Аргәын "Кьараз" аусуразы: ақыҭауаа ахәшәқәа злаархәо рымам

76
(ирҿыцуп 16:59 16.05.2019)
Агәыҳалаларатә еиҿкаара "Кьараз" анагӡаратә директор Кадыр Аргәын арадио Sputnik Аԥсны аефир аҿы иҳәеит хылаԥшра зырҭо ауааԥсыра ахәшәқәа рыла реиқәыршәаразы ацхыраара шырҭаху атәы.

"Ахәшәҭиирҭақәа ацхыраара ҳарҭоит, аха уи азхаӡом, избанзар, даара ирацәаҩуп ахәыҷқәа ичмазаҩу, планла ихәышәтәтәу. Убри аҟнытә, ауааԥсыра рахь аҳәара ҟаҳҵоит изларылшо ала иҳацхраартә еиԥш. Ҳтәыла агәабзиарахьчара аминистрреи ҳареи иҳамоуп аимадара, аха уаҟа иҟам иаҳҭаху ахәшәқәа зегьы. Усҟан ҳара аахәатәыс иҳақәшәоит. Иҟоуп иԥхашьаны, аԥара аҟамзаара иахҟьаны ахәышәтәырҭа иадымҵаалогьы. Ақыҭауаа рҭагылазаашьа уадаҩхеит, усҟан ирҭиуаз ашәырқәак рымазҭгьы, иахьа иара урҭгьы ыҟам. Ахәышәтәырҭақәа рҟны ацхыраара рырҭозаргьы, ахәшәқәа злаархәо рымам", - ҳәа азгәеиҭеит Аргәын.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

76