Шьарида Ҭыжәԥҳа

Ҭыжәԥҳа Аԥсуа театр аԥхынтәи аусуразы: аԥсшьаҩцәа Искандер ила иқәыргылоу иазҵаауеит

139
Аԥсуа драматә театр АИХи ауаажәларреи рымадаразы адиректор хада ихаҭыԥуаҩ Шьарида Ҭыжәԥҳа арадио Sputnik Аԥсны иазеиҭалҳәеит ԥхынгәымзазы ахәаԥшцәа атеатр асценаҿы ирбар рылшо ақәыргыламҭақәа ртәы.
Ҭыжәԥҳа Аԥсуа театр аԥхынтәи аусуразы: аԥсшьаҩцәа Искандер ила иқәыргылоу иазҵаауеит

"Есымза ахәаԥшцәа идҳарбоит быжьба-ааба спектакль. Ԥхынгәымза ҳалагеит "Махаз" ала. Даара ирацәаны аԥсшьаҩцәа ҳаман, иргәаԥхоит акомедиа ажанр, иазҵаауеит Фазиль Искандер иҩымҭақәа рыла иқәыргылоу аусумҭақәа, урҭ дара ирдыруеит, гәахәарылагьы ирыдыркылоит. "Аԥсуа алитература ашедеврқәа" рахь инеиуагьы дубап. Аиҭагаҩ дыҟаӡам анаҳҳәалак, гәыла еилаҳкаауеит ҳәа ҳарҳәоит. Аԥсшьаҩцәа гәыԥ-гәыԥла иаауеит, атеатр иадгыло рацәоуп, аха Аҟәа иаанымгыло рыда абилетқәа рзаахәом. Знык шәҩык рҟынӡа аԥсшьаҩцәа анҳамоу ыҟоуп, азал идәылҵуа рхаҿсахьала иубаратәы иҟоуп ирбаз агәахәара шырнаҭаз. Асинхронтә еиҭага ыҟамзаргьы, зегьы еилукаартә иҟоуп ҳәа ҳарҳәоит", - ҳәа азгәалҭеит Ҭыжәба.      

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.    

 

139

Гәарамиа акалмаҳааӡарҭазы: аԥсшьаҩцәа ҳзымаар, ҳус ҽеихом

16
(ирҿыцуп 18:10 02.06.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит русура шеиҿкаау, уадаҩрас ирымоу атәы.
Раионк аԥсҭазаараҟынтә: Гәарамиа акалмаҳааӡарҭа аусура иазкны

"Ҳусқәа хар рымамкәа ицоит, аха адунеи аҟны иҟоу ачымазара иахҟьаны ишьақәгылаз аҭагылазаашьа ҳԥырхагоуп. Акоронавирус иахҟьаны аԥсшьаҩцәа ҳзымаар, ҳус ҽеихом. Урҭ ааир, ҳшәахтәқәа, ҳуалгьы ҳшәоит, ҳаргьы хәыҷык ҳауа иҟалон. Аԥсыӡқәа рыфатә уалла иааҳгеит, миллион мааҭ инацны иҳақәуп. Избанзар 60-70 кьыла ҽнак ирфоит, кьылак 150-200 мааҭ рҟынӡа иаԥсоуп рыфатә. Уи 10 тоннак ааҳгеит, акәацлых ауп, ахә цәгьоуп", - иҳәеит Гәарамиа.

Иара убасгьы еиҭеиҳәеит аԥсыӡааӡарҭаҟны шаҟаҩы аус руа, акалмаҳа аҭыԥаҟны ишхырхуа, уи шаҟа мааҭ иаԥсоу.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

16
Сира Авидзба

Аҩӡԥҳа акультура аҳәынҭқарратә ҵараиурҭа онлаин аусуразы: макьана ҳазхиамзар ҟалап

6
(ирҿыцуп 14:56 02.06.2020)
Аҟәатәи аҳәынҭқарратә акультуратә ҵараиурҭа аиҳабы Сира Аҩӡԥҳа арадио Sputnik аефир аҟны еиҭалҳәеит ачымазара ҿкы аламырҵәаразы атәылаҟны иалагалаз аԥкрақәа рҵарауирҭа аусура ишаныԥшыз атәы.
Ҳазлацәажәаша ҳамоуп: Аҩӡԥҳа Акультура аҳәынҭқарратә ҵараиурҭа аусура иазкны

"Уажәшьҭа хымз иназынаԥшуа аҵара аангыланы иҟоуп, егьырҭ аҵараиурҭақәа рҟны еиԥш. Излаҳалшоз ала онлаин аҵара аԥшьаҳгеит, аха уи жәлар ринструменқәа, ахореографиа рҟны аума даара иуадаҩуп. Ақыҭақәа рҟынтәи иааз ҳастудентцәа ишахәҭоу техникала еиқәшәам ыҟоуп, уи алҵшәа даара имаҷуп, ус еиԥш аҵара макьаназы ҳазыҟаҵамзар ҟалап", - лҳәеит Аҩӡԥҳа.

Лара адырра ҟалҵеит Акультура аминистрраҟны аилацәажәара шымҩаԥырго аҵарашықәс ахыркәшара инадҳәаланы.

"Актәи, аҩбатәи акурсқәа ирымаз ахәшьарақәа рыла азеиԥш хәшьара рыҭаны, егьырҭ аушьҭымҭацәа рԥышәарақәа излауала еиҿкааны абри амза иалагӡаны имҩаԥаҳгарц, иалҳаргап ҳәа ауп", -лҳәеит лара.

Убри аан иазгәалҭеит аҵараиурҭа астудентцәа изхысраны иҟаз апрограмма ахарҭәаара шыуадаҩхо.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

6

Аԥсны акоронавирус злоу аӡәгьы даанымхеит

1
Иахьатәи аамҭазы Гәдоуҭатәи араионтә хәышәтәырҭа хадаҿы акоронавирустә инфекциа злоу аӡәгьы даанымхеит.

АҞӘА, рашәара 2 - Sputnik. Гәдоуҭатәи араионтә хәышәтәырҭаҟынтә иҭырҩааит акоронавирустә инфекциа зыхьны иҟаз аҵыхәтәантәи хҩык апациентцәа, абри атәы аанацҳауеит COVID-19 аҟынтәи ауааԥсыра рацәыхьчаразы аоперативтә штаб. 

Иҳаҩсыз уахыки-ҽнаки рзы акоронавирус рылоу ирыламу гәаҭан 57-ҩык ауааԥсыра, урҭ рахьтә аӡәгьы акоронавирус рылам.

Акоронавирус азы апандемиа ааҟалеижьҭеи Аԥсны ичмазаҩхахьеит 28-ҩык, урҭ рахьтә 26-ҩык ргәабзиара шьақәгылеит, аӡәы лыԥсҭазаара далҵит ҳәа аанацҳауеит аоперштаб.

Акоронавирус иадҳәалоу ажәабжьқәа шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау