Қапԥҳа еиҭалҳәеит афонд "Аидгылара ацҳа" анапы злаку аусқәа ртәы

16
(ирҿыцуп 20:08 04.10.2019)
Афонд "Аидгылара ацҳа" алахәыла Аира Қапԥҳа арадио Sputnik Аԥсны аефир аҟны еиҭалҳәеит афонд инанагӡо апроектқәа ртәы.

Шықәсык уажәаԥхьа жьҭаарамзазы еиҿкаан афонд "Аидгылара ацҳа". Уи ахықәкы хада Аԥсны инхои Ҭырқәтәылеи иҟоуи ҳдиаспора рхаҭарнакцәа аимадара рыбжьаҵара ауп.

"Ҭырқәтәыла иҟоу Кавказ акультуратә хеилакқәа рфедерациа абзоурала иаарту афонд ауп "Аидгылара ацҳа", уи напхгара алҭоит арепатриантцәа иреиуоу Беҳиче Баӷԥҳа. Афонд ахыбра Миумҭаз Ашамба ихьӡ ахыуп, уи ихатәы ҩны иԥшәмаԥҳәыс Ҳандан афонд рхы иадырхәарц ирылҭеит. Ари ашықәс иалагӡаны имҩаԥган анапҟазара акурсқәа. Уи фымчыбжьа имҩаԥысуан, рхы аладырхәит ауниверситет арҵаҩцәа, астудентцәа. Дара иддырҵон ажәытә аԥсуа, адыга ҳәса иныҟәаргоз араӡны рахәыц иалхыз аҽарҩычагақәа: амацәаз, анапхаҵа, алымҳари, ахәыдхаҵа уҳәа. Иара убри адагьы афонд аҟны иҟоуп аԥсуа бызшәа арҵара акурс, афитнес, иазгәаҭоуп убасгьы егьырҭ акурсқәа раартра", -  лҳәеит Қапԥҳа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

16