиԥш иҟаҳҵом, аҳаԥы аус шаулац еиԥш иаулоит", - ҳәа азгәеиҭеит Чалмаз.

Афон Ҿыцтәи аҳаԥы аиҳабы иажәақәа рыла иара аобект аҩныҵҟагьы имҩаԥгатәу аусурақәа ыҟоуп.

"Аҳаԥы аҟынӡа уназго адәыӷба аҭагылазаашьа бзиоуп, ԥшьышықәса ҵуеит ҳақәтәоижьҭеи, аԥсшьаҩцәагьы уамашәа ирбоит. Аҳаԥы аҩныҵҟа аусурақәа иҳамоу рацәоуп, аихамҩагьы ҟаҵатәуп – урҭ зегьы аамҭа рҭахуп, хәыҷы-хәыҷла иҟаҳҵалоит", - ҳәа азгәеиҭеит Чалмаз. 

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

15