Микрофон  - Sputnik Аҧсны
Арадио

Аҩӡба: ауаҩы агәра иургар, убри ауп аҟазара аарԥшра

© Беслан ЛагәлааАлиас Аҩӡба
Алиас Аҩӡба - Sputnik Аҧсны
Анапаҵаҩра
Аспектакль "Ацынҵәарах" арежиссиор-ақәыргылаҩ Алиас Аҩӡба арадио Sputnik аҟны агәаанагара ааирԥшит иахьатәи алшарақәа ухы иархәаны арежиссиор изанааҭ унапахьы иааугар ауеит, уи азы апрофессионалтә зыҟаҵара умамзаргьы ҳәа.
Аҩӡба: ауаҩы агәра иургар, убри ауп аҟазара аарԥшра

"Апрофессионалтә зыҟаҵара - ԥышәа дууп. Са сыхәҭаахьала иазгәасҭар сҭахуп иахьатәи аамҭазы адунеи аҟны аблахтра ду аныҟоу, аҵарадырра аҩаӡара аныҳараку, акы зҵар, избар зҭаху, џьара ҵарак дынҭаланы акәымкәа, ихы иаирхәаша даара рацәоуп. Иҟоуп алитература, аинтернет. Сара режиссиорк иаҳасабала аҵараиурҭа салымгаӡацт, сыхгьы ԥысымшәацт, исылшогьы ахә зшьаша ахәаԥшҩы иоуп.

Иазгәасҭар сҭахуп, арежессура иамоу аԥҟарақәа уажәшьҭа имаӡаӡам. Еснагь срызҿлымҳан арежиссиор ихы иаирхәо амыругақәа. Аспектакль аус адулара ҳаналага, изныкымкәа аҟазацәа неины рылаԥш ахыргеит аҽазыҟаҵарақәа. Арежиссиор идиплом акгьы санаҳәаӡом, аҟазара амҽхак ҭбаауп, ауаҩы зыгәра иургаз зегьы - убри иашоуп, убри ауп аҟазара", - азгәеиҭеит Аҩӡба.

Баграт Шьынқәба ироман "Ацынҵәарах" ала лаҵара 22-23 рзы Аԥснытәи аҳәынҭқарратә театр аҟны Аҿар ртеатр ақәыргыламҭа аԥхьарбара мҩаԥнагоит. Аспектакль арежиссиор-ақәыргылаҩс дыҟоуп Аҿар ртеатр актиор Алиас Аҩӡба.

Шәазыӡырҩы аудио арадио Sputnik Аԥсны аефир аҟны.

Ажәабжьқәа зегьы
0