Микрофон  - Sputnik Аҧсны
Арадио

Кәарцхьиаԥҳа ақәыргыламҭа ҿыц азы: амаҭәарқәеи алашареи фырхаҵа хадак иҩызоуп

© Sputnik / Томас ТхайцукСариа Кәарцхьиаԥҳа
Сариа Кәарцхьиаԥҳа - Sputnik Аҧсны
Анапаҵаҩра
Ажурналист Сариа Кәарцхьиаԥҳа арадио Sputnik аҟны еиҭалҳәеит Аурыс ҳәынҭқарратә драматә театр аҟны ақәыргыламҭа "Визит старой дамы" аҽазыҟаҵара хада шымҩаԥысыз.
Кәарцхьиаԥҳа ақәыргыламҭа ҿыц азы: амаҭәарқәеи алашареи фырхаҵа хадак иеиԥш рроль нарыгӡоит

"Ахы инаркны аҵыхәанӡа ақәыргыламҭа хиоуп, ахәаԥшҩы изыԥшуп. Ашәҵатәы, асценаҟны иқәдыргыло амаҭәарқәа, алашара, абжьы зегь рыла еиқәшәоуп. Атеатр аиҳабы Иракли Хынҭәба апресс-конференциаҟны ишазгәеиҭаз, аспектакль ҿыцқәа анықәдыргыло, атеатргьы ԥхьаҟа ицоит, иҿиоит. Ақәыргыламҭа "Визит старой дамы" еицырдыруа ауп, иҿыцу етапуп атеатр азы, избанзар имариоу акәӡам, асоциалтә психологиа зныԥшуа усумҭоуп. Актиорцәа ари аспектакль аҟны рџьабаа ӷәӷәоуп. Аха зегь раасҭа иџьасшьаз, амаҭәарқәеи алашареи роуп, ихадоу фырхаҵак иеиԥш ароль нарыгӡоит", - лҳәеит Кәарцхьиаԥҳа.

Искандер ихьӡ зху Аурыс ҳәынҭқарратә драматә театр аҟны рашәарамза 6-7 рзы швеицариатәи апрозаик Фридрих Диурренматт итрагедиатә комедиа "Визит старой дамы" аԥхьарбара мҩаԥысуеит. Ақәыргыламҭа арежиссиорс дыҟоуп Антон Киселиус.

Шәазыӡырыҩла арадио Sputnik Аԥсны аефир.

Ажәабжьқәа зегьы
0