Гарри Сангәлиа

Сангәлиа Анхәатәи археологиатә ԥшаарақәа рзы: имҩаԥаагахьоу аҭҵаарақәа хадырҭәаауеит

25
Гәдоута араион Анхәа ақыҭан Гьаргь Аԥсыцқьа иуахәама ахьгылаз аҭыԥ аҟны археологиатә ԥшаарақәа мҩаԥысуеит. Аекспедициа иалахәу Аԥсуаҭҵааратә институт археологиа аҟәша аусзуҩ еиҳабы Гарри Сангәлиа аԥшаарақәа шцо, иззыԥшу атәы еиҭеиҳәеит арадио Sputnik аефир аҟны.

 

Сангәлиа Анхәатәи ажрақәа рзы: имҩаԥаҳгахьоу аҭҵаарақәа хадырҭәаауеит

"Ихыжәжәарахеит зынӡа, метрак еиҳамкәа инхеит, аргылара еилабгахьеит, амала иубаратәы иҟоуп Анаҟәаԥиа ишадҳәалоу. Хыхь иқәгылоу абаа ду унапаҿы иқәгылоушәа иубарҭоуп. Аҭыԥ машәыршәа иалрымхӡеит ауахәама андыргылоз. Иҭаҳҵаауеит аргылараан усҟан рхы иадырхәоз, ахаҳә шырцәоз, ишеиқәырҵоз, ашьыхра ибжьаз, абҷыс иамаз, анҵыра, џьара акахьы икылганы ашьақәыргылара ауама, аргылара хкыс изҵазкуа уҳәа.

Аргылара убриаҟара ихыжәжәарахеит, шьҭа археологиатә баҟахеит, анышәи иареи акгьы рыбжьам еиҟарахарц. Иахьатәи иҽеим аҭагылазаашьа иаалганы аҭҵаарадырразы лҵшәа бзиак ҟаландаз ҳәа агәыӷра ҳамоуп, егьырҭ аҭыԥқәа рҟны имҩаԥаҳгахьаз аҭҵаарақәа ханарҭәаап ҳәа ҳахәаԥшуеит. Аҩыра аҭоурых зегьы аныԥшӡом, уигьы цыԥҵәахақәак роуп иҟоу, аимак-аиҿакгьы анацу ыҟоуп. Инарҭбааны ҳҭоурых жәытә узырбо археологиоуп", - иҳәеит Сангәлиа.

Шәазыӡырҩы аудио. Иаҳа инарҭбааны анҵамҭа шәаҳар шәылшоит арадио Sputnik Аԥсны аефир аҟны.

25
Абессалом Кварчия

Кәарҷиа: алхыҩ иазыҟаҵара хьысҳауп

4
Ауаажәларратә палата алахәыла Абессалом Кәарҷиа арадио Sputnik аефир аҟны игәаанагара иҳәеит алхыҩ изы иахьынӡахәарҭоу адепутатрахь акандидатцәа телехәаԥшрала рықәгылара.

Аԥсны Жәлар Реизарахь алхрақәа мҩаԥысуеит алхратә ҭыԥ хадақәа ԥшьба рҿы: Кындыӷтәи, Гәдоуҭатәи, Бзыԥтәи, Оҭҳаратәи.

Кындыӷтәи алхратә ҭыԥ хада №31 аҟнытә Жәлар Реизара адепутатрахь кандидатцәас иқәгылоуп: Аидар Кәыҵниа, Гарри Кокаиа, Џьансыхә Адлеиба; Гәдоуҭатәи алхратә ҭыԥ хада №18 ала - Асҭамыр Ахбеи Алхас Ҳагбеи; Бзыԥтәи алхратә ҭыԥ хада № 10 ала – Ҭамаз Леибеи, Ҭемыр Беиеи; Оҭҳаратәи алхратә ҭыԥ хада №14 аҟнытә Жәлар Реизара адепутатрахь кандидатцәас иқәгылоуп Робесҭан Габлиеи Алмасхан Барцыци.

Алхратә комиссиа хада имҩаԥнагаз аҵәҭаԥсарала адепутатрахь акандидатцәа Аԥсуа телехәаԥшраҟны аефиртә аамҭа рызшоуп. Бзыԥтәи алхратә ҭыԥ хада №10 ала адепутатрахь акандидатцәа Ҭамаз Леибеи, Ҭемыр Беиеи аефир аҟны иҟалоит уаха, ԥхынгәы 6 рзы.

 

Кәарҷиа ателедебатқәа рзы: заанаҵы ибжьы зиҭо здыруа алхыҩ изы иҵакыдоуп

"Ауаҩы уала-ҭахыла, мамзаргьы аиҳабыра идгылоума, ицхраауама, ҳара даҳтәума, егьырҭ дыртәума ҳәа ихәыцны далзхуа изы егьа теледебат ҟауҵаргьы, иара изы зегь дара роуп. Уи ателехәаԥшраҟны иибо спектакльк еиԥш дазыӡырҩуеит, аха игәы иҭеикыз, изиҭараны дыҟоу ибжьы ииҭоит. Ибжьы зиҭо ззымдыруа аӡәыр дыҟазар, Апарламент ахь днеир абри ихаҿсахьа зеиԥшрахои ҳәа ихәыцуа ауаҩы изы ибзиоуп, ихадоуп телехәаԥшрала иибо, аха иҟоуп ауаҩы иаразнакгьы иеилкаара анымариам. Убри аганахьала сгәаанагарала Алхратә комиссиа хада ахымҩаԥгашьа хәыҷык ихьысҳауп ҳәа ажәлар разыҟаҵаразы. Дара ирҳәароуп алхрақәа шус хадоу, абжьыҭара уала-ҭахыла акәымкәа ишазнеитәу ауаа азыҟаҵалатәуп есымша. Ауаа иахьа хәыҷык иҟьалашәа иҟоуп, рыбжьы зырҭара дрыздыруам, џьоукы-џьоук хьаасгьы ирымам, "иаҳнаҭеи Апарламент" зҳәогьы ыҟоуп. Абжьыҭарахь имнеиз ауаа рхыԥхьаӡара анырацәахалак, уи иаанагоит урҭ разыҟаҵара зыхәҭаз ауаа ажәлар рҟынӡа ишахәҭаз ирызнамгаӡеит ҳәа", - азгәеиҭеит Кәарҷиа.

 

Аԥсны Алхратә комиссиа хада иҭацәыз адепутаттә ҭыԥқәа рахь ԥхынгәы 12 рзы алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп - уаанӡа депутатцәас иҟаз атәыла ахада Аслан Бжьаниа, аԥыза-министр Александр Анқәаб, Аҩнуҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

4

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

15
(ирҿыцуп 11:58 06.07.2020)
Аҟәатәи ахәыҷбаҳча "Алашара" аиҳабы Мадина Ҭыжәԥҳа арадио Sputnik Аԥсны аефир аҿы еиҭалҳәеит акарантинтә аамҭа ашьҭахь ахәыҷбаҳчақәа русура аиҭахацыркра шеиҿкаахо атәы.

Ԥхынгәы 6 рзы акарантинтә аамҭа ашьҭахь ҿыц Аԥсны ахәычбаҳчақәа зегьы русура еиҭахацыркхеит.

Ҭыжәԥҳа: ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан

"Аҵара аусбарҭа иҭнажьыз аԥҟарақәа ртәы ахәыҷбаҳчақәа рнапхгаҩцәа ҳаизганы иҳаилыркаан. Уи анаҩс ааӡаҩцәеи аҭаацәеи ирызнаҳгеит. Иага иуадаҩзаргьы, ҳрықәныҟәароуп арҭ аԥҟарақәа, урҭ зызку ҳхәыҷқәа рыхьчароуп. Актәи ихадоу аԥҟара - ахәыҷқәа адәаҿы иҳадаҳкылоит, урҭ рҭаацәа ахәыҷбаҳча аҩнуҵҟа рыҟазаара зынӡаск азин ыҟаӡам. Амш ицәгьа, ибзиа аҭагылазаашьа ҳхы нақәыршәаны ахәыҷқәа ҳадаҳкылалоит. Аҩбатәи – ахәыҷқәа иааиуа зегьы ргәы бзиазароуп. Амедиаҳәшьа дрылаланы зегьы ршоура гәалҭоит. Иара уи адагьы ахәыҷбаҳча аусзуҩцәагьы зегьы ргәы бзиазароуп, урҭгьы ршоура гәаҭаны убас ахәыҷбаҳча ҳаҩналоит…", - ҳәа еиҭалҳәеит Ҭыжәԥҳа.

Ахәыҷбаҳчақәа русура аиҭахацыркра ныҳәак иаҳзаҩызоуп ҳәа азгәалҭеит Ҭыжәԥҳа арадиоефир аҿы.
"Хымз рыҩнуҵҟа ахәыҷбаҳча ҭаууа иҟан, ахәыҷқәа рыбжьы зҭымыҩуа ахәыҷбаҳчаҿы ҳаҟазаара ҳгәы ҳнархьуан. Иахьатәи амш ҳа ҳзы ныҳәа дууп", - ҳәа лҳәеит Ҭыжәԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

15

"Князь Владимир" 2020 шықәса рзы Аҟәатәи абаӷәазахь иҭалом

2
(ирҿыцуп 15:39 06.07.2020)
Уаанӡа ишазԥхьагәаҭаз ала аӷба "Князь Владимир" Аҟәатәи амшынтә баӷәаза иаҭаар акәын лаҵарамза инаркны цәыббрамзанӡа графикла фынтә.

АҞӘА, ԥхынгәы 6 - Sputnik. Аӷба "Князь Владимир" 2020 шықәса рзы Аҟәатәи абаӷәазахь идгылом ҳәа Sputnik иазеиҭарҳәеит Аԥснытәи амшынӷбарныҟәараҿ.

"ИАЕ "Черноморские круизы" адыррақәа рыла 2020 шықәса ԥхынгәы 3 рзы "Росморпорт" адиректор хада инапынҵала, акоронавирустә инфекциа COVID-19 иадҳәалоу аепидемиологиатә ҭагылазаашьа иахырҟьаны аӷба "Князь Владимир" 2020 шықәсазтәи анавигациахь Аҟәа амшын баӷәаза аҭалара аҵанакуам", - ҳәа рҳәеит аусбарҭаҿы.

"Князь Владимир" 2021 шықәса рзы Аҟәаҟа аара адҳәалахоит Урыстәылатәи Афедерациеи Аԥсны Аҳәынҭқарреи рҿы иҟало аепидемиологиатә ҭагылазаашьа ҳәа рҳәеит аусбарҭаҿ.

Уаанӡатәи адыррақәа рыла аӷба арахь ааира ԥхынгәы абжанӡа иԥкын.

Иара убас шәаԥхьар ҟалоит:

2