Лана Амҷыԥҳа

Амҷыԥҳа еиҭалҳәеит "Ажәларқәа реиҩызара" афестиваль Аԥсны ишымҩаԥысуа

234
(ирҿыцуп 10:29 03.05.2019)
Тҟәарчал ихыркәшоуп "Ажәларқәа реиҩызара" захьӡу афестиваль актәи ахәҭа. Уи шымҩаԥысыз, избан афестиваль Тҟәарчал изеиҿкаау, насгьы иацу аныҟало атәы арадио Sputnik Аԥсны аефир аҿы еиҭалҳәеит аиҿкааҩцәа ируаӡәку Лана Амҷыԥҳа.

"Москва "Ажәларқәа реиҩызара" афестиваль инымҩаԥысуаз тҟәарчалынтә аҭыԥҳа уи лхы алалырхәуан, убасҟан иазыӡбан ҽааны иара Тҟәарчал амҩаԥгара. Актәи амш азы иқәгылоз ашәаҳәаҩцәеи арҳәагатә инструментқәа рҿы ихәмаруази ракәын. Ахәыҷкәа рхы бзиан иаадырԥшит. Маиҟәаԥынтәи иааз асасцәагьы ргәы иаахәеит афестиваль иахьалахәыз, еиҭа ишаауа атәы рҳәеит. Афестиваль аӡбаҩцәа рыхҩык Москвантәи иааны иҟаз роуп, аицлабраҿы аиааира ргеит Далиа Кажухаи Софиа Аслаиани. Лаҵарамза 5 рзы Аҟәа афилармониаҿы имҩаԥгахоит афестиваль аҩбатәи ахәҭа, усҟан акәашаҩцәа рхы аадырԥшраны иҟоуп. Аконцерт иалагоит асааҭ 11 рзы", – еиҭалҳәоит Амҷыԥҳа.

Инеиҵыху аиҿцәажәара шәаҳар шәылшоит арадио Sputnik Аԥсны аефир аҟны.

234