Астанда Хашба

Ҳашԥҳа Тҟәарчал ақалақь азы: аҳәынҭқарратә программа аҭахуп

12
Аԥсуаҭҵааратә институт аусзуҩ, аетнодемограф, аҭоурыхтә ҭҵаарадыррақәа ркандидат Асҭанда Ҳашԥҳа арадио Sputnik аҟны еиҭалҳәеит Урыстәыла имҩаԥысуаз аконгресс аҟны лажәахә зызкыз.

Ԥхынгәы 2 инаркны 6-нӡа Казань ақалақь аҟны антропологцәеи аетнологцәеи а-ХIII-тәи реизара ду мҩаԥысуан.  Уи Аԥснынтә иалахәын ҩыџьа аҵарауаа Асҭанда Ҳашԥҳаи Саида Возԥҳаи.

Аҵарауаҩ Асҭанда Ҳашԥҳа лгәаанагарала ақалақь аԥсҭазааразы аҳәынҭқарратә программа хымԥадатәиуп.

"Ҩышықәса рахьынтә знык имҩаԥыргоит ас еиԥш зымҽхак ҭбаау аконгрессқәа. Сызлахәыз асекциаҟны ақалақь хәыҷқәа рыԥсҭазаара иазкын. Сынтәатәи аконгресс аҟны 66 секциа аус руан. 700-ҩык инарзынаԥшуа аҵарауаа алахәын. Иҟан Америка Еиду аштатқәа, Сербиа, Венгриа уҳәа рҟынтәи аҵарауаа. Сажәахә Тҟәарчал иазкын. Хԥаҟа-ԥшьбаҟа шықәса ҵуеит ақалақь аԥсҭазаашьа ҭысҵаауеижьҭеи. Ауаа рхыԥхьаӡара ҳахәаԥшыр аизҳара атәы аҳәара даара иуадаҩуп, избанзар ииуа раасҭа иԥсуа еиҳауп. Уи Тҟәарчал мацара акәӡам, ус еиԥш аҭагылазаашьа ыҟоуп зегьынџьара. Тҟәарчал азы аҳәынҭқарратә программа ҟаҵатәуп. Иаҳдыруеит асовет аамҭазы ақалақь иаԥсҭазаашьаз, ауаа уахь изцоз. Амилаҭ еилаԥса ыҟан Тҟәарчал, насгьы зегьы махәҿала аус руан. Русура иагхар рхы вба арҭон, алеишәагьы ыҟан. Ақалақь иамаз ахатә ресурсқәа шьақәыргылазар ақалақь аԥсы ҭалон, егьырҭ араионқәа рҟынтәигьы ауаа уахь усура инеиуан", -лҳәеит Ҳашԥҳа.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.

12