Саида Жьиԥҳа

Жьиԥҳа аҭаацәара аԥҵара азҵаара аӡбаразы: ҳгәылацәа рҿырԥшы ҳхы иаҳархәароуп

104
Ихьшәаны аҭаацәара алалара зыхҟьо, аҭыԥҳацәа ақалақьқәа рахь акәымзар хаҵацара зырҭахым, абарҭ азҵаарақәа рыӡбашьас илбо атәы арадио Sputnik аефир аҟны далацәажәеит ажурналист Саида Жьиԥҳа.
Коӷониаԥҳа лымҩаду: Жьиԥҳа ихьшәаны аҭаацәара аԥҵара азҵаара иазкны

"Ҳапсихологиа ауп зегьы зхароу. Аибашьра ашьҭахь ажәлар иаҳа аизҳара, аиҵыҵра иазхәыцуан. Усҟантәи ашықәсқәа рзы зегьы еиҟаран уҳәар алшоит. Аамҭа ԥхьаҟа ианца, аӡәы лшарак иоуит, егьи еиҵаны ирҳауа далагеит. Ҳаамҭазы аҭаацәарақәа рҟны "ҳара ақыҭаҿы ҳамчымханы ҳааӡеит, иахәҭоу аҵара ҳмоуит, ҳара ҳаиԥш аџьабаа шәымбарц иахьеиӷьу шәцароуп" ҳәа рхы иҭаргалоит. Аҭаацәара иалалартә еиԥш рықәра анааилак иалыԥшаауеит, ҳан аџьабаа лбахьан ус еиԥш иаҳҭахым ҳәа", - азгәалҭеит  Жьиԥҳа.

Лара лгәаанагарала, аԥсуа ҭаацәарақәа рҟны аҿарацәа 15-16 шықәса анархыҵуа инаркны иазыҟарҵалароуп, рхы иҭаргалароуп досу ихатә хәышҭаара шаԥиҵаша, ԥхьаҟа аԥсҭазаара еиԥымҟьар шакәу. Уи азы жәларыкны ҳмиаӡаарц иҳаланхо атәым милаҭ рҿырԥшы ҳхы иаҳархәароуп ҳәа лыԥхьаӡоит ажурналист.

Шәазыӡырҩы аудио. Иаҳа инарҭбаау анҵамҭа шәаҳар шәылшоит арадио Sputnik Аԥсны аефир ала адырраҭара "Коӷониаԥҳа лымҩаду" аҟны.

104
Беслан Джопуа

Џьапуа Аԥсны аекологиеи аԥсабара ахьчареи рҭагылазаашьа ахәшьара аиҭеит

6
Аԥыза-министр актәи ихаҭыԥуаҩ Беслан Џьапуа арадио Sputnik аефир аҟны еиҭеиҳәеит атәылаҟны аекологиеи аԥсабара ахьчареи рҭагылазаашьа хәшьарас иаиҭо.
Атәылауаҩи аиҳабыреи: Џьопуа аекологиа азҵараақәа ирызкны

Рашәара 4 рзы Аԥсны аԥыза-министр актәи ихаҭыԥуаҩ Беслан Џьапуа имҩаԥигаз аилацәажәара иалахәын Аекологиазы аҳәынҭқарратә еилакы ахантәаҩы Савели Ҷыҭанаа, Аҵиаақәа рзы аҳәынҭқарратә карантинтә хылаԥшра амаҵзура аиҳабы Аркади Џьынџьиа, Аҳәынҭқарратә ветеринартә маҵзура аиҳабы Роман Џьапуа, Ақыҭанхамҩа аминистрра иатәу Аҵиаақәа рыхьчаразы амаҵзура аиҳабы Владимир Гьериа.

"Аиаша шәасҳәап, иахьазы ауаҩы дзыргәырӷьо маҷуп, иҟалап ҳара иаҳа ҳазеицәазар аԥсабара, иара еиуеиԥшым ахәаҷақәа, ачымазарақәа рыла иҳанаҭо аԥхасҭа аасҭа", - иҳәеит Џьапуа.

Аԥыза-министр актәи ахаҭыԥуаҩ иазгәеиҭеит ақыҭанхамҩа аԥхасҭа азҭо еиуеиԥшым амаҵа хкқәа рҟынтә ахәшәтәрақәа рымҩаԥгаразы аиҵахарақәа шазгәаҭам. Аԥсыӡкра азҵаара далацәажәо, иара иҳәеит аалыҵ аус адызуло Аԥсны азауадқәа мацара уи рнапы алакызҭгьы, ԥаса ишыҟаз еиԥш, уи ахылаԥшра иаҳа имариахон ҳәа.

"Шаҟа аадрыхыз, азауад ахь шаҟа наргаз аԥсыӡ убоит. Егьырахь аквота аужьраан азауадқәа рнаҩс иаланагало рацәаҩуп ари аус. Ҭырқәтәылантәи иаауеит аӷбақәа аԥсыӡкразы. Урҭ қьырала икны, рхы иархәаны, азауад азы акәымкәа еиӷьу аԥсыӡқәа ркуашәа, ахылаԥшра рзыҟаҵара цәгьоуп. Аекологцәа есымша урҭ рааигәа изыҟалаӡом. Хықәкыс иҳамоуп аԥсыӡ акра шаҟа азин азоурыжьуа 30-40 нызқь ҭонна роума, дара иҟоу абыжь-зауадак рыбжьара ишазарц. Дара рыда аӡәгьы дҟамлар, ахылаԥшра иаҳа имариахоит, аԥсыӡгьы анҭыҵ ицо акәымкәа, абра иҟалоит. Ус еиԥш хықәкыла ҳаицәажәеит, иахьынӡалҵуа сыздыруам", - иҳәеит Џьапуа.

Иара убас шәаԥхьар ҟалоит:

6
Юрий Кварацхелия.

Кәарцхьиа еиҭеиҳәеит Гәдоуҭа араион аҟны аҵиаақәа рыхәшәтәра иахьынӡазхиоу атәы

5
(ирҿыцуп 16:08 05.06.2020)
Гәдоуҭа араион ақыҭанхамҩатә усбарҭа аиҳабы Иура Кәарцхьиа арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит амармалташьтә пты аҟынтәи ахәшәтәрақәа рылагара иахьынӡазхиоу атәы.
Кәарцхьиа еиҭеиҳәеит Гәдоуҭа араион аҟны аҵиаақәа рыхәшәтәра иахьынӡазхиоу атәы

"Амармалташьтә пты зшьуа ахәшәқәа 650 литра ҳауит Гәдоуҭа араион. Уи аԥхьа иҟаҳҵаз аҳәара ала, нас иҵегьы ҳҭаххар иҳарҭоит. Иахьа иналак-аалакны ақыҭақәа рҟны иахьырбо аҭаацәарақәа ахәшә ақәҭәара иаҿуп. Апальматә бжы зшьо ахәшә 60 литра ҳауит 1000 шьапы ирызхаша Гәдоуҭеи Афони. Аҩашазы ҳаицәажәаны ҳаҟоуп, маҭәахәыла еиқәҳаршәоит, ахәшә ақәаҳҭәоит. Гәдоуҭа ауаажәларратә ҳәа иԥхьаӡоу аҭыԥ аҟны игылоу 23 пальма ҵла роуп, даҽа 363 шьапы ауаа рыҩны аԥхьа, ргәарԥ аҿы игылоуп. Ҳара иаҳуалу - ус аҵлақәа змоу ҳдыруеит, рҭел ҳасны ираҳҳәоит, иааины иргоит, иақәырҭәоит. Ауаажәларратә ҭыԥқәа рҟны ауп ҳусзуҩцәа иахьақәырҭәо. Гәдоуҭа араион аҟны макьаназы ус еиԥш ачымазара ыҟам, апрофилактикатә хәшәтәрақәа мҩаԥаагоит", - иҳәеит Кәарцхьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

5

Агәаҭара-аушьҭратә ҭыԥ "Адлер" аҿы даанкылоуп ахәшәқәа "Алирика" ыиазгоз ауаҩы

2
Анырра ӷәӷәа ҟазҵо ахәшәқәа рконтрабандазы (Урыстәылатәи Афедерациа Ашьаустә закәанеидкыла ахәҭаҷ 226.1) Урыстәыла атәылауаҩ быжьшықәса рҟынӡа ҭакрала ихигарц иқәырҵар ҟалоит.

АҞӘА, рашәара 5 - Sputnik. Агәаҭара-аушьҭратә ҭыԥ "Адлер - автомҩатә" ашьаҟауаа рыиасырҭаҟны Аԥсни Урыстәылеи рҳәааҿы даанкылан Урыстәыла атәылауаҩ, уи идбалан анырра ӷәӷәа ҟазҵо ахәшәқәа рацәаны, абри атәы аанацҳауеит Краснодартәи атәылаҿацә иатәу Урыстәыла Афедералтә шәарҭадаратә маҵзура иаҵанакуа Аҳәаахьчаратә усбарҭа апресс-маҵзура.

"Хаҭалатәи игәаҭараан Урыстәылатәи Афедерациа атәылауаҩ имаҭәақәа ишрылаз рбеит ахәшәқәа згәылаз аполимертә еилаҳәара. Ахимиатә експертиза ианарбеит урҭ амаҭәашьарқәа "Лирика" ҳәа ззырҳәо апрегабалин шакәыз", - ҳәа аҳәоит адырраҭараҟны. 

Аурыс-аԥсуаа ҳәаа иахыганы контрабандала анырра ӷәӷәа ҟазҵо ахәшәқәа риагаразы ари атәылауаҩ иганахьала ашьаус хацыркуп.

© Foto / Пресс-служба ПУ ФСБ России по Краснодарскому краю
Агәаҭара-аушьҭратә ҭыԥ "Адлер" аҟны Урыстәыла атәылауаҩ имхыз анырра ӷәӷәа ҟазҵо ахәшәқәа згәылаз аилаҳәара

Анырра ӷәӷәа ҟазҵо амаҭәашьарқәа ршәагаақәа ртаблицаҟны иарбоу асиа инақәыршәаны, атәылауа имхыз ахәшәқәа зышәагаа дуу ҳәа ишьоуп ҳәа азгәарҭеит АфШәМ (ФСБ - аред.) Аҳәаахьчаратә усбарҭаҟны.

2