Мдар Сақаниа

Сақаниа Аҿар ртеатр хәышықәсатәи аусуразы: ахәаԥшцәа ззыԥшу ақәыргыламҭақәа ҳамоуп

94
(ирҿыцуп 19:45 23.08.2019)
Аҳәынҭқарратә Аҿар ртеатр аԥҵоуижьҭеи 5 шықәса ҵит. Атеатр адиректор ихаҭыԥуаҩ Мдар Сақаниа русуразы алкаақәак ҟаиҵеит арадио Sputnik аефир аҟны.
Ҳазлацәажәаша ҳамоуп: Сақаниа Аҿар ртеатр аусура иазкны

"Аҿар ртеатр ала аусура иалагеит адраматург Шьоҭа Ҷкадуа ипиеса "Ҳаԥсыуаауп, ҳаԥсыуаа!". Ақәыргыламҭа ахәаԥшцәа ибзианы ирыдыркылеит. Иара ҳтеатр шьаҟас иамоуп. Уи анаҩс аҷкәынцәа ҳаидгыланы, аиҳабацәа ҳацырхрааны аусура ҳалагеит. Аԥынгылақәа рацәаны иҳаман, 12 штат рыла аусура ҳалагеит, иахьа уажәраанӡа 12 штат еиҵаҳхит 30-ҩык рҟынӡа, штат бжак аҟны иҭаҩны иҳамоу рацәаҩуп. Ари аамҭазы 11 спектакль ықәҳаргылахьеит, еиҳараӡак аԥсуа драматургцәа рҩымҭақәа рыла. Урҭ рахьынтә саззаҭгылар сҭахуп Анзор Мықәба ипиеса "Қьалашьбеи". Уи ықәҳаргылеижьҭеи шықәсык инацны иҵуеит, аха иахьа уажәраанӡагьы иҳазҵаауеит ианбаҟало ҳәа. Ақәыргыламҭа 25 аншлаг аман. Режиссиорк иаҳасабала раԥхьа ихы ԥишәеит Алиас Аҩӡба "Ацынҵәарах" анықәиргылоз. Гхақәак ыҟазҭгьы, урҭ рҽеишьа змам ракәӡам, даара иқәҿиеит ҳәа азгәарҭеит атеатр абзиабаҩцәа. Ақәыргыламҭа аџьабаа адаҳбалеит, аха аҩымҭа шьагәыҭс иҳамаз мԥсахкәа аарԥшра ҳалшеит ҳәа сгәы иаанагоит. Уигьы ахәаԥшыҩцәа азыԥшуп, аншлагқәа фба ыҟан. Иааиуа аспектакль ахь абилеҭқәа абжа аанкылоуп. Ақәҿиара змаз аспектакльқәа рацәоуп, ахәаԥшыҩцәагьы маҷымкәа иҳазнеиуа иалагеит",- иҳәеит Сақаниа.

Аҳәынҭқарратә Аҿар ртеатр аԥҵан нанҳәа 21, 2014 шықәсазы Аԥсны Аминистрцәа Реилазаара ақәҵарала, аҿар рырҿиаратә лшарақәа рырҿиара хықәкыс иҟаҵаны.

Шәазыӡырҩы аподкаст. Иаҳа инарҭбаау аиҿцәажәара шәаҳар шәылшоит арадио Sputnik Аԥсны аефир аҟны.

94

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

18
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

18
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

16
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

16