Џьугьелиа аҳәса рацәа раагара азҵааразы: амсылманраҟны ихымԥадатәиу акакәым

218
(ирҿыцуп 12:34 08.10.2019)
Аԥсны амуфти ихаҭыԥуаҩ Абдураҳман Џьугьелиа арадио Sputnik аефир аҟны еиҭеиҳәеит амсылманра аҟны аҳәса рацәа раагра аҵакы, уи изықәныҟәатәу ԥҟараны иҟоу иҟаму.
Ҳазлацәажәаша ҳамоуп: Џьугьелиа аҳәса рацәа раагара азы

Москва амуфти Ильдар Алиаутдинов ааигәа аҳәамҭа ҟаиҵеит аҳәса рацәа раагара Урыстәыла азакәантә шьаҭа аиур, асоциалтә уадаҩрақәа жәпакы аӡбон урҭ рхыԥхьаӡара иаҳа иахьырацәоу аҟынтә ҳәа.

"Амсылманра аганахьала ԥыжәарас иамоу (аҳәса рацәа раагара –аред.), Ҳазшаз ус еиԥш зыиуз салацәажәоит. Ҳазшаз Аҟәырҟан аҟны иҳәоит аҳәса шәгәаԥхозар, аӡәы- ҩыџьа , ԥшьҩык рҟынӡа аажәгар ҟалоит ҳәа, аха еиҟараны, ииашаны рызныҟәашьа шәақәшәар ауп ҳәа, ус еиԥш улымшозар, акы уацәшәозар, аӡәы лҟны уаангыл иҳәоит Ҳазшаз. Ас аԥҟарақәа анҳаиҭа, иҟоуп хымԥада иныҟәугаша, иҟоуп аамҭа инақәыршәаны ауаҩы данацныҟәо, ма ианҽааныникыло. Аҳәса рацәа раагара аԥҟара уахь иаҵанакуеит, аҭагылазаашьа дақәшәо дақәымшәо ҳәа. Иара убас амсылман дин инақәыршәаны аҩбатәи аԥҳәыс дааугозар, аԥхьатәи дақәшаҳаҭзар ауп, ус анакәымха, уҽааныукылар ауп. Егьыс аҳәса рацәа раагара зыхҟьо ҳәа амсылманра аҟны иҭысҵаахьеит: аибашьра ианахҟьо ыҟоуп, иара убас аԥхәыс ахаҵа иаасҭа аҭаацәара алалара анылцәыуадаҩу ыҟоуп. Астатистикала иаҳбоит Урыстәыла аҳәса ахацәа раасҭа 10-миллионҩык рыла ишеиҳау. Ажәакала, ҩыџьа аҳәса еиқәшаҳаҭны хаҵак аҭакԥхықәра идырҵозар ҩ-ҭаацәарак рныҟәгаразы, гәнаҳа роуӡом Ҳазшаз иҿаԥхьа", - ҳәа азгәеиҭеит Џьугьелиа.

Шәазыӡырҩла арадио Sputnik Аԥсны аефир.

218

Барганџьиа аԥхасҭа узҭо амаҵақәа рҿагылара иазкны: ахәшәқәа рзы уадаҩра ҟалом

1
Ақыҭанхамҩа аминистрра агрономиа аҟәша аиҳабы Едуард Барганџьиа арадио Sputnik Аԥсны аефир аҟны еиҭеиҳәеит ахәаҷамаҷқәа рҿагыларазы аԥхьатәи ахәшәтәра зламҩаԥыргаша араионқәа рқыҭанхамҩатә ҟәшақәа ирызшоуп ҳәа.
Барганџьиа ахәаҷамаҷакәа рҿагылара иазкны: ахәшәқәа рзы уадаҩра ҟалом

"Ақыҭанхамҩа аминистрраҟынтәи ахәшәқәа араионқәа зегьы ираҳҭеит. Уажәааны амармалташьтә пты ацәырҵра иалагоит. Иаагозар, араионқәа абас ирзеихаҳшеит: Гагра - 100 литрак, Гәдоуҭа - 700, Аҟәа - 160, Гәылрыԥшь - 1200, Очамчыра - 140, Тҟәарчал - 900, Гал - 1600 литра. Апальмақәа рыхәшәтәразы ақыҭанхамҩатә институт 100 литрак раҳҭеит, аекологиазы аҳәынҭқарратә еилакы - 500 литра уҳәа. Иааизакны иуԥхьаӡозар еихаҳшаз ахәшәқәа 6 нызқьи 400 литра рҟынӡа инаӡоит. Ари уажәы аԥхьатәи аҿагыларазы ирызхоит. Иҵегьы ҳара ҳазыԥшуп Урыстәыла ақыҭанхамҩа аминистрраҟынтәи ацхыраара, иҳауроуп ахәшәқәа. Урҭ ақыҭақәа еихшаны ирырҭароуп араионқәа рыҟны иҟоу ақыҭанхамҩатә ҟәшақәа. Аҭыԥ аҟны иазҿлымҳаны ианаамҭоу анхацәа ирзыршароуп. Аминистрраҟынтәи убӷа икыдуҵо ахәшә ақәҭәагақәа сынтәа араионқәа ираҳҭеит 106 цыра. Ахәшәқәа ршараан иара (аԥхасҭа ҟазҵо амаҵа - аред.) иаҳа иахьҿио ҳәа ҳасаб азун. Ҵыԥх акәзар, араионқәа рҟынтәи иҳадаҳкылаз амармалташьтә пты 5 тоннаки 400 кьыла рҟынӡа ыҟан", - ҳәа азгәеиҭеит Барганџьиа.

Шәазыӡырҩы адио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

1
Савелий Читанава

Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп

5
(ирҿыцуп 22:04 04.06.2020)
Аекологиазы Аҳәынҭқарратә еилакы аиҳабы Савели Ҷыҭанаа арадио Sputnik аефир аҟны еиҭеиҳәеит аԥыза-министр актәи ихаҭыԥуаҩ Беслан Џьапуа аекологиа азҵаарақәа рзы имҩаԥигаз аилацәажәараҟны ишьҭыхыз азҵаарақәа ртәы.
Ҷыҭанаа аԥсқьарцәа рзы: знык лахь рыуҭар, ус еиԥш уаҳа иргәамԥхо иҟалароуп

Рашәара 4 рзы Аԥсны аԥыза-министр актәи ихаҭыԥуаҩ Беслан Џьапуа имҩаԥигаз аилацәажәара иалахәын Аҵиаақәа рзы аҳәынҭқарратә карантинтә хылаԥшра амаҵзура аиҳабы Аркади Џьынџьиа, Аҳәынҭқарратә ветеринартә маҵзура аиҳабы Роман Џьапуа, Ақыҭанхамҩа аминистрра аҵиақәа рыхьчаразы амаҵзура аиҳабы Владимир Гьериа.

"Аиԥылараҟны ҳрылацәажәеит аԥсыӡкра аамҭа аекологиазы ԥырхагас иаму, азауадқәа русушьа, Аԥсны аӡиасқәа ирҭоу аԥсыӡ шыркуа атәы. Ааигәа иҟан ахҭыс аекологиа аԥхасҭа азҭо акаҭала аԥсыӡкра иадҳәалаз. Азакәан аилагара заҭәазшьаз иахьырхәразы иҟаҵоу, аԥхьаҟа иҟаҳҵ, лшарас иҳамоу ҳрылацәажәеит. Аилагарақәа ҟаӡҵо ирыду ахараԥса маҷуп, уи аизырҳра, хымԥада, иаҭахуп. Знык лахь зуҭаз, даҽазны ус еиԥша игәамԥхо дҟалароуп. Ус акәымкәа, уажәы иҟоу ахараԥса шәаны, даахьаҳәны даҽаџьара дцоит, даҽазны сааныркылар акгьы амам, исшәоит ҳәа. Ҳалацәажәеит агәамсам азҵаарагьы, аекологиа апроблемақәа актуалра зҵоу шьҭыхын",- иҳәеит Ҷыҭанаа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

5