Микрофон  - Sputnik Аҧсны
Арадио

Қәҭарба аԥсуа қыҭа Есма-Ҳаным иҟоу аӡхыҵразы: ауааԥсыра аимадара рымам

© Sputnik / Томас ТхайцукХайри Кутарба
Хайри Кутарба - Sputnik Аҧсны
Анапаҵаҩра
Ҭырқәтәыла иҟоу аԥсуа қыҭа Есма-Ҳаным аӡхыҵра ӷәӷәа ҟалеит, аӡы аҩнқәа аҩбатәи аихагыла рҟынӡа инаӡахьеит. Ауааԥсыра реиқәырхаразы аруаа адҵа роуит. Абри атәы иҳәеит арадио Sputnik Аԥсны аинтервиу аҿы уи ақыҭа иалҵыз, иахьа зашьцәа уа инхо, ҳџьынџьуаҩ Ҳаири Қәҭарба.
Қәҭарба аԥсуа қыҭа Есма-Ҳаным иҟоу аӡхыҵразы

"Ахԥатәи мшуп ақәоура иаҿуижьҭеи. Ҭырқәтәыла аӡхыҵрақәа ахьыҟалаз ақыҭақәа ирылоуп сқыҭагьы - Есма-Ҳаным. Уа уажәы сашьцәа нхоит. Иаха срацәажәон, аӡы хыҵны аҩнқәа ирыжәлеит, аҩбатәи аихагыла аҟынӡа аӡы халеит. Агәарбжьара игылаз амашьынақәа зегьы агеит. Аҳаблаҿы афымцалараша ыҟаӡам, рҭелқәа тәаны иҟоуп азы аимадара ҳабжьаӡам. Адырра зласымоу ала ибгаз амҩақәа ыҟоуп, аруаа авертолиотқәа рыла ауааԥсыра ацхыраара рыҭара ргәы иҭоуп, иалыргарцоуп. Аҭагылазаашьа даара ибааԥсуп. Сара уа сынхонаҵы, насгьы иахьынӡаздыруа ас еиԥш аӡхыҵра ҟамлацызт", - иҳәеит Қәҭарба.   

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0