Шамба Константин Озган изы: зхы иамеигӡакәа аԥсуа жәлар рзы иқәԥоз хаҵан

49
(ирҿыцуп 09:45 15.05.2019)
Аҳәынҭқарратәи ауаажәларратәи усзуҩ Лев Шамба арадио Sputnik Аԥсны аефир аҟны дигәалаиршәеит Константин Озган.
Аԥсны еицырдыруа ахьыӡқәа: Шамба Константин Озган изкны

Аҳәынҭқарратәи ауаажәларратәи усзуҩ Константин Озган диижьҭеи иахьа 80 шықәса ҵит.

"Константин Константин-иԥа Озган ихцәажәара даара иуадаҩуп, избанзар Аԥсны азы, ижәлар рзы иџьабаа рацәоуп. Аиҳабыратә абиԥара ибзианы дырдыруеит, дыргәалашәоит. Аԥсҭазаараҟны зхы иамеигӡакәа аԥсуа жәлар рзы иқәԥоз ахаҵа иакәын. Иажәа ӷәӷәан, ииҳәаз дыузахырԥаӡомызт. Ахаан ибжьы ҭыганы ҟьарҟьарҳәа дцәажәо сымбацызт уи ахаҵа. Аибашьра ҟалаанӡа телехәаԥшрала ақырҭцәа:"Озган! Озган! Озган!" ҳәа ида аҳәатәы рымамызт, избанзар дҳаршәоит ҳәа иалагар, издызкылоз иакәымызт", - иҳәеит Шамба.

Константин Константин-иԥа Озган Аԥсны Иреиҳаӡоу аилак адепутатс дыҟан, апарламент ахантәаҩы ихаҭыԥуаҩс, напхгара риҭахьан адәныҟатәи аусқәеи  аекономикеи рминистррақәа, Аҳәынҭқарратә ашәахтә маҵзура ахантәаҩыс аус иухьан, убасгьы Аԥсны аиҳабыра ахантәаҩы актәи ихаҭыԥуаҩс. Константин Константин-иԥа иԥсҭазаара аҵыхәтәантәи ашықәсқәа рзы Аԥсны абыргцәа рхеилак ахантәаҩыс дыҟан.

Шәазыӡырҩла арадио Sputnik Аԥсны аефир.

49
Изготовление музыкальных инструментов

Арухаа аԥсуа жәлар рарҳәагақәа рыҟаҵаразы: еиқәырхатәыс исыдушәа збоит

0
Хәаԥ ақыҭан инхо, жәлар рарҳәага рыҟаҵара иазҟазоу Уасил Арухаа арадио Sputnik Аԥсны иазеиҭеиҳәеит иус имаздар зҭаху ауаа дышрышьҭоу.
Раионк аԥсҭазаараҟынтә: Арухаа аԥсуа жәлар рарҳәага рыҟаҵара иазкны

"Аԥсуа инструмент излауала аиқәырхара ҳаҿуп ҳәа сгәы иаанагоит. Уажәы ацех аргылара ҳаҿуп, убри аус ҳзыҟаҵар, аӡәык-ҩыџьак идсырбар сҭахуп уи иацу акәамаҵамарақәа зегьы. Сара сус дсырҵар сҭахуп уи азы агәаҳәара змоу ауаа, аха ус мчыла аӡәгьы дааумгозар, аԥсуа ҷкәын ихала дааины исҭахуп ҳәа иҳәараны дыҟаӡам. Исыдҵаало дҟалар, агәаԥхара изсыркуазар ҳәа сгәыӷуеит. Ахымаа, аҩымаа, ачамгәыр, аҿырпын, уҳәа иара ишақәнагоу ишьақәумыргылар, митәык абжьы ахылҵӡом. Ари схы аланыҟәызгоит ҳәа акәым сзаҿу, ус иагьыҟам, ари еиқәырхатәыс исыдушәа збоит", - ҳәа еиҭеиҳәеит Арухаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

0

Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

123
Жәшықәса раԥхьа идунеи иԥсахит Аԥсны аҩбатәи ахада Сергеи Багаԥшь. Иара ихатәы хьчаҩы Рустам Шларба арадио Sputnik аефир аҿы Сергеи Багаԥшь идҳәалоу игәалашәарақәа ртәы еиҭеиҳәеит.
Шларба Сергеи Багаԥшь изы: ҳиқәгәыӷуан, иаҭаххаргьы, абџьар кны дышҳавагылоз ҳдыруан

"Асҟак аамҭа ҵит ҳәа сызҳәом, ҳала дыхгылоуп иахьеи-уахеи. Иҭеиҭыԥш шыҟаз акәын игәаҭагьы шыҟаз, уи Аԥсны анҭыҵгьы деицгәарҭахьан. Иара иҷкәынцәа реиԥш, иашьцәа аиҵбацәа реиԥш пату ҳаиқәиҵон. Аашықәса инеиԥынкыланы есыҽны иара ҳицын. Ари аамҭа иалагӡаны иҟан ацәгьагьы, абзиагьы, алаф зцыз ахҭысқәагьы. Убри аҟынӡа ҳаишьцылахьан, ауаҩы илакҭа ҳхыԥшылан ииҭаху ҳдыруа аҟынӡа ҳаилаҵәахьан. Ҳала дынхыԥшылалак, иаразнак иаҳдыруан ииҭахыз", - ҳәа азгәеиҭеит Шларба.

Рустам Шларба иҳәеит џьара цәгьарак ҟаларгьы, Сергеи Багаԥшь ишиқәгәыӷуаз, иаҭаххаргьы, абџьар кны дышрывагылозгьы.

"Ахьыԥшымра ҳауаанӡа лымҳаҭасла иҳаҳаит Аԥсны гәыԥк алалеит, ҭаацәаныла атәыла ахада дықәызхыр зҭаху ҳәа. Џьгьарда ҳаҟан уи аамҭазы. Иара даасыԥхьеит аҩны аҩнуҵҟа. Ауаџьаҟ аԥхьа дтәаны атапанча арыцқьара даҿын. "Шәгәышәҽаныз, ҳаит рҳәар, ахәыҷқәеи аҳәсеи лбаажәг, ҳара ара ҳаивагылоит. Шәара ахы шәаҿаргылан, шәкажьны џьаргьы сцаӡом", - ҳәа ҿааиҭит. Ҳара даара ҳиқәгәыӷуан иара, аха уи ажәала иансаҳа, убасҟак сгәырӷьеит, иара аҷкәынцәагьы ианраҳа, ргәы ааҭгәырӷьааит. Зыӡбахә ыҟаз аҭагылазаашьа ҟалазҭгьы, дҳавагылан, иирыцқьоз абџьар ахы шыҭирҟьоз ҳдыруан", - ҳәа игәалаиршәеит Шларба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

123