Виталий Джения

Џьениа Боча Аџьынџьал изы: иԥсҭазаара зегьы иԥсадгьыл аӡыргара иазикит

31
(ирҿыцуп 14:07 24.08.2019)
Нанҳәа 25 рзы Аԥсны аҵыхәтәантәи имҩахь днаскьаргоит еицырдыруа аԥсуа аҟазараҭҵааҩ, Аԥсны ашәҟәыҩҩцәеи, ажурналистцәеи, асахьаҭыхыҩцәеи реидгылақәа иалаз Боча Аџьынџьал. Иара Санкт-Петербург дшынхозгьы ихәыцрақәеи иусуреи зегьы Аԥсны иадҳәалан ҳәа азгәеиҭеит Аԥсны асахьаҭыхыҩцәа реидгыла ахантәаҩы, иҩыза Витали Џьениа.
Џьениа Боча Аџьынџьал изы: иԥсҭазаара зегьы иԥсадгьыл аӡыргара иазикит

"Даара зылшара рацәаз, раԥхьатәи аԥсуа альбом аҭыжьра зыбзоурахаз дреиоуп. Иаргьы саргьы аиҩызара бзиа ныҟәаҳгон. Аибашьра ашьҭахь, иара Санкт-Петербург дыҟан, аха иааҟаиҵоз зегьы иԥсадгьыл ахь имаз агәыбылра иадҳәалан, уи адагьы, ақырҭқәеи ҳареи ҳанеилаз,  "Аидгылара" анышьақәдыргылаз аума, Владислав Арӡынба Аԥсныҟа иаагара аума, дахьҳавагыламыз ҳәа акгьы иҟамызт. Иԥсҭазаара зегьы иԥсадгьыл дазхәыцуан, абзиарахь ҳазкыслауазар ҳәа дыҩуа еснагь акы дашьҭан. Боча Аџьынџьал Гьаргь Чачба Аԥсны сахьаҭыхҩы дук иаҳасабала дцәырызгаз иоуп. Архивтә материалқәа ҭиҵаауан, иаҳзымдыруаз аарԥшра дашьҭан", - ҳәа азгәеиҭеит Џьениа. 

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

31

Ҳагба: ҳбызшәеи ҳаԥсуареи еиқәхар ҳҭахызар- ақыҭа ҭаҳгароуп

3
(ирҿыцуп 14:00 07.08.2020)
Аҳәынҭқарратәи ауаажәларратәи усзуҩ Валери Ҳагба иира мшы азы арадио Sputnik Аԥсны аефир аҟны иҳәеит 80 шықәса ихыҵра дшазыҟоу, Аԥсны Аџьынџьтәылатә еибашьраан хьыӡшьарақәас имаз, иара убасгьы дазааҭгылеит аԥсуа қыҭа иахьатәи абзазшьа атәы.
Ҳагба: ақыҭа ҭаҳгароуп ҳбызшәеи ҳаԥсуареи еиқәхар ҳҭахызар

Аҳәынҭқарратәи ауаажәларратәи усзуҩ, Аԥсны Жәлар рфорум "Аидгылара" Гәдоуҭатәи аҟәша ахантәаҩыс иҟаз, бџьарлеи техникалеи аиқәыршәаразы атәылахьчара аминистр ихаҭыԥуаҩс иҟаз, аинрал-маиор, Аԥсны афырхаҵа, Аҷандара абыргцәа рхеилак ахантәаҩы Валери Езыгә-иԥа Ҳагба иахьа 80 шықәса ихыҵит.

Валери Ҳагба азиндырҩы изанааҭ ала Харьковтәи аиуристтә факультет далгеит. Аус иуан Аԥсны апрокуратура аҟны 1990 шықәсанӡа. Аԥсны Аџьынџьтәылатә еибашьра ҟалаанӡа Гәдоуҭа араион ашәахтә инспекциа анапхгаҩыс дыҟан. Активла далахәын амилаҭ-хақәиҭратә қәԥара. Аԥсны Аџьынџьтәылатә еибашьра аԥхьатәи амшқәа рзы илагала рацәоуп аԥсуа ар реиҿкаара аус аҟны. 1998 шықәсазы Гал Лаҵарамзазтәи операциаҟны илагалазы аинрал –маиор ҳәа ахьӡ ианашьан. 2006 шықәсазы атәылахьчара аминистр ихаҭыԥуаҩ иҭыԥ ааныжьны ԥхьатәара дцеит.

"Ижәдыруеит 80 шықәса маҷӡам. Сара есқьынагьы аусура саҿын иахьцазгьы сымбаӡеит (ашықәсқәа- ред.). Сшыхәыҷыз саб идунеи иԥсахит. Ҩышықәсеи бжаки схыҵуан ҳан хәҩык ахәыҷқәа лнапаҟны ҳанаанха, аиҵбы хымз ракәын ихыҵуаз. Усҟан аԥсҭазаара мчын, аколхоз ыҟан, сан зегьынџьара дахьӡар акәын. Сабду амҳаџьырра ицаны иаахьаз усҟан шәышықәса дырҭысхьан…Саншьцәа Гәлиаа рҟны, Ешыра схәыҷра ашықәсқәа схызгеит", - иҳәеит Ҳагба.

Иахьа аԥсуа қыҭа аԥсҭазаашьа далацәажәо иазгәеиҭеит, урҭ ацхыраара анрыҭамха, абызшәеи амилаҭтә леишәеи шыӡуа.

"Ақыҭақәа анҭаҳамга ҳаԥсуарагьы, ҳбызшәагьы ҳцәыӡуеит. Абызшәа ануцәыӡ уаԥсыуоуп ҳәа ухы злоуԥхьаӡои. Египет (Мысра) ҩышә нызқьҩык рҟынӡа ыҟоуп Абаза ҳәа рыжәлоуп, аха аԥсшәа рыздырӡом. Уи аԥсуара иахәарҭахозар, шәышықәса ахы-аҵыхәала убас ҳнанагоит", - иҳәеит Ҳагба.

Шәазыӡырҩы аудио. Иаҳа инеиҵыху Иаҳа инеиҵыху анҵамҭа шәаҳа шәылшоит арадио Sputnik Аԥсны аефир аҿы.

3
Астамур Мамед-оглы

Мамед-оглы аицлабра "Swim Sukhum" азы: хәыҷгьы дугьы иргәаԥхоит

13
(ирҿыцуп 10:21 07.08.2020)
Аклуб "Аспорт Аԥсны" ахаҭарнак Асҭамыр Мамед-оглы арадио Sputnik Аԥсны аефир аҿы иҳәеит аспортсменцәа рыбжьара есышықәсатәи аицлабра "Swim Sukhum" азҿлымҳара бзиа шамоу атәы.
Мамед-оглы аицлабра "Swim Sukhum" азы: хәыҷгьы дугьы иргәаԥхоит

Аицлабра "Swim Sukhum" Аҟәа имҩаԥысраны иҟоуп асабша, нанҳәа 8 рзы.

"Ҵыԥх 1000 метрак аҿы зхы алазырхәыз сынтәа 2700 метра иӡысуеит. Уи иаанаго ауаа аицлабрақәа рҽазыҟарҵо иалагеит. Сынтәа ибзианы иаҳзымҩаԥгар, ҳаԥхьаҟа адистанциа хә-километрак аҟынӡа иҟаҳҵар ҳҭахуп. Уажәазы зегьы иреиҳау 2700 метроуп. Зҽанызҵо ауаа рхыԥхьаӡара иаҳа-иаҳа иацлоит, аиашазы, усҟак ҟалоит ҳәа ҳаҟаӡамызт. Ахәыҷқәагьы рхыԥхьаӡара иаҳа-иаҳа иацлоит. Даара иргәапҳоит аицлабра. Амшын аҟәараҿы ҳанхоит, аӡсашьа узымдыруазар, иԥхашьароуп ҳәа сыԥхьаӡоит. Аицлабрақәа раан аӡсаҩцәа зегьы ахылаԥшра рымазаауеит, аиқәырхаҩцәа аҳақьымцәеи амшын аҟәареи, иара аӡаҟныи иҟалоит", - еиҭеиҳәеит Мамед-оглы.

Аицлабра "Swim Sukhum" Аԥсны хышықәсоуп имҩаԥысуеижьҭеи, иара еиднакылоит ҩ-спортхкык: аҩреи аӡсареи.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

13

Аԥсныҟа иааргараны иҟоуп хә-нызқь рҟынӡа атест-системақәа

3
(ирҿыцуп 15:04 07.08.2020)
Аԥсны иахьатәи аамҭазы иааизакны коронавирус рыманы ишьоуп 114-ҩык. Урҭ рҟынтәи 37-ҩык ргәы бзиахахьеит, хҩык ԥсит.

АҞӘА, нанҳәа 7 - Sputnik. Акоронавирустә инфекциа амазаара ашьақәыргыларазы хә-нызқь рҟынӡа атест-системақәа Аԥсныҟа иааргараны иҟоуп, абри атәы Sputnik имҩаԥысуаз апресс-конференциаҿ илҳәеит Агәабзиарахьчара аминистрра ахәышәтәратә усбарҭа аиҳабы Саида Делԥҳа.

"Хара имгакәа хә-нызқь система ааргараны иҟоуп, аха ҳара урҭ изыхәҭаны иҟоу ирзымҩаԥаагалоит", - лҳәеит лара.

Делԥҳа лажәақәа рыла, Аԥсныҟа иаарго атест-системақәа агәаҭара иахыжьуп, рырбагақәа рыгәра угартә иҟоуп.

Иара убас Делԥҳа илҳәеит, нанҳәа 7 рзы Сечин ихьӡ зху аинститут аҟазауаа Аԥсныҟа ишаауа, аковидтә центр ишаҭаауа, иаҭаххар аҭыԥантәи аҳақьымцәа ацхыраара шрырҭо.

Иара убас шәаԥхьар ҟалоит:

  • Аԥснынтә COVID-19 зманы инанаго апациентцәа рзы адкыларҭа дырхиоит Шәача
3
Атемақәа:
Ачымазара ҿкы – акоронавирус Аԥсни адунеи аҿи: иалкаау