Микрофон  - Sputnik Аҧсны
Арадио

Кәарцхьиаԥҳа еиҭалҳәеит асовет аамҭазы Аԥсны аус зуаз анемеццәа рмоҭа ҳтәыла дшаҭааз

© Sputnik / Томас ТхайцукСариа Кәарцхьиаԥҳа
Сариа Кәарцхьиаԥҳа - Sputnik Аҧсны
Анапаҵаҩра
Ажурналист Сариа Кәарцхьиаԥҳа арадио Sputnik аҟны еиҭалҳәеит 1940-тәи ашықәсқәа рзы Аҟәа аус зуаз анемец ҵарауаҩ ахимик Петер Тиссен иҭаацәа рҭоурых, уи имоҭа Стефан Флорек иҭаацәеи иареи ҳтәыла ишаҭааз, араантәи Германиаҟа ирго атәы.
Кәарцхьиаԥҳа еиҭалҳәеит асовет аамҭазы Аԥсны аус зуаз анемец ҵарауаа рмоҭа ҳтәыла дшаҭааз

"Анемец ҵарауаҩ ахимик Петер Тиссен имоҭа Стефан Флорек идыруан иҭаацәа рҭоурых, аха Аԥсныҟа даартә алшара имамызт, иусура иахҟьаны, уажәы дтәанчаҩуп. Иӡбеит иани иаби ахьеибадырыз, иабду ианшьцәа аус ахьыруаз Аҟәа ақалақь даҭаарц. 1945 шыкәсазы аибашьра анҵәамҭазы Германиа атомтә бомба аус адызулоз аҵарауаа рыԥшаарц рыӡбеит асовет мчра ахаҭарнакцәа. Ус иагьыҟарҵеит, зықьҩык инареиҳаны аҵарауаа ааргеит Асовет Еидгылахь. Урҭ инарылукааша ҳәа иҟаз дреиуан Петер Тиссен. Аҟәатәи афизика-техникатә интситут аҟны алабораториа маӡа ыҟан. Уаҟа аус руан Тиссен иуацәеи иареи.

Иҳаҩсыз ашәышықәса 40-тәи ашықәсқәа рзы Аҟәатәи афизика-техникатә институт аҟны аус руан анемец ҵарауаа. Аинтерес амоуп Аԥсныҟа иааз Стефан Флорек иҭоурых, иани иаби ара Аԥсны ауп иахьеибадырыз. Иаб Аԥсны атҟәацәа рлагер аҟны иҟаз дреиуан. Аинститут аҟны дибеит анаҩс иԥшәмаԥҳәысхаз Дороти. Риҵаҟа ԥсшьара ҳәа ирышьҭит мызкы. Рыҷкәын аиҳабы Аԥсны диит. Стефан иҭаацәа аӡәы иаҳәаны имааит, иан Аԥсны бзиа ибаны аӡбахә изеиҭалҳәон. Иара иӡбеит иҭаацәа иманы ҳтәыла даҭаарц, Риҵа рбарц", - лҳәеит Кәарцхьиаԥҳа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Ажәабжьқәа зегьы
0