Аркади Џьапуа

Џьапуа Очамчыратәи аԥшаах азы: аҩыра ҭызҵаауа аҟазацәа асахьа рзаҳашьҭит

43
Аԥсуа ҳәынҭқарратә музеи аиҳабы, археолог Аркади Џьапуа арадио Sputnik аҟны еиҭеиҳәеит Очамчыра имҩаԥырго аҭҵаарақәа раан ирбаз аԥшаах атәы.

Очамчыра ақалақь аҟны ҩымчыбжьа инарзынаԥшуа аԥсуа-аурыс археологиатә гәыԥ ажрақәа мҩаԥнагоит.

"Ҳаамҭазы аус ахьаауа антикатә аамҭазы Гиуенос ҳәа зыхьӡ неҩхьоу ақалақь аҟноуп (Очамчыра). Ҳаԥхьа ажрақәа мҩаԥызгозгьы ҳаргьы иаҳԥыхьашәоит иаҳа ажәытәтәи аԥсуаа ахьынхоз хархәагас ирымаз амаҭәахәқәа. Ажрақәа рҟны иаҳбоит аҿыгҳарақәа шеилаԥсоу, иҵегьы алада ҳласкьар, иаҳа аамҭакала иҭышәынтәаланы иаҳԥыхьашәап ҳәа агәаанагара ыҟоуп. Ихадоу ҳаԥшаахқәа иреиуоуп ақьырмыт. Уи аҟны аҩыра ануп, уи аԥхьа иаҳбахьоу иреиԥшым. Сгәы иаанагоит уи аԥхьаҟа еилкаахап ҳәа. Аҩырақәа ҭызҵаауа еиуеиԥшым аҟазацәа асахьа рзаҳашьҭит. Ақьырмыт ахаҭа афбатәи ашәышықәса иаҵанакуеит ҳәа агәаанагара ҳамоуп", - иҳәеит Џьапуа.

Инеиҵыху анҵамҭа шәазыӡырҩы арадио Sputnik Аԥсны аефир аҟны.

Иара убас шәаԥхьар ҟалоит:

  • Археологцәа Очамчыра ирбеит ажәытәра шаҳаҭс иамоу аԥшаах

     

43