Џьамбул Инџьгьиа

Инџьгьиа: амҳаџьырра ишахәҭоу еиԥш иҭҵааны макьана иҳамам

99
(ирҿыцуп 15:08 20.05.2019)
Амҳаџьырра- иахьынӡахәҭоу иҭҵааны иҳамам иҳәеит арадио Sputnik Аԥсны аефир аҟны аԥсадгьыл ахь архынҳəразы аминистр ихаҭыԥуаҩ, аҭоурыхҭҵааҩ Џьамбул Инџьгьиа.
Хра злоу ахҭысқәа: Инџьгьиа амҳаџьырра иазкны

"Амҳаџьырра аганахьала аҭоурых алкаақәа ҟаҵатәуп. Ҳара макьана иахьынӡахәҭоу иҭҵааны иҳамам ари атрагедиа. Ишыҟаз, анаҩс иахылҿиааз. Гьаргь Ӡиӡариа зегь раԥхьаӡа ихы иаирхәаз Урыстәыла иҟаз архивтә материалқәа роуп, аха иахьа Ҭырқәтәылагьы иҟоуп алшара убри аамҭа иаҵанакуа архивтә материалқәа рыҭҵаара. Уи инаҷыданы, Аԥсны иқәҵыз ирымоуп алшара рхылҵшьҭра ашьақәыргылара, уи аилкаара. Сара сыблала избахьеит Османтәи архив аҿы иаарԥшыз ахыҵхырҭа. Уаҟа иқәҵит ҳәа ануп "Сохум" ҳәа аҟынтә. Ҭырқәтәыла инхо ҳашьцәагьы иаҳа рҿы азцоит "Сохум", Аҟәа аасҭа. Абарҭ архивтә материалқәа еиҿыбааны иҭуҵаар уигьы азымхар ҟалап. Иаҳхамышҭыр ауп ахԥатәи агангьы шыҟаз. Урыстәылеи Ҭырқәтәылеи еилкаауп, аха иҟан аҵәы зыршозгьы – Англиеи Франциеи. Сҩызцәа аӡәык ҩыџьак аҿуп усҟантәи аамҭазы агазеҭқәа ирнырҵоз аҭҵаара. Убри аус шьақәыргыланы ианеиҿурԥшлак, убысҟан ауп иаҳа ихаҭәаау аиаша анаарԥшхо", - ҳәа азгәеиҭеит Инџьгьиа. 

Кавказ ажәларқәа рхырҵәара амш апрограмма ркьаҿуп имҩаԥысуа акциа инадҳәаланы

Лаҵара 21 Кавказтәи аибашьра иалаӡыз ргәалашәара иамшуп.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

99
Роман Джопуа

Џьапуа арахә рчымазараҟнытә ҿыц ироуз алаҵазы: даара аџьабаа адбаланы иааган

4
Аԥсны аветеринартә маҵзура аиҳабы Роман Џьапуа арадио Sputnik аефир аҿы еиҭеиҳәеит амаҵзура ҿыц иаиуз алаҵа арахә рзы ишхәарҭоу.
Џьопуа арахә рчымазараҟнытә ҿыц ироуз алаҵазы: даара аџьабаа адбалан иааган

"Иҳауз алаҵа Аԥсны арахә ирымоу ҩ-чымазарак иртәуп. Аҳәынҭқарратә программала ари ахәшә ааҳхәаӡом, иааҳхәо иаҳа злеишәа цәгьоу ачымазарақәа рзоуп аҟнытә, иара апрограмма иаҵанакуамызт. Акрааҵуеит аҳәара ҟаҳҵоижьҭеи Аԥсны аус зуа Еиду амилаҭқәа рхаҭарнакра иҟанаҵо ацхыраарала ари авакцина ҳзааргарц. Даара аџьабаа адбаланы иҳарҭеит ахәшә, ақырҭцәа иаармышьҭырц иалагеит. 15 нызқь доза ҳзааргеит, урҭ рахьынтә аа-нызқь инареиҳаны ишаны ираҳҭахьеит ҳара ҳҳақьымцәа. Авакцина иагхан иахьааз аҟнытә усҟак ахархәара аиуӡом, избанзар зырахә ашьхахь иказцахьоу анхацәа ыҟоуп, ашоура ӷәӷәа аан агәыргьы рылауҵар ҟалаӡом", - ҳәа еиҭеиҳәеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

4

Гәарамиа акалмаҳааӡарҭазы: аԥсшьаҩцәа ҳзымаар, ҳус ҽеихом

22
(ирҿыцуп 18:10 02.06.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит русура шеиҿкаау, уадаҩрас ирымоу атәы.
Раионк аԥсҭазаараҟынтә: Гәарамиа акалмаҳааӡарҭа аусура иазкны

"Ҳусқәа хар рымамкәа ицоит, аха адунеи аҟны иҟоу ачымазара иахҟьаны ишьақәгылаз аҭагылазаашьа ҳԥырхагоуп. Акоронавирус иахҟьаны аԥсшьаҩцәа ҳзымаар, ҳус ҽеихом. Урҭ ааир, ҳшәахтәқәа, ҳуалгьы ҳшәоит, ҳаргьы хәыҷык ҳауа иҟалон. Аԥсыӡқәа рыфатә уалла иааҳгеит, миллион мааҭ инацны иҳақәуп. Избанзар 60-70 кьыла ҽнак ирфоит, кьылак 150-200 мааҭ рҟынӡа иаԥсоуп рыфатә. Уи 10 тоннак ааҳгеит, акәацлых ауп, ахә цәгьоуп", - иҳәеит Гәарамиа.

Иара убасгьы еиҭеиҳәеит аԥсыӡааӡарҭаҟны шаҟаҩы аус руа, акалмаҳа аҭыԥаҟны ишхырхуа, уи шаҟа мааҭ иаԥсоу.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

22