Людмила Адлейба

Адлеиԥҳа: Аҟәа иблыз аҩбатәи ашкол аҿы актәи акласс ахь ахәыҷқәа рыдыркылоит

55
Аҟәа ақалақь ахадара Аҵара аусбарҭа аиҳабы Лиудмила Адлеиԥҳа арадио Sputnik Аԥсны аефир аҿы илҳәеит Аҟәа иблыз аҩбатәи абжьаратә школ ашәқәа ҩаԥхьа аҵарашықәс ҿыц алагамҭаз ишаартхо атәы.
Адлеиԥҳа: Аҟәа иблыз аҩбатәи ашкол аҿы актәи акласс ахь ахәыҷқәа рыдыркылоит

"Актәи акласс адкылара, ҳәарада, иҟалоит, лаҵарамза 27-28 арзаҳалқәа рыдкылара далагоит адиректор, уажәы ахәыҷқәа аҵара ахьырҵо латарадатәи ашкол аҿы. Цәыббамза 1 азы ахәыҷқәа рышкол ашәқәа аартхоит аҵара рҵаразы. Макьана еилкаам ашкол аиҭашьақәыргылара шаҟа ақәхарџьхо, аха атәыла ахада иҟаиҵаз адҵала, ахәыҷқәа уа аҵара рҵартә еиԥш аҭагылазаашьа рзаԥҵахоит. Ажәытәтәи акорпус аҟаҵара уадаҩхоит, аха егьырахь, аклассқәа ахьыҟоу ахыб ҟаҵахоит", - ҳәа азгәалҭеит Адлеиԥҳа. 

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

55
Атемақәа:
Аҟәатәи ашкол абылра (15)
Аполлон Думава

Думаа: аижәлантәқәа ашьра анрыбжьалоз, хәшәыс ирымаз абыргцәа ракәын

3
Аԥсны Абыргцәа рхеилак ахантәаҩы инапынҵақәа назыгӡо, Очамчыра араион абыргцәа рхеилак ахантәаҩы Аполлон Думаа арадио Sputnik аефир аҟны еиҭеиҳәеит аԥыза-министри иареи реиԥылараҟны излацәажәаз, убасгьы абыргцәа ринститут ахықәкы шибо атәы.

Аԥсны Абыргцәа рхеилак ахантәаҩы инапынҵақәа назыгӡо иажәақәа рыла, аԥыза-министреи иареи реиԥылараҟны ирылацәажәеит Очамчыра, Гәдоуҭа, Аҟәа аҭыԥ змаз ауаҩшьрақәа.

Хра злоу ахҭысқәа: Думаа Абыргцәа рхеилак ахықәкы иазкны

"Ҳара абыргцәа жәытәаахыс напынҵас иҳамоу ас еиԥш арыцҳарақәа ахьыбжьало раԥхьырҟәҟәаара, аижәлантәқәа реизааигәатәра ауп. Ааигәа Акәыциак дыршьит, аилибамкаарақәа ыҟоуп, Валери Аиба ишьра ҟалеит, арҭқәеи егьырҭ азҵаарақәеи ҳаилибакааны ҳрылацәажәеит", - иҳәеит Думаа.

Иаҳа инеиҵыху аиҿцәажәара шәаҳар шәылшоит аудиофаил аҟны, мамзаргьы арадио Sputnik Аԥсны аефир аҟны.

Иара убас шәаԥхьар ҟалоит:

3

Чаблахԥҳа иаԥшәымадоу алақәа рызҵаара аӡбашьазы: ус дууп, зегь ҳзы ибзиоуп

33
Гагра араион Алаҳаӡы ақыҭан инхо Хамида Чаблахԥҳа арадио Sputnik аефир аҟны арубрика "Раионк аԥсҭазаараҟынтә" аҿы еиҭалҳәеит иаԥшәымадоу алақәа рызҵааразы араион аҟны аҭаагылазаашьа зеиԥшроу.
Раионк аԥсҭазаараҟынтә: Чаблахԥҳа иаԥшәымадоу алақәа ртәы

Гагра арион ахада инапынҵақәа назыгӡо Иури Хагәышь лаҵара 27 рзы аилацәажәара мҩаԥигеит иаԥшәымадоу алақәа рызҵаара иазкны. Уи аҟны аӡбамҭа рыдыркылеит араион аҟны иҟоу иҷыдоу алақәа рыԥхьарҭахь инаргаларц хылаԥшра змам аԥстәқәа.

"Аилацәажәараҟны ирыӡбаз аус бзиоуп. Шьҭа хәышықәса ҵуеит алақәа рааӡарҭа "Топа" аиҳабы Саида Оҭырԥҳа ари имариам аус лнапы алакуижьҭеи. Лара илыбзоураны 700 инареиҳаны алақәа Аԥсны анҭыҵҟа ишьҭуп, аԥшәмацәа рзыԥшаауп. Ааӡарҭаҟны 180 рҟынӡа алақәа ыҟоуп, аҭыԥ азхаӡом. Гагра ақалақь аӡәгьы итәымкәа иалоу алақәа маҷым, ари аҭагылазаашьа ҽеим ҳара ҳзеиԥш, дара алақәа рзгьы, ауадаҩрақәа рацәаны иацуп ари азҵаара. Амҩа иану алақәа амла иакуеит, амашьынақәа ирыҵалоит, ауаа ирзыҭрысыр ҟалоит, ишәарҭоуп, аха рышьра иашам, игәнаҳароуп ҳәа сыԥхьаӡоит. Ари азҵаара даҽа ӡбашьак амоуп - алақәа мшьӡакәа ааӡарҭахь рышьҭра. Уи иахьадгылаз Гагра ахадара иҭабуп ҳәа расҳәоит, ааӡарҭа ацҵара ацхыраара ахьарҭо азы. Ари ус дууп, зегьы ҳзы ибзиоуп", - лҳәеит Чаблахԥҳа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

33

Аԥсны АШәМ аусзуҩцәа рганахьала ашьаус хацыркуп

1
Аҳәынҭқарратә шәарҭадаратә маҵзура аусзуҩцәа рганахьала агәҩара ыҟоуп Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшааз абџьар закәаншьаҭада иҵәахны ирыман ҳәа.

АҞӘА, лаҵара 29 - Sputnik. Аԥсны Апрокуратура хада Ашьаусҭҵааратә усбарҭа ашьаус хацнаркит Аҳәынҭқарра ашәарҭадаратә маҵзура актәи аҟәша аиҳабы Ахра Џьопуа, аусзуҩ Даҭо Ахалаиа рганахьала.

Иҟоу аматериалқәа инарықәыршәаны 2019 шықәса абҵарамзазы Џьопуеи Ахалаиеи еицәажәарыла закәаншьаҭада абџьар, арҭҟәацгақәа, аџьаԥҳаны аархәеит. Иаархәаз Аҟәа Араион ҿыц, Картозиа имҩаҿ игылоу аҩнеихагылаҟны уаҩ дзыҩнамыз ауадаҿ ирҵәахит.

Имҩаԥгоу аекспертизала ишьақәыргылоуп абџьар ахархәара шауа. Ари ауадаҿ иԥшаан:

  • 14 автомат "Калашников";
  • автоматк америкатәи аҭыжьымҭа;
  • карабинк "СКС";
  • 3 пулемиотк "Калашников";
  • минак "МОН-50";
  • гранатаршәгак "ГП-25", уи иатәу 16 џьаԥҳаны;
  • гранатаршәгак "РПГ-7", уи иатәу 7 џьаԥҳанык;
  • анапыла гранатарԥжәагақәа 17 (УЗГРМ);
  • анапыла гранатқәа 14 "РГД-5", "Ф-1";
  • 14 тапанча;
  • 26783 патрон;
  • 200 грамми 1460 грамми атротилхкқәа;
  • апластид 6440 грамм;
  • 900 грамм иҟоу анапылаҟаҵара рԥжәага.

Абџьар Аҟәа Араион ҿыц, Картозиа имҩаҿ игылоу аҩнеихагылаҟны лаҵара 11 рзы иԥшаан.

Иара убас шәаԥхьар ҟалоит:

1