Кортуа ихьӡ зху Жәлар рырҿиара ацентр аиҳабы Нури Кәарҷиа

Кәарҷиа еиҭеиҳәеит сынтәатәи аицлабра "Аӡыхь" аԥҟарақәа ртәы

32
(ирҿыцуп 14:03 13.05.2019)
Кортуа ихьӡ зху Жәлар рырҿиара ацентр аиҳабы Нури Кәарҷиа арадио Sputnik аҟны еиҭеиҳәеит акәашаратә гәыԥқәа реицлабра "Аӡыхь" аԥҟарақәа рҽырԥсаху, ус иаанхоу, иара убасгьы аиндаҭлара шаҟа гәыԥ алахәхо атәы.

"Сынтәа ҩажәи ҩба шықәса ҵуеит Аԥсны акәашаратә гәыԥқәа реицлабра мҩаԥаагоижьҭеи. Аханатәгьы хықәкыс иҳамоу аԥсуа кәашара аӡыргара, аиӷьтәра, аҩаӡара ашьҭыхра, аҿар радԥхьалара ауп. Иахьазы аицлабра иалахәхо рхыԥхьаӡара ҩажәижәаба ансамбль иреиҳауп. Сынтәа имҩаԥааго егьырҭ аицлабрақәа излареиԥшым атәы ҳҳәозар, ҳаамҭазы аҿиара змоу егьырҭ акәашара хкқәагьы рыла ахәыҷқәа рҟазара аадырԥшыр рылшоит", - иҳәеит Кәарҷиа.

Иара убасгьы еиҭеиҳәеит аицлабраҟны еиуеиԥшым аноминациақәа шыҟоу, ахәаԥшцәа зхәаԥшыша шырацәоу. Лаҵарамза 16-17 рзы Аԥснытәи аҳәынҭкарратә филармониаҿы  имҩԥгахоит акәашаратә гәыԥқәа ҩажәиҩбатәи реицлабра "Аӡыхь".

Шәазыӡырҩла арадио Sputnik Аԥсны аефир.

 

32