Тамаз Цвижба

Ҵәыџьба еиҭеиҳәеит Гал араион аҟны араса аҽаҩра зеиԥшроу атәы

15
Гал араион ахада ихаҭыԥуаҩ, ақыҭанхамҩа аусбарҭа аиҳабы Ҭамаз Ҵәыџьба арадио Sputnik аефир аҟны иҳәеит сынтәа араса аҽаҩра зеиԥшроу атәы.

"Гал араион аҟны аҭагылазаашьа зеиԥшроу атәы ҳҳәозар ҵыԥхи ҵыԥхцәеи ирҿырԥшны 80 процент рҟынӡа аҽаҩра еиқәырхоуп. Аџьармыкьаҟны уааиргьы иубартә иҟоуп аҭагылазаашьа зеиԥшроу, ауаа тоннала араса ааганы аҭиира иаҿуп. Ахәгьы бзиоуп, иадбалаз аџьабаа  ахәеит. Ҵыԥх ҵыԥхцәа араса ахә 20-40 мааҭ иаԥсазҭгьы, иахьа 100 мааҭк иркоит. Машьынала иаауеит 120 мааҭ ҳәагьы иаазхәо ыҟоуп. Аҵыхәтәантәи амшқәа рзы иаҳа ахә ацлара  аҳәаа ахыгараан абаџь ахьақәырхыз иадаҳҳәалоит. Аԥты иаанагаз ачымазарақәа араса ааха ӷәӷәа аанаҭеит , аха сынтәа еиқәырхоуп егьырҭ ашәыр хкқәагьы. Ианаамҭаз хәшәыла ҳаиқәдыршәеит, ҳажәларгьы ҳаргьы ханеивагыла алҵшәа ҟалеит", - иҳәеит Ҵәыџьба.

Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

 

15