Давид Бигвава

Бигәаа амҵәышәымпыл азы Аҟәа имҩаԥгаз аицлабра азы: узхәаԥшыша ыҟан

26
(ирҿыцуп 18:37 03.10.2019)
Амҵәышәымпыл азы Аԥснытәи акоманда ахәмарҩы Давид Бигәаа арадио Sputnik аефир аҟны дазааҭгылеит Аҟәа имҩаԥгаз атурнир алҵшәақәа, ҳахәмарыҩцәа уи шрыдыркылаз.
Бигәаа амҵәышәымпыл азы Аҟәа имҩаԥгаз аицлабра азы: узхәаԥшыша ыҟан

Аҟәа ихыркәшан амҵәышәмпыл азы Жәларбжьаратәи атурнир ахәмарыҩцәа аветеранцәа рыбжьара. Аицлабрақәа Аиааира амш иазкын. Урҭ ирылахәын 7 командак ақалақьқәа Новороссииск, Волгоград, Екатеринбург, Азов, Черкесск, Ҟәбина иҟоу Славианск, Аҟәа рҟынтә. Аҵыхәтәантәи афиналтә хәмарраҿы еиқәшәеит Аҟәеи Славиански ркомандақәа. Аиааира ргеит асасцәа.

"Актәи аҭып зҭахымда, аха аҩбатәигьы зынӡа ибааԥсны иҟам. Ҳкоманда иалахәыз аҷкәынцәа изларылшоз, разыҟаҵара иахьазы ишыҟоу ала рхы даара ибзианы иаадырԥшит. Ҳзеиндаҭлоз аҷкәынцәагьы рҟазара аҩаӡара ҳаракын, убри аҟынтә аиԥыларақәа зегьы шьахәны имҩаԥысит ҳәа агәаанагара сымоуп. Ахәаԥшыҩцәа рхыԥхьаӡара рацәамзаргьы агәахәара рнаҭеит, избаз ахәыҷқәа џьара гәыблырак ркит ҳәа сгәыӷуеит, узхәаԥшыша ыҟан", - иҳәеит Бигәаа.

Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

26

Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

2
(ирҿыцуп 15:18 23.01.2021)
Аҳәынҭқарратә наплакы "Аԥсныбылтәы" аиҳабы Рамаз Џьопуа арадио Sputnik аефир аҿы еиҭеиҳәеит 2020-тәи ашықәс ишҭысыз атәы.
Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

 

2

Сурманиӡе аԥкрақәа рықәныҟәаразы агәаҭарақәа рылҵшәазы: ауаа иаҳа игәцараркит

9
(ирҿыцуп 14:59 23.01.2021)
Аҟәа ақалақь ахада ихаҭыԥуаҩ Автандил Сурманиӡе арадио Sputnik аефир аҿы еиҭеиҳәеит акарантинтә режим ақәныҟәаразы аҭагылазаашьа зеиԥшроу аилкааразы имҩаԥысуа агәаҭарақәа рылҵшәа атәы.
Сурманиӡе аԥкрақәа рықәныҟәаразы агәаҭарақәа рылҵшәазы: ауаа иаҳа игәцараркит

"Аџьармыкьаҿы иацтәи амш аҽны абжьааԥны еиԥшымкәа ауаа рацәан ҳәа узҳәаӡом. Уаҟа аус зуа аԥсҭазаара бзиа аҟынтә акәӡам аус зыруа, ахьҭа иакуа, сааҭла игылоуп рҭаацәа ныҟәыргарцаз, аха ачымазара ҭаха ҳнамҭеит азоуп аԥкрақәа залагалоу. Аҭиҩцәа уаанӡа аԥкрақәа аналагалаз даара игәамҵуан, уажәы иаҳа еилыркаауа иалагеит, ишахәҭоугьы иазнеиуеит. Абри аабеит аџьармыкьа аҩнуҵҟеи акәша-мыкәшеи. Ҳара ауааԥсыра ргәынҽанӡамкәа ҳрызнеит. Иҳәатәуп, асабрадақәа зхаз шырацәаҩыз. Ауааԥсыра рхымҩаԥгашьа ҳгәаԥхеит. Иацтәи ареидқәа рҿы иаабеит ауааԥсыра асабрадақәа зхазҵо иаҳа ишырацәаҩу, изхам реиҳагьы. Изхамгьы ҳрацәажәеит иреилҳаркааит уи шхымԥадатәиу", - еиҭеиҳәеит Сурманиӡе.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

9