Аполитикатә ҭҵаарадыррақәа ркандидат Беслан Ҳагба

Аполитолог Ҳагба: аоппозициа амчраҿы анеиразы илныхуа амҩа аԥсуаа зегьы ирныруеит

37
(ирҿыцуп 18:11 21.05.2019)
Аполитикатә ҭҵаарадыррақәа ркандидат Беслан Ҳагба арадио Sputnik Аԥсны аефир аҟны игәаанагара иҳәеит ишьақәгылаз аҩныҵҟа-политикатә ҭагылазаашьаҟны аҳәынҭқарра ԥырхага амаиур, амчрақәеи аоппозициеи рхы шымҩаԥыргаша азы.

Аполитолог агәаанагара ааирԥшит алхрақәа рахыгара азакәан аилагара ианыԥшуамызт, аха ес-хәышықәса ақәгыларақәа рымҩаԥгаразы ашьццылара аполитикатә культура иҽеимкәа ианыԥшуеит ҳәа.

"Сара сгәаанагарала адиалог ахь ииасроуп, аиҿцәажәарақәа мҩаԥыргароуп. Ас еиԥш аҿырԥштәқәа ақәгыларақәа рганахьала аҳәынҭқаррақәа рҟны ирацәоуп. Азинтә шәага-загақәа реилагара зынӡа иҟалаӡом. Амчраҿы мчыла унеир ҟалозар, даҽа џьоукгьы рхы иадырхәар алшоит", - ҳәа азгәеиҭеит аполитолог.

Иара иҳәеит аоппозициатә мчқәа рԥыза игәабзиара иахҟьаны иҟалаз ахҭысқәа зегьы ргәы ишалоу. Аха убри аан аоппозициа ахықәкы хада амчраҿы анеира, уи азы илырхуа амҩа акырӡа аҵанакуеит .

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

 

37
Атемақәа:
Аԥсны аҳәынҭқарра ахада иалхрақәа рыҿҳәара анахаразы акциа (40)