Валерий Касландзия

Касланӡиа Таиф Аџьба изы: аԥсуа иаҳаҭар лазырҟәуа ацәажәарақәа ичҳауамызт

31
(ирҿыцуп 15:12 20.05.2020)
Апоет, адраматург, Аџьба ихьӡ зху аҳәынҭқарратә премиа алауреат Валери Касланӡиа арадио Sputnik Аԥсны аефир аҿы дигәалаиршәеит иҩыза апоет Таиф Аџьба.
Хра злоу ахҭысқәа: Касланӡиа Таиф Аџьба изкны

"Ҩыџьа аишьцәа апоетцәа ыҟан Каландиақәа, руаӡәк Рене захьӡыз дҭаҟьаҭасын цәгьала. Абри асасааирҭа "Абхазия" аԥхьа Таифи иареи еиԥылеит, аԥсуаа рзы ишакәым дцәажәо далагеит. Таиф дыздыруаз зегь шаҟа дуаҩ ҭынчыз атәы рдыруеит, аха аԥсуа длазырҟәуа иаҳар иҭахымызт, изымчҳаит, дисит. Ақырҭуа дахькаҳаз уаҳа дымгылеит, дыԥсыз џьысшьит ҳәа иҳәеит. Уаҳа дышьҭымхӡакәа аҩныҟа дцеит, уа ааигәа дынхон Таиф. Ари ахҭыс атәы ихаҭа исзеиҭеиҳәеит . Анаҩс адырҩыҽны ашьыжьымҭан Таиф ихьӡ ҳәаны изҿиҭит ииԥҟаз Каландиа, ари ауаа иманы даазар ҟалап ҳәа, ача злаԥыиҟоз ҳәызбак иџьыба иҭаҵаны длыбааит Таиф, егьи ааигәа ирҭиуаз ачашә ҳфап ҳәа еиҳәеит. Уаҳа Таиф аӡәыи иареи еимакы рыманы исыздыруам. Иара убриаҟара дтатан, ила угәы нхартә еиԥш иҟаиҵомызт. Таиф иҩымҭақәа рҟны иубоит шаҟа дуаҩ бзиаз, дҵаулаз, ихәыцра шҳаракыз, уи амҽхак шыҭбааз",- иҳәеит Касланӡиа.

Еицырдыруа аԥсуа поет, Гәлиа ихьӡ зху аҳәынҭқарратә премиа алауреат Таиф Аџьба жьҭаара 9, 1992 шықәсазы ақырҭуа гвардееццәа иҩны ддәылганы дыргеит. Иахьа уажәраанӡа иара хабарда дыбжьаӡны дыҟоуп.

Иара убас шәаԥхьар ҟалоит:

31

Џьынџьал Тҟәарчал аџьықәреи аҽаҩразы: аибашьра еилгеижьҭеи ас еиԥш ҳамбацт

7
(ирҿыцуп 20:06 28.10.2020)
Тҟәарчал араион ақыҭанхамҩа аусбарҭа аиҳабы Амиран Џьынџьал арадио Sputnik аефир аҿы еиҭеиҳәеит сынтәа араион анхацәа рџьықәреи аҽаҩра зеиԥшроу.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ҳраион аҿы ари аҩыза аҽаҩра ҟамлацызт уҳәар ҟалоит. Сынтәа аџьықәреи ахаҭабзиара бзиоуп, алаҵараангьы аҭагалараангьы амшқәа ақәшәеит, зынӡа ахьы иаҩызоуп. Иааидкылан 950 гектар аџьықәреи лаҵаны иҳаман. Гектаркнтә ҩ-тоннаки бжаки ҟалар акәын. Аибашьра еилгеижьҭеи ас еиԥш аҽаҩра ҳамҩбацызт. Аҽаҩра амш иахьыԥшуп, ажәларгьы ибзианы аус адырулан, ҳәарада, алҵшәагьы ҟалеит. Ажәакала, аҭагылазаашьақәеи зегьы еиқәшәеит, ауаа ахагьы роуит, аԥсабарагьы иара атәы ҟанаҵеит", - еиҭеиҳәеит Џьынџьал.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

7

Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

6
91 шықәса зхыҵуа Раиса Голанӡиаԥҳа акороновирус лхылгеит. Уи ачымазара дшаиааиз атәы арадио Sputnik Аԥсны аефир аҿы еиҭалҳәеит.
Голанӡиаԥҳа акоронавирус азы: абыржәгьы агәра зымго хәыҷык ихшыҩ днанамгозар акәхап

"Ашоура ансоу Очамчырантәи аҳақьым (Очамчыратәи ахәышәтәырҭа аҳақьым хада Мадонна Кьышьмариаԥҳа-аред.) дааит. Сангәалҭа ашьҭахь, саашьҭыхны Гәдоуҭа сылгеит. Амҩан санцоз сыԥсы назгоит ҳәа сыҟамызт, даара сгәаҟуан. Гәдоуҭа сԥагьы саргьы палатак аҿы ҳашьҭан. Мчыбжьык уа ҳаҟан. Даара нап ҳадыркылеит. Урҭ рыла ҳанхеит, уа ҳрымгазҭгьы ҳаԥсуан ҳара. Аха уа иҟаз анызба нахыс, сара ачымазара ибзиан исхызгеит уҳәар ҟалоит. Уажәы аҩны ҳаҟоуп, аха амакьана ахәшәқәа ажәра ҳаҿуп. Абриҟара шықәса схыёцуеит, абас ахааныз сычмазаҩханы исгәалашәом, хшариуразы ахәышәтәырҭаҿы сышьҭан акәымзар. Абыржәгьы ачымазара агәра зымго хәыҷык ихшыҩ днанамгозар акәхап, џьара умнеироуп, умааироуп, уара иухҟьаны даҽаӡәы изиурхьрызеи, убри иазымхәыцуа шьҭа дыҟоуп ҳәа сыҟам", - ҳәа еиҭалҳәеит Голанӡиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

6

Уахыки-ҽнаки рыла 106-ҩык акоронавирус шрылаз аадырԥшит Аԥсны

16
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4058-ҩык ыҟоуп. Урҭ рахьтә ргәы бзиахеит 2071-ҩык, рыԥсҭазаара иалҵит 36-ҩык.

АҞӘА, жьҭаара 28 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 458 ҟаҵан, урҭ рахьтә акоронавирус аарԥшын 106 тест рҟны ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 137-ҩык ауааԥсыра, урҭ рахьтә 118-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 26-ҩык, ибжьаратәуп - 40-ҩык, илҩаауп 15-ҩык апациентцәа. Гәдоуҭатәи агоспиталь иҭашәеит жәҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 51-ҩык апациентцәа. 47-ҩык рҭагылазаашьа бжьаратәуп ҳәа иԥхьаӡоуп, ԥшьҩык рҭагылазаашьа бааԥсуп. Амобилтә госпиталь аҟынтәи илҩаауп быжьҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

16
Атемақәа:
Ачымазара ҿкы – акоронавирус Аԥсни адунеи аҿи: иалкаау