Руслан Хашиг

Ҳашыг: ауаҩы агәырӷьареи аамҭа хьанҭеи дырзыҟаҵазароуп

43
(ирҿыцуп 11:01 14.06.2019)
Аԥсны ажурналистцәа реидгыла ахантәаҩы, ателеканал "Абаза- ТВ" аиҳабы Руслан Ҳашыг иира амш аҽны арадио Sputnik Аԥсны аинтервиу аиҭеит.
Ҳашыг: ауаҩы агәырӷьареи аамҭа уадаҩи дырзыҟаҵазароуп

Руслан Ҳашыг ииун 14 аҽны иихыҵит 60 шықәса.

"Аусура зҭаху изы 60 шықәса аамҭа бзиоуп. Лафда иҟалом, асовет аамҭазы ирҳәалон аусура  уи ныҳәоуп, убри аҟынтә сиира амш аусураҟны исхызгоит. 60 шықәса уи рыцхуп, хымԥада, аха иҟоуп иазааигәоу даҽа мышкгьы "Абаза-ТВ" ателеканал аефирахь ианҭыҵыз амш, еилаҳагӡар ҟалап", -  иҳәеит Ҳашыг.

Ажурналист иазгәеиҭеит  иабиԥара аамҭа хьанҭа рхыргазаргьы, насыԥ змоу ракәны ииԥхьаӡоит, избанзар ахьанҭара ухазыршҭуа  алҵшәа иахаанхеит. Убри аан иҳәеит уи аҵакы шырацәоу, аҭакԥхықәрагьы шуднаҵо.

"Ҳазхааныз аамҭа аҳәынҭқара ду анеилаҳауаз, ҳажәлар ирхыргараны иҟаз ухаҿы аагара усҟан иуадаҩын, аха аԥыза дызмоу ажәлар, иуаажәлар ҭамырхакәа абахәқәа ирҿыганы, аӡеилашрақәа ирҭыганы, иҭамырхакәа, еиқәырханы изнысыз амҩа ҳаҭыр ақәҵаны аихаҳара амҩа рзеиӷьасшьоит. Иарбан абиԥаразаалак аҭоурых мҩа ирыднагало акаҿы иаҵамхо, аҵарадыррала иазхианы, аамҭа рҿаԥхьа иқәнаргыло, иахылҿиаарц зылшо ашәарҭарақәа иазыҟаҵаны, ҳҿар риааиуа амчи, агәалаҟазаареи, азыҟаҵареи рымазарц рзеиӷьасшьоит. Ауаҩы агәырӷьарагьы  дазыҟаҵазароуп, ицәырҵуа ауадаҩрагьы", - иҳәеит Ҳашыг.

Шәазыӡырҩы аудио. Иаҳа инарҭбаау анҵамҭа шәаҳар шәылшоит арадио Sputnik Аԥсны аефир аҟны.

 

43

Џьапуа еиҭеиҳәеит археологиахь имоу абзиабара хыҵхырҭас иамоу атәы

5
Аҵарауаҩ, археолог, Аԥснытәи Аҳәынҭқарратә музеи аиҳабы Аркади Џьапуа ԥхынгәы 15 рзы иазгәаиҭоит ииубилеи, иара ихыҵит 65 шықәса. Арадио Sputnik Аԥсны аефир аҿы иара еиҭеиҳәеит археологиа агәыбылра шикыз, насгьы аԥсуаа иреиҳаӡоу шәарҭараны иҳамоу атәы.
Аԥсны еицырдыруа ахьыӡқәа: Џьапуа иԥсҭазааратә мҩа иазкны

"Ҷлоу Аимара аҳаблан сахьиз, сахьааӡаз, ҳаҩны аган аҟынҵәҟьа ииасны ицон Аԥсуа баагәара. Ҳхәыҷқәамзи, убра џьит ҳахәмаруан, ҳаҩуан, ҳаԥон, археологиа аганахьалагьы абзиабара сзыркыз убри ауп. Ҳара ажрақәа мҩаԥаагомызт, аха аԥшаахқәа ҳанрықәшәоз ыҟан, уи аҭоурых ауп бзиа исзырбазгьы. Аҩбатәи – аҭоурых ҳазҭоз арҵаҩы Константин Ԥарулуа уи цәгьа ҳгәы азыҟаҵан Аԥсны аҭоурых ҳзеиҭеиҳәон, иара ибзоуроуп аҭоурых ахь исымоу абзиабара ҳәа исыԥхьаӡоит", - ҳәа еиҭеиҳәеит Џьапуа.

Археолог арадиоефир аҿы иазгәеиҭеит аԥсуаа ҳбызшәа еиуеиԥшым ашықәсқәа рызгьы ауадаҩра ишҭагылаз, аха иахьатәи аамҭа иаҿырԥшны иухәозар, усҟан уи ала ицәажәон ақыҭақәа.

"70-тәи ашықәсқәа рзы ашкол ҳалган аҵара ҳанҭала, Аҟәа ҳанааи, ҳахьнеилакгьы атәым бызшәа ҳаҳауан, сҩызцәеи сареи шәааи-сааи ԥсышәала ада ҳамцәажәап атәымуаа рцас азы ҳәа еибыҳәаны аԥсышәала ҳцәажәауан. Убасҟан саԥхьа иааԥшуа иалагеит абызшәа аҭагылазаашьа, ауадаҩра, аха усҟан ҳқыҭақәа хьчан, иҭәын, уи ҳбызшәа ахьчауан. Иахьа ус еиԥш иҟам. Уахьынтә иалҵны аҿар анаа, ақыҭаҿы иаанхеит абыргцәа. Иахьа абызшәа аҭагылазаашьа аиҳа еиҳау апроблема аибашьра анаҩс иҳамаӡам", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

5

Какәыбаа: араион аҿы аспорттә секциақәа шаҟа ирацәоу аҟара, еиҳагьы еиӷьхоит

9
(ирҿыцуп 18:37 14.07.2020)
Гәылрыԥшь араион аспорткомплекс "Агәыӡера" аиҳабы Мурман Какәыбаа арадио Sputnik Аԥсны аефир аҿы еиҭеиҳәеит иарбан спортхкқәоу араион аҿы еиҳарак аҿиара змоу, насгьы ахәыҷқәа разыҟаҵаразы лшарақәас иҟоу атәы.
Раионк аԥсҭазаараҟынтә: Какәыбаа Гәылрыԥшь аспорткомплекс аусура иазкны

"Аспорткомплекс аус ауеит х-спортхкык рыла: ашьапылампыл, акарате, абокс. Ҳахәмарратә зал шьақәҳаргылеижьҭеи еиҭа ҩ-хкык ацаҳҵар ҳҭахуп - анапылампыли, амҵәышәымпыли. Ҳхәыҷқәа аихьӡарақәа рымоуп акарате аҿы, абокс аҿы. Ашьапылампыл акәзар, еиҳа ицәгьоуп, ахәыҷқәа макьана аԥышәа рымам. Рыхә-секциак анаартхалак 150-ҩык, 200-ҩык рҟынӡа ахәыҷқәа ҳадаҳкылартә еиԥш алшара ҳауеит. Асекциақәа шаҟа ирацәоу аҟара, ахәыҷқәа рзы еиҳа еиӷьхоит. Аспорткмплекс аҿы рҽазыҟарҵар ауеит 300-ҩык инарзынаԥшуа ахәыҷқәа сааҭ-сааҭла еихшаны. Азыҟаҵаҩцәа рганахьала ҳаиқәшәоуп, ахәыҷқәагьы бзиа ирбоит, рус иазҟазоуп", - ҳәа еиҭеиҳәеит Какәыбаа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

9

Урыстәылеи Ҭырқәтәылеи рҳаиртә еимадара хацдыркуеит

0
(ирҿыцуп 13:33 15.07.2020)
Ҭырқәтәылатәи АИХқәа рҟны ицәыргоуп Ҭырқәтәыла атранспорт аминистр Адил Караисмаилоӷлу иҟынтәи ихыҵхырҭоу аинформациа аҳауатә еимадара ԥхынгәы 15 инаркны ишхацыркхо азы.

АҞӘА, ԥхынгәы 15 - Sputnik. Урыстәылеи Ҭырқәтәылеи рҳаиртә еимадара хацдыркырц азы еилацәажәеит, аха макьаназы арыцхә еилкаам ҳәа аанацҳауеит РИА Новости, Ҭырқәтәыла атранспорт аминистрраҟынтә ахыҵхырҭа шьаҭас иганы.

"Иахьа ҳминистр аҳәамҭа ҟаиҵеит атәылақәа рыҩба рҳауатә ҵакыра аартра ишақәшаҳаҭхаз, аха макьаназы арыцхә шьақәыргылам, аимадара анхацыркхогьы еилкаам", - ҳәа иҳәеит амаҵзура иацәажәоз ахаҿы.

Урыстәыла акоронавирустә пандемиа инадҳәаланы хәажәкыра 27 раахыс аҳауатә еимадара ԥнакит. Ззин ыҟаз аидаратә, аԥошьҭатә, асанитартә, агуманитартә реисқәа ракәын, иара убасгьы аиҳабыра рзин ҷыдала иалшон атехникатә маҵзуразы, иҭацәу аҳаирпланқәа рырԥырреи атранзит реисқәа рымҩаԥгареи рзы.

Урыстәыла ԥхынгәы 15 инаркны иаԥыхуп ихымԥадатәиу ҩымчыбжьатәи акарантин атәылахь иалало рзы.

Уаанӡа Роспотребнадзор ажәалагала ҟанаҵахьан аҳаиртә еимадара шьақәыргылазарц: Германиа, Италиа, Великобританиа, Польша, Даниа, Финлиандиа, Венгриа, Нидерланды, Норвегиа, Китаи, ШриЛанка, Вьетнам, Монголиа рахь.

Аԥыза-министр ихаҭыԥуаҩ Татиана Голикова аҳәамҭа ҟалҵеит аҳаиртә еимадара ахацыркразы аҭагылазаашьа иахәаԥштәуп, 100000-ҩык ауааԥсыра рыбжьара 40 вирус хҭыс еиҳамкәа аҭыԥ амазароуп ҳәа.

Иара убас шәаԥхьар ҟалоит:

0
Атемақәа:
Ачымазара ҿкы – акоронавирус Аԥсни адунеи аҿи: иалкаау